தளிர்

  கவர்ச்சிக்கு மரியாதை!          நத்தம்.எஸ்.சுரேஷ்பாபு. கண்ணன் தன் மனைவி கோதையுடன் பக்கத்து டவுனுக்கு பைக்கில் சென்று  கொண்டிருந்தான். வீட்டுத்தேவைக்காக சில அத்தியாவசிய பொருட்களை வாங்க வேண்டும்  என்று கோதை நச்சரித்தமையால் அவளையும் அழைத்துக்கொண்டு சென்றான்.   அழகான கிராமத்து சாலையின் ஓரத்தில்  . ஒரு முலாம்பழத்தோட்டத்தில் பழங்களை பறித்து சாலையோரம் குவித்து வைத்திருந்தார்கள். அங்கே சிறியதும் பெரியதுமாய் அடுக்கியிருந்த  பழங்களைப் பார்த்ததும், என்னங்க! முலாம் பழம் தோட்டத்துலே பழுத்தது விக்கிறாங்க!  வெயிலுக்கு ஜுஸ் போட்டு குடிச்சா உடம்புக்கு நல்லது. ஒண்ணு வாங்கிகிட்டு போலாங்க!  என்றாள் கோதை.   வண்டியை நிறுத்திவிட்டு பழங்களில் ஒரு...

  நம்பிக்கை!   ஒருபக்க கதை!  நத்தம்.எஸ்.சுரேஷ்பாபு.   காலை வேளையில் வாட்சப்பில் மூழ்கியிருந்த கணவன் கோபியிடம், “என்னங்க நம்ம பொண்ணுக்கு காலேஜ்ல அவ கேட்ட கோர்ஸ் கிடைக்கணும்னு கோயிலுக்குப் போய் சாமிகிட்டே வேண்டிகிட்டு வருவோம்! சீக்கிரம் குளிச்சு ரெடியாகுங்க!” என்றாள் ரேவதி.  “என்ன இது சுத்த பேத்தலா இருக்கு! சாமியா கோர்ஸை அலாட் பண்ணப் போறார்?” தோ பார்! நீ வேணா இதையெல்லாம் நம்பிகிட்டு கோயில் குளம்னு சுத்து! என்னைக் கம்ப்பெல் பண்ணாதே!”   ”என்னங்க இது! நம்ப பொண்ணுக்கு அவ விரும்புன கோர்ஸ் கிடைக்கணும்னு ஒரு வேண்டுதல் பண்ணா என்ன குறைஞ்சா போயிருவீங்க? இப்படி நாத்திகம் பேசிக்கிட்டு இருக்கீங்க?”  “பின்னே! அந்த கடவுள் என்ன காலேஜ் ப்ரின்சியா? நாம வேண்டின உடனே கோர்ஸ் அலாட் பண்ண? “ எனக்கு இதிலெல்லாம் நம்பிக்கை இல்லை!”இதெல்லாம் வீண் வேலை! “  ”வாட்சப்லே ஒரு மேசேஜ் வருது இதை பத்து பேருக்கு பார்வேர்ட் பண்ணா நூறு ரூபா ரீசார்ஜ் ஆகும். லெப்ட் பக்கம் இருக்கிற பூ ரைட் பக்கம் மாறும்னு” அதை பார்வேர்ட் பண்றீங்க இல்லே?”  ”ஆமா அதுக்கென்ன இப்ப?” ”எந்த ...

நொடிக்கதைகள்! பகுதி 32 உதவி! பொண்ணு காலேஜ் ஃபைனல் இயர் படிக்குது! முடிச்சதுமே கல்யாணம் முடிச்சிறலாம்னு இருக்கோம்! தரகரிடம் சொல்லுகையில்  படிப்புக்கு எந்த பையனும் உதவி பண்ணலையே? என்று கேட்டார் தரகர். சர்க்கரை!    சர்க்கர இல்லாம ஒரு டீ போடுப்பா! என்று டீக்கடையில் ஆர்டர் செய்தார் கரும்பு ஆலை அதிபர். வாடை!    பாய் வந்து  கடை முழுதும் சாம்பிராணி போட்டதும் கருவாட்டு கடைக்காரர், “இன்னா பாய் இப்படி பண்ணிட்டே உள்ளே உட்கார முடியலை?”  என்றவாரே எழுந்து வெளியே சென்றார். பசி:     உபவாசம் இருந்தவனின் பசியைக் கிளறிவிட்டது பக்கத்து வீட்டு சமையல் வாசனை . உறக்கம்!    விடிய விடிய வாட்சப் சேட்டிங் செய்தவனின் அலைபேசி உறங்கியது பேட்டரி சார்ஜ் தீர்ந்தமையால்! நாடகம்!     நடிகர்கள் எல்லோரும் அரசியலுக்கு வந்ததும் அரசியல் வாதிகளின் நடிப்பு அடிபட்டுப்போனது. விற்ற தரிசனம்!     50, 100, 200 என தொகை வாரியாக விதவிதமான டிக்கெட்டுக்களில் விற்கப்பட்டது கடவுளின் தரிசனம். ப்ரேக்கிங்...

