இந்தியாவின் சிற்பிகளே! இதோ ஓர்நிமிடம்! பாப்பா மலர்!

இந்தியாவின் சிற்பிகளே! இதோ ஓர்நிமிடம்!




   இந்தியாவின் சிற்பிகளே!
   இளைய பாரதங்களே!
   தமிழகத்தின் தம்பிகளே!
   தலைநிமிர்ந்து செவிசாய்ப்பீர் ஓர் நிமிடம்!
 
   பச்சை பசும் பயிர்களிலே
   இச்சையுடன் வளர்ந்திடுமே களை!
   களைஎடுக்கா வயல்
   களை இழக்கும்!
   விளையுள் குன்றி விலைகுறைந்து போகும்!

   விடலைப் பருவமதில் விரட்டி வந்து சேர்ந்திடுமே
   வீணாண பழக்கமெல்லாம்!
   மனம் போன போக்கினிலே நிதம் போனால்
   நிச்சயம் வேதனைதான் மிச்சம்!
 
   வெள்ளைத்தாளினிலே சிந்திவிட்ட மைபோல
   வெள்ளை உள்ளமதில் கள்ளம் சேரலாமோ?
   பூவோடு சேர்ந்திட்ட நாறும் மணக்கும் ஆனால்
   புழுதியிலே கலந்திட்ட சந்தனம்தான் வாசம் வீசுமா?

   கரும்பாய் இனிக்கும் அரும்புகளே!
   எறும்பின் சுறுசுறுப்பை மறந்து
   எருமைகளாய் மாறலாமோ?
  
   பகலவனைக்கண்ட பனி போல
   அகலட்டும் உந்தன் அலட்சியபோக்கு!
   விழலுக்கு இரைத்த நீரைப்போல
   வீணாகிப் போகலாமா உன் வாழ்வு?

   எத்தனையோ செல்வங்கள் விளைந்தாலும்
   அத்தனையிலும் பொன்னுக்கே முதலிடம்
   பூமியிலே!
  
   எத்தனையோமாந்தர்கள் மண்ணில் உதித்தாலும்
   அத்தனைபேரிலும் கற்றவனுக்கே முதல்மரியாதை!

  பள்ளத்தில் தேங்கும் தண்ணீர்போல உன்
  உள்ளத்தில் தேங்கிடாதோ கல்வி?
  புத்தகத்தை பெரும்சுமையாய் கருதிடாதே!
  நித்தமும் நீ அதை வாசிப்பதால் வந்திடுமே உயர்வு!

  ஓர் ஆணி கழன்றியதை ஒதுக்கியதால்
  ஓர் நாடே அடிமையானது!
   சோம்பலதனை விரட்டி சாம்பலாக்கி
  ஆம்பல் பூவென மலர்வீரே!

மக்களின் மனதில் ஈரமிருந்தால்
மாநிலமும் ஈரமாகும்!
மாணாக்கன் உன்னிடத்தே அறிவு
ஊற்றெடுத்தால் மாநிலமும்
 சிறப்பாகும்!
உறக்கம் உன் வாழ்வின் இறக்கம்!
மடி உன்  உயர்வை தடுக்கும் இடி!

மழைக்கு முளைக்கும் காளான்களாய்
மாறிடாமல் மாநிலம் காக்கும்
விழுதுகளாய் மாறிடுவீர்!
கங்குகரை காணாது எங்கும் பொங்கி
எப்போதும் உயர்வினையே எட்டிடுவீர்!

 தீயவனுக்கு உதவினால் தீமையே பலன்! ஈசாப் நீதிக்கதை!

குளிர் காலத்தில் ஒருநாள் ஒரு பாம்பு பனியில் விரைந்து சுருண்டு கிடந்தது. அதன் உயிர் போய்விடுமோ என்ற நிலையில் இருந்தது. அந்த சமயத்தில் அவ்வழியே வந்த குடியானவன் ஒருவன் இதனைப் பார்த்தான். இரக்க குணமுள்ள அவன் அப்பாம்புக்கு உதவிட நினைத்தான். பாம்பினை எடுத்து தன் மார்போடு அணைத்து அதனைச் சூடேற்றினான். குடியானவனுடைய உடல் சூடு பட்டதும், பாம்பு மெள்ள உணர்வு பெற்றது. அதற்கு நன்றாக உணர்வு வந்ததும், அது தன்னைக் காப்பாற்றிய குடியானவன் மார்பைப் பலமாகக் கடித்துவிட்டது. பாம்பின் நஞ்சு ஏறி உயிர் போகும் நிலையில் இருந்த குடியானவன் தன் செய்கைக்காக வருந்தினான். பாம்பைப் பார்த்து " ஏ நன்றி கெட்ட நாகமே! உன்னைக் காப்பாற்றிய என்னையே கடித்துவிட்டாயே!! உன் குணம் தெரிந்தும் நான் உனக்கு உதவி செய்தேன் அல்லவா? அதற்கு இது சரியான தண்டனை தான்" என்றான்.

