வரிஉயர்வும்! விலை ஏற்றமும்!

வரிஉயர்வும்! விலை ஏற்றமும்!

முந்தின நாள் இரவில் தமிழக அரசு வாட் வரி விதிப்பில் அதிரடியாக சில மாற்றங்களை கொண்டு வந்தது. உடனேயே அத்தியாவசியபொருட்கலான சமையல் எண்ணெய் பருப்பு போன்றவை விலை இப்போதே அதிகமாக இருப்பதாகவும் இன்னும் விலை ஏறப்போவதாகவும் சில மீடியாக்கள் செய்தி பரப்பின.
  இந்த வாட் வரி ஏதோ நேற்றுதான் அமலுக்கு வந்தார்ப்போல அரசியல் கட்சிகளும் விலைஉயர்வை கட்டுப்படுத்த வரிவிதிப்பைக் குறைக்க வேண்டும் என அறிக்கை விடுத்து மக்கள் நலனில் அக்கறை உள்ளவர்கள் போல காட்டிக் கொண்டன. உண்மையில் இந்த வரி விதிப்பை கடந்த அரசாங்கமே அமல் படுத்தி இருக்க வேண்டியது. ஆனால் ஓட்டுக்கு பயந்து செய்ய வில்லை.
  இந்த விலை உயர்வுக்கு கூப்பாடு போடும் கட்சிகள் பெட்ரோல் விலை வருடத்திற்குள் ஏழெட்டு முறை உயர்த்தப்பட்ட போது சும்மா இருந்தது ஏன் என்று தெரியவில்லை. மக்கள் தெளிவாகத்தான் உள்ளார்கள். இது ஒன்றும் பெரிய அளவிலான வரிவிதிப்பு அல்ல. உற்பத்தியாளர்கள் தங்கள் லாபத்தினை சிறிதளவு குறைத்துக் கொண்டால் போதும் பழையவிலைக்கே பொருட்கள் கிடைக்க கூடும்.
  குய்யோ முறையோ இப்படி வரி விதித்து விட்டார்களே என்று அலறும் மக்களும் ஒன்றை தெரிந்துகொள்ள வேண்டும் எப்பொருள் யார் இலவசமாக கொடுத்தாலும் வாங்க ரெடியாக உள்ள மனோபாவம் உள்ளவரை இப்படித்தான் இருக்கும்.
  நாம் கட்டும் வரிதான் நமக்கு இலவசமாக திரும்பி வருகிறது. கட்சி அளிக்கும் வாக்குறுதி அவர்கள் பணத்தில் நமக்கு இலவசம் தருவதில்லை ஆட்சி அமைத்தால் தருவதாக கூறி நமது பணத்தில்தான் நமக்கு மொட்டை போடுகின்றனர்.
  எனவே இன்னும் எவ்வளவு இலவசங்கள் வரப்போகிறதோ அந்த அளவுக்கு வரியும் மறைமுகமாகவும் நேரடியாகவும் உயர்த்தப்படலாம். மேலும் புகையிலைப்பொருட்கள் ஆடம்பரபொருட்கள் மீதான இந்த வரி விதிப்பு நியாயமானதே.
  உணவுப் பண்டங்கள் மீதான வரியை மட்டும் குறைத்தால் போதுமானது என்று எனக்குத் தோன்றுகிறது. அரசு நடத்த நிதியை தேட வேண்டியது அரசனின் கடமை. கடனில் தள்ளாமல் காக்க வேண்டியதும் அரசனின் கடமை இதே அரசு முன்பும் பல நடவடிக்கைகள் எடுத்து அரசின் வருவாயை கூட்டியது. அதை பாழாக்கிசென்ற முந்தைய அரசு இன்று விலை குறைக்கபட வேண்டும் என்று கூப்பாடு போடுவதில் பயனில்லை.
  நான் சில பேருடன் பேசிப்பார்த்ததில் இது தெளிவாக தெரிகிறது! இலவசங்களை பெரும்பாலோர் விரும்பவில்லை!. இந்த விலைஉயர்வையும் பெரிதாக கருதவில்லை.

தங்கள் வருகைக்கு நன்றி பதிவு குறித்த கருத்துக்களை பதிந்து செல்லலாமே! கீழுள்ள நிரலிகளில் வாக்களித்துச் செல்லலாமே!

Comments

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more