நொடிக்கதைகள்! க்வாட்டர்! மதுக்கடைகள் மூடச் சொல்லி போராட்டத்தில் கலந்து கொண்டவர்களுக்கு பேசியபடி கூலியுடன் வழங்கப்பட்டது குவார்ட்டர் பாட்டில் வாட்ஸாப்! கல்யாணத்தில் எதிர்பாராமல் சந்தித்த உறவினரிடம்,  அண்ணே! உங்க வாட்சாப் நம்பர் தாங்க! நைட் சாட்  பண்ணுவோம்! என்றான் ரமேஷ்! நேரம் புது கடிகாரத்தை  விற்கும் போது மொபைலை பார்த்து டைம் செட் செய்தார் கடை ஊழியர் விலாசம் முகவரி கேட்டு தேடி அலைந்தார் போஸ்ட் மேன் புதிய ஊரில் துக்கம் பங்காளி இறந்ததாக போனில் தகவல் வந்ததும் "யாரு சொல்ல சொன்னாங்க இவனை 15 நாள் தீட்டு காக்கணும் " என்று அலுத்துக்கொண்டார் ராமசாமி தாகம்!   தண்ணீர் கஷ்டத்தில் ஊரே தவித்துக்கொண்டிருக்கையில் திருமண விருந்தில் வீணடிக்கப்பட்டன குடிநீர் பாட்டில்கள்! பல்ஸ்! ரசிகர்களில் பல்ஸ் பிடிக்க நினைத்த நடிகர் அரசியல்வாதிகளின் பல்ஸையும் பிடித்து விட்டார் அட்மிஷன்! செயற்கை கருத்தரிப்புக்கு அட்மிசன் வாங்கினாள் இயற்கை வைத்தியரின் மனைவி.  ஒரிஜினல்!     ஒரிஜினல் “செக்கு எண்ணெய்”  என்று லேபிள்...

நொடிக்கதைகள்! பகுதி 30 1.விதை:   உங்க “செமன்”ல போதுமான உயிரணுக்கள் இல்லை! டெஸ்ட் ட்யுப் பேபிதான் முயற்சிப்பண்ணனும் என்று டாக்டர் சொன்னதை கேட்டு அதிர்ந்தான் .விதையில்லா பழங்களை இறக்குமதி செய்யும் வியாபாரி. 2. ஏமாற்றம்:     இடைத்தேர்தல் ரத்தாகாமல் நல்லபடியாக நடந்து முடிந்ததும் ஏமாற்றம் அடைந்தனர் தொகுதி வாசிகள்! 3. சாட்டிங்க்!    இப்ப பேசறதுக்கு நேரம் இல்லை! உன் வாட்சப் நம்பர் சொல்லு! சாட்டிங்க்ல வரேன்! என்று அவசர அவசரமாக நம்பரை ஸ்டோர் செய்து கொண்டு நகர்ந்தான் சதிஷ்! 4.சுமை!    மலைக்கோயிலில் சுமக்க முடியாமல் சுமந்து வந்த சுமையை இறக்கி வைத்து பெருமூச்சு விட்டனர் டோலி சேவகர்கள்! 5. வரன்!  “வயசு கூடிக்கிட்டே போவுது! இன்னும் கல்யாணம் குதிர்ந்த பாடில்லை! வந்த வரனெல்லாம் தட்டிக்கிட்டே போவுது!  தலையிலும் லேசா நரை விழ ஆரம்பிச்சிருச்சு! என் மகனுக்கு சீக்கிரம் ஒரு பொண்ணை தேடிக்கொடு தெய்வமே! கோயிலில் புலம்பிக்கொண்டிருந்தாள் அந்த தாய். 6. ஓட்டு!     ”மறக்காம நம்ம சின்னத்துக்கு ஓட்டு போட்டுடுங்க! உங்க...