நீதி} தீயோருக்கு உதவினால் தீமையே கிடைக்கும்!

உங்களுக்குத் தெரியுமா?
 இந்திய அணு அறிவியலின் தந்தை ஹோமி ஜஹாங்கீர் பாபா.
பலா மரத்தின் தாயகம் இந்தியா.
ஜீன்ஸ் துணியை முதலில் அறிமுகப்படுத்திய நாடு பிரான்ஸ்

தங்களின் வருகைக்கு நன்றி! பதிவு குறித்த கருத்துக்களை பகிரலாமே!

Comments

Post a Comment

Popular posts from this blog

என்னைக் கவர்ந்த நேரு! குழந்தைகள் தின ஸ்பெஷல்!

Image
என்னைக் கவர்ந்த நேரு!     குழந்தைகள் தின ஸ்பெஷல்! இள வயதில் ஒவ்வொருவருக்கும் ஒரு தலைவரை பிடித்துப்போகும். ஒருவருக்கு வீர சிவாஜி, ஒருவருக்கு காந்தி, ஒருவருக்கு பாரதி, ஒருவருக்கு நேதாஜி என்று ஒவ்வொருவரும் ஒருவர் மீது அபிமானமாக இருப்பார்கள்.    இந்த ஒருவர் மீது அபிமானம் என்பது முதலில் தாய்மீது ஆரம்பிக்கிறது, அப்படியே தகப்பன், சித்தப்பா, சித்தி, மாமா, அண்ணன், தம்பி, தாத்தா, பாட்டி என்று வளர்ந்து பிற்காலத்தே தலைவர்கள் மீதோ இல்லை சினிமா நடிகர் நடிகைகள் மீதோ மாறுகிறது.     இதில் பெரிய தவறு இருப்பதாக நான் ஒன்றும் கருதவில்லை! ஒரு நடிகனோ, நடிகையோ, இல்லை தலைவரையோ நமது ஆதர்சமாக நாம் ஏற்றுக்கொள்வதில் எந்த தப்பும் இல்லைதான். அதே சமயம் அவர்கள் சொல்வதெல்லாம் வேதவாக்காக எடுத்துக்கொண்டு  அப்படியே பின்பற்றுவதில்தான் தான் சிக்கலே இருக்கிறது.    அது எப்படியோ போகிறது விடுங்கள்! சொல்லவந்த விஷயம் மாறிப்போகிறது. சின்ன வயதில் நான் நேருமீது அபிமானம் கொண்டு இருந்தேன். இதற்கு காரணம் நான் படித்த பாடம் ஒன்றில் நேரு ஒரு சிறுமிக்கு யானையை பரிசாக தந்தார் என்பதுதான்.     யாரோ ஒரு முகம் தெரியாத சிறுமிக
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more

வார மாத இதழ்களில் உங்கள் படைப்புகள் வரவேண்டுமா?

 வார மாத இதழ்களில் உங்கள் படைப்புகள் வரவேண்டுமா? சங்கப்பலகையில் நண்பர் சுந்தரராசன் வார மாத இதழ்களில் படைப்புகள் எழுத சக எழுத்தாளர்கள் வழிகாட்டலாமே என்று கேட்டிருந்தார். அவருக்காகவும் இங்கு எழுதும் புதிய படைப்பாளர்களுக்காகவும் இந்தப் பதிவு. முதலில் இப்படி ஒரு பதிவு எழுத எனக்குத் தகுதி இருக்கிறதா என்று ஒரு சுய பரிசோதனையும் செய்து கொண்டேன். முடிவில் ஓரளவுக்கு அனுபவமும் தகுதியும் இருக்கிறது என்று முடிவுக்கு வந்து இந்த பதிவை எழுதுகின்றேன். முதலில் என்னைப் பற்றி ஓர் அறிமுகம். நான் நத்தம் எஸ்.சுரேஷ்பாபு. 1988ல் சிறுவர்களுக்கான கையெழுத்து பத்திரிக்கை முதலில் நட்த்தினேன். அப்போது நான் ஏழாம் வகுப்பு படித்து கொண்டிருந்தேன். அப்புறம் தேன்சிட்டு என்ற இளைஞர்களுக்கான கையெழுத்து பத்திரிகையை என் கல்லூரிக் காலத்தில் நடத்தினேன்.  தளிர் என்ற வலைப்பூவில் 2011 முதல் படைப்புகள் எழுதி வருகின்றேன். என் கதைகள் துணுக்குகள், பாக்யா, குமுதம், தங்கமங்கை ,கோகுலம், கல்கி, ஆன்ந்தவிகடன்,  தமிழ் இந்து, மாயாபஜார், பொம்மி, பொதிகைச்சாரல் வாரமலரில் வெளிவந்திருக்கிறது. கடந்த ஆண்டு வாரமலர் டி.வி.ஆர்.சிறுகதைப் போட்டி (திருச்சி
Read more