வெற்றிப்பாதை காட்டுவாரா தோனி!

வெற்றிப்பாதை காட்டுவாரா தோனி!


இன்றைய ப்ளே ஆப் போட்டியில் பலமான மும்பை அணியை எதிர் கொள்கிறது சென்னை அணி! மும்பை அணியுடன் ஒப்பிடும் போது நமது அணி சற்று பலம் குறைந்ததுதான்! மும்பை அணியில் ஆல்ரவுண்டர்கள் அதிகம்! அதனால்தான் 2010ல் பைனல் வரை வந்தது. இப்போதைய கேப்டன் ஹர்பஜன் துணிச்சல் மிக்கவர்! இந்திய அணிக்காக பல போட்டிகளை தனது பந்து வீச்சால் வென்று காட்டியவர்! அத்துடன் இல்லாமல் பேட்டிங்கிலும் சாதித்தவர்.இவர் மட்டுமில்லாமல் சச்சின், ரோகித் சர்மா, போலார்டு, மலிங்கா, அம்பாதிராயுடு, ஸ்மித் போன்ற வீரர்கள் ஆட்டத்தின் போக்கையே தலைகீழாக மாற்ற கூடியவர்கள்.
    இந்த முறை மும்பை அணியுடன் இரண்டுமுறை மோதிய சென்னை அணி இரண்டுமுறையும் தோற்றுப் போனது. முதல் போட்டியிலேயே மும்பை சென்னையை வீழ்த்தியது. அடுத்த நடந்த இரண்டாவது லீக்கிலும் கடைசி பந்தில் சிக்சர் விளாசி ஜெயித்து தன் திறமையை நிரூபித்துகாட்டியது மும்பை அணி. டெண்டுல்கர் அந்த அணியில் இருப்பது அவர்களுக்கு மனோபலத்தை அதிகரிக்கச் செய்யும். ஆனால் என்னை பொறுத்தவரை இந்த தொடரோடு டெண்டுல்கர் ஐபிஎல் போட்டிகளில் ஓய்வு பெறலாம். எப்படியும் இன்னும் இரண்டாண்டுகள் இந்திய அணியில் அவர் நீடிக்க வாய்ப்பு உள்ளது. எனவே உடல் காயங்களால் அவதியுறும் அவர் இந்த டி 20 போட்டிகளில் கலந்து கொள்ளவேண்டிய அவசியம் என்ன இருக்கிறது? கொஞ்சம் யோசிக்கலாம்! விசயம் வேறு எங்கோ சென்று கொண்டிறுக்கிறது நான் சொல்ல வந்ததை சொல்லிவிடுகிறேன்.
    சென்னை அணியை பொறுத்த வரை ஆடினால் ஆடுகிறார்கள்! கவிழ்ந்தால் கவிழ்ந்துவிடுகிறார்கள். இந்திய அணியைப் போலத்தான் இருக்கிறது சென்னையின் பங்களிப்பும். இந்த நான்கு தொடர்களிலும் ஆடியதை விட இம்முறை சென்னை அணியின் ஆட்டம் மிக மோசமாகத்தான் அமைந்து இருந்தது. டூபிளசிஸ் மட்டுமே பேட்டிங்கில் சொல்லிக் கொள்ளும்படி ஆடிவருகிறார். ஆல்பி மோர்கல் விக்கெட் வீழ்த்த தடுமாறுகிறார். பத்து கோடி கொடுத்து வாங்கிய ரவீந்திர ஜடேஜா சொதப்பி வருகிறார். ரெய்னா, தோனி, பத்ரிநாத், விஜய், ஹசி என அனைவரின் ஆட்டமும் சொல்லிக் கொள்ளும்படி இல்லை!
   சென்னை அணியின் பலமே சுழல் பந்துவீச்சுதான்! அஸ்வின்,ஜகாதி கூட்டணி சென்ற வருடம் கலக்கியது. ஆனால் இந்த வருடம் இவர்கள் விக்கெட் வீழ்த்த தடுமாறுவதுடன் ரன்களை வாரி வழங்குகின்றார்கள். பீல்டிங்கும் சொல்லிக் கொள்ளும்படி இல்லை! கேப்டனின் கீப்பிங்கும் சரி இல்லை! வியுகமும் சரியில்லை. இத்தனை இல்லைகள் இருந்தாலும் ஒரு அதிர்ஷ்டம் இருந்ததால்  ப்ளே ஆப் னுள் சென்னை நுழைந்து இருக்கிறது. இது இவர்களுக்கு இறுதி வாய்ப்பு. இன்று தோற்கும் அணி நடையை கட்ட வேண்டியதுதான். இரண்டு முறை தோற்ற மும்பையை இன்று வென்று அடுத்த சுற்றுக்கு சென்னை செல்லவேண்டும் என்பதே ரசிகர்களின் எதிர்பார்ப்பு!
    அதற்கு என்ன செய்யலாம்! ஹசி வந்தபின் டூ பிளசிஸ் நீக்கப்பட்டு வருகிறார். அவரை மீண்டும் அணியில் சேர்க்க வேண்டும் மிடில் ஆர்டரில் ரவீந்திர ஜடேஜாவை துரத்திவிட்டு அனிருத்தாவை சேர்க்கலாம். ஜடேஜா பந்துகளை வீணடிப்பதோடு பந்து வீச்சிலும் சாதிக்கவில்லை! அஸ்வின் ஜகாதி இருவரை சேர்த்துகொள்வதோடு ஹில்பெனான்ஸையும் மார்கலையும் வேகபந்துக்கு வைத்துக் கொண்டால் போதுமானது.டுவைன் பிராவோவையும் அணியில் சேர்க்கலாம். பந்து வீசுவதோடு ரன்களையும் சேர்ப்பார். இந்த கூட்டணி அமைந்தால் வெற்றி கிடைக்க வாய்ப்பு என்பது என் கருத்து.
என் அணி தேர்வு இது. விஜய்,டூபிளசிஸ், ரெய்னா,பத்ரிநாத், பிராவோ, தோனி, மார்கல், அனிருத்தா, அஸ்வின், ஜகாதி, ஹில்பெனான்ஸ்.

இந்த கூட்டணி வெல்லும் என்று நினைக்கிறேன்! வென்று காட்டுவாரா தோனி?

தங்கள் வருகைக்கு நன்றி! பதிவு குறித்த கருத்துக்களை தயவு செய்து கமெண்ட் செய்து ஊக்குவியுங்கள்!

Comments

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more