1.    காலண்டர்!   “எதுக்குங்க இத்தனை காலண்டர் எல்லார் கிட்டேயும் கேட்டு வாங்கறீங்க! ஒண்ணு இருந்தா போதாதா? என்று கேட்ட மனைவியை நாளைக்கு பார்! என்று அடக்கினார். மறுநாள் வாங்கி வந்த காலண்டர்களை தன் வீட்டு வேலைக்காரர்கள் மற்றும் அலுவலக கடைநிலை ஊழியர்களை வரவழைத்துக் கொடுத்துக் கொண்டிருந்தார் அவர். 2.    அட்வைஸ்! நேரத்துக்கு சாப்பிடனும்! நிறைய தண்ணி குடிக்கணும், காய்கறி பழங்கள் நிறைய சேர்த்துக்கணும் என்று பேஷண்டுக்கு அட்வைஸ் செய்த டாக்டரின் போன் சிணுங்கியது, எடுத்தார். ஒருநாளாவாது டயத்துக்கு சாப்பிட வீட்டுக்கு வர்றீங்களா? மணி ரெண்டு ஆவப்போகுது என்று சிடுசிடுத்தாள் அவர் மனைவி. 3.    வாழ்த்து! சுற்றங்களும் நட்புக்களும் பரஸ்பரம் பொங்கல் வாழ்த்துக்களை பறிமாறிக் கொண்டனர் வாட்சப் பில்! 4.    ஞாபகம்!    சாமிக்கு பொங்கல் வைத்து படையல் போட்டதும் மறந்துடப் போறே ஞாபகமாய் போட்டோ எடுத்து எஃப்.பியில் ஷேர் பண்ணு! கவனமா இரு மறந்துடாதே! என்றாள் அக்கா. 5.    எழுத்து:     மனதில் கரு உதித்தவுடன் வ...

நொடிக்கதைகள்! பகுதி 28 1.    பதுக்கல்!   “ இப்படி அவனவன் கட்டுக்கட்டா புதுநோட்டை பதுக்கி வைச்சிட்டான்னா அப்புறம் சாமான்யனுக்கு எங்க சார் பணம் கிடைக்கும்?” என்றவர் வங்கியில் இருந்து எடுத்து வந்த நோட்டை செலவழிக்கத் தயங்கி அப்படியே எடுத்து பீரோவில் வைத்தார். 2.    கோணம்!   புயல் நகரையே அழிச்சிட்டு போயிருச்சு! எல்லா மரமும் சாய்ஞ்சு போச்சு! எல்லாம் நாசம்! என்று சொன்னவரை மறித்து “நமக்கு பழைய    நினைவுகளை கிளறி கொடுத்துட்டு போயிருக்கு இயந்திரமாய் சுழன்றவர்களை கொஞ்சம் மனிதனாய் மாற்றியிருக்கு என்றார் மற்றவர்! 3.     ஆப்பு!    வார மாத இதழ்களை செல்போன் ஆப்பில் படித்துக் கொண்டிருந்தார் அப்பா! 4.    படிப்பு வாசனை! பெட்டிக்கடையில் தினசரி வார இதழ்களை விற்றுக்கொண்டிருந்தவரிடம் புத்தகத்தை வாங்கி இதுல என் கவிதை வந்திருக்கு இதோ பாருங்க! என்று ஆசையோடு காண்பிக்கையில் “எனக்கு எழுத படிக்க தெரியாது தம்பி!” என்றார்! 5.    பாலாபிஷேகம்!   தன் அபிமான நடிகரின் கட்-அவுட்டிற்கு குடம் ...

நொடிக்கதைகள் பகுதி 27. 1.    ரெடிமேட்!   ஜவுளிக்கடையில் தனக்குப் பொருத்தமான ரெடிமேட் சட்டையைத் தேடித் தேடி எடுத்துக் கொண்டிருந்தான் அந்த ஜெண்ட்ஸ் டைலர். 2.    வரன்!   பொண்ணு ஐ.டி ஃபீல்டுல மாசம் ஒரு லட்சம் சம்பாதிக்குது! அதுக்கு பொருத்தமா அதே பீல்டுல அதிக சம்பளம் வாங்கிற வரனா பாருங்க தரகரே என்று சொல்லிக்கொண்டிருந்தார் பெண்ணைப்பெற்றவர். 3.    முகூர்த்த நாள்:   இன்னிக்கு முகூர்த்த நாள். கலெக்‌ஷன் அள்ளும் என்று தெம்போடு தொழிலுக்கு கிளம்பினான் பிக்பாக்கெட் கொள்ளையன். 4.    நோ டிக்கெட்!   ஐநூறு ரூபா நோட்டெல்லாம் வாங்க முடியாது. சில்லறையா கொடுத்து டிக்கெட் வாங்கிக்கங்க மத்தவங்க கீழே இறங்குங்க! என்று கண்டக்டர் சொன்னதும் காலியாகி போனது பஸ்! 5.    முரண்! உட்கார்ந்த இடத்தில் இருந்தே எல்லோரையும் ஏவி வேலை வாங்கி பழக்கப்பட்டவன் உடல் இளைக்க காலையில் ஒரு கிலோமீட்டர் தூரம் ஓடினான். 6.    ரியல் எஸ்டேட்!    ரிட்டையர் ஆனதும் சொந்த ஊருக்கு வந்த செந்தில் விளைநிலங்களை மனைகளாக...