ஒளி காட்டும் வழி!

ஒளி காட்டும் வழி!


அகிலத்தின் இருளதனை
அகற்றிடுமே ஆதவனின் தீபஒளி!
அடிமை இருளதனை அகற்றியதும்
சுதந்திர தாகமெனும் சுடரொளி!
உள்ளத்தின் இருளதனை
தள்ளிடுமே சான்றோரின் ஞானஒளி!
அறியாமை இருளதனை
வறியதாக்கிடுமே கல்வியெனும் அறிவொளி!
இல்லாமை இருளதனை
இல்லாதாக்கிடுமே இயந்திரங்களின் பேரொளி!
இல்லத்தின் இருளதனை
நில்லாதுவிரட்டிடுமே நிறைவான தீபஒளி
சாதிமத இருளதனை
சாய்த்திடுமே சமத்துவம் என்னும் ஒளி!
இன்னும் எத்தனையோ இருள்களை
மண்ணிலிருந்து விரட்ட
உன்னுள்ளே உதிக்கவேண்டும்
உயர்வான ஆன்ம ஒளி!
ஒளிந்துகொண்ட இருளெல்லாம்
ஓடிடவே உள்ளத்தில்
பெருகவேண்டும் தூயஒளி
இருளதனை விரட்டி அருளதனை
தந்திடுமே தீபஒளி எனும் தீபாவளி!
ஒளிகாட்டும் நல்வழி!
வலியில்லா நல்லவழி!
வழிதொடர்ந்தால் சிறக்குமே
நம் வாழ்க்கைவழி!


இனிய தீபாவளி நல்வாழ்த்துக்கள்!


(பதிவர் திரு ரூபனின் தீபாவளி சிறப்பு கவிதைப் போட்டிக்காக எழுதப்பட்டு பதிவிடப்படுகிறது)

Comments

  1. AnonymousOctober 28, 2013 at 5:27 PM

    அறவழி சிறந்து மகிழ்வுடன் , நிறைவுடன் வாழ
    உரைத்திருக்கும் ஒளி கருத்துகள்
    இந்நாளில் மிகத் தேவையான ஒன்று.
    வாழ்த்துக்கள் சகோ !
    எண்ணிப் பார்க்கும் போது 25 வரிகளுக்கு மேல் வருகிறதே ...
    கவனிக்கலையா ?

    ReplyDelete
  2. திண்டுக்கல் தனபாலன்October 28, 2013 at 7:20 PM

    அருமை... கலந்து கொண்டதற்கு நன்றி... இணைப்பை நடுவர்களுக்கு அனுப்பி வைக்கிறேன்...

    போட்டியில் வெற்றி பெற வாழ்த்துக்கள்...

    ReplyDelete
  3. இளமதிOctober 28, 2013 at 8:56 PM

    // உன்னுள்ளே உதிக்கவேண்டும்
    உயர்வான ஆன்ம ஒளி!//

    உண்மை சகோ!
    ஆன்ம ஒளி துலங்க அகன்றிடுமே அத்தனை இருளுமே!..

    அருமையான கவிதை!
    போட்டியில் வெற்றிபெற உளமார்ந்த வாழ்த்துகள் சகோ!

    ReplyDelete
  4. cheena (சீனா)October 29, 2013 at 7:21 AM

    அன்[இன் சுரேஷ் - வெற்றி பெற நலாழ்த்துகள் - கவிதை அருமை - எத்தனை ஒளிகள் - அவை காட்டும் வழிகள் - நன்று நன்று - நல்வாழ்த்துகள் - நட்புடன் சீனா

    ReplyDelete
  5. அ.பாண்டியன்October 29, 2013 at 7:25 AM

    அருமை சகோ. அழகான அறியாமை இருளை நீக்க வந்த கவிதை. கவிதை 25 வரிகளுக்குள் இருப்பது சிறப்பு என்று மட்டுமே போட்டி விதி கூறுகிறது. கட்டாயப்படுத்தவில்லை. போட்டியில் வெற்றி பெற எனது அன்பான வாழ்த்துக்கள்..

    ReplyDelete
  6. Ranjani NarayananNovember 1, 2013 at 10:47 AM

    ஞானஒளி, சுடரொளி, பேரொளி என்று வரிசையாக தீபமேற்றி தீபாவளி திருநாளுக்கு நல்லதொரு கவிதை தந்திருக்கிறீர்கள்.
    போட்டியில் வெற்றி பெற வாழ்த்துக்கள்.
    இனிய தீபாவளித் திருநாள் வாழ்த்துகள்

    ReplyDelete
  7. டி.என்.முரளிதரன் -மூங்கில் காற்று November 9, 2013 at 4:55 PM

    வாழ்த்துக்கள் சுரேஷ். பரிசு பெற வாழ்த்துக்கள்

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more