கேப்டன் பதவியை உதறி விட்டு ஓடிப் போக மாட்டேன்- டோணி


 கேப்டன் பதவியை விட்டு விலகுகிறேன் என்று என்னால் எளிதாக கூறி விட முடியும். ஆனால் பொறுப்பை உதறி விட்டு ஓட மாட்டேன் என்று கூறியுள்ளார் கேப்டன் டோணி.
கொல்கத்தா டெஸ்ட் போட்டியில் இந்தியா பெரும் தோல்வியைச் சந்தித்துள்ளது. இது ரசிகர்களை அதிர வைத்துள்ளது. அடுத்தடுத்து 2 டெஸ்ட் போட்டிகளை இங்கிலாந்திடம் தூக்கிக் கொடுத்து விட்டது இந்தியா என்பதே ரசிகர்களின் கருத்தாக உள்ளது.
இந்த நிலையில், கொல்கத்தா போட்டி குறித்து கேப்டன் டோணி கருத்து தெரிவிக்கையில், கேப்டன் பதவியிலிருந்து விலகுகிறேன், அணியில் ஒரு வீரராக இருக்கிறேன் என்பதை எளிதாக கூறி விட முடியும். ஆனால் அப்படிச் செய்தால் அது பொறுப்பைத் தட்டிக் கழிப்பதாக அமையும். எனவே எனது பொறுப்பை உதறி விட்டு ஓடி விட மாட்டேன்.
கிரிக்கெட் வாரியம் உள்ளது, நிர்வாகிகள் உள்ளனர், தேர்வாளர்கள் உள்ளனர். அவர்கள் முடிவெடுக்கட்டும். அதை அவர்கள் பார்த்துக் கொள்ளட்டும்.
அணியை ஒருங்கிணைத்து அடுத்த போட்டிக்குத் தயாராக்குவதே எனது இப்போதைய முக்கியப் பணி. அந்தப் பொறுப்பை நான் முறையாகச் செய்ய முயல்வேன்.
ஒரு கேப்டனாக, இது எனக்குச் சவாலான தொடராக மாறியுள்ளது. ஒரு அணி தடுமாறும்போது நிச்சயம் கேப்டனுக்கு கூடுதல் பொறுப்புகள் வரவே செய்யும். எனக்கும் அப்படித்தான்.
கொல்கத்தா தோல்விக்கு பேட்டிங் சரியில்லாமல் போனதும் முக்கியக் காரணம். பேட்டிங்கில் நாம் தோற்று விட்டோம். அதைச் சரி செய்து கொண்டு அடுத்த போட்டிக்கு நாம் தயாராக வேண்டும் என்றார் டோணி.

யுவி,ஜாகிர், பஜ்ஜி நீக்கம்!
 இங்கிலாந்துக்கு எதிரான டெஸ்ட் தொடரில் படுகேவலமாக விளையாடி வரும் இந்திய அணியில் தற்போது மாற்றம் செய்யப்பட்டிருக்கிறது. இந்திய அணியில் இருந்து யுவராஜ்சிங், ஜாகிர்கான், ஹர்பஜன்சிங் ஆகியோர் நீக்கப்பட்டிருக்கின்றனர். சொற்ப ரன்களே எடுத்து வரு சச்சின் தெண்டுல்கர் தொடர்ந்து அணியில் நீடிக்கிறார்.
இங்கிலாந்துடன் இதுவரை 3 கிரிக்கெட் டெஸ்ட் போட்டிகள் நடைபெற்றிருக்கின்றன. இந்த மூன்றில் 2 போட்டிகளில் இங்கிலாந்து அணி வெற்றி பெற்றிருக்கிறது. இந்திய அணி தொடர்ந்தும் மிக மோசமான ஆட்டத்தையே வெளிப்படுத்தி வருகிறது. ஆனால் கேப்டன் டோணியோ பிட்ச் சரியில்லை. பிட்ச் சரியில்லை என்றே புலம்பிக் கொண்டிருக்கிறார்.
இந்நிலையில் கொல்கத்தாவில் இன்று கூடிய இந்திய கிரிக்கெட் கட்டுப்பாட்டு வாரியம், இந்திய அணியில் அதிரடியான மாற்றங்களை மேற்கொண்டது. அணியில் இருந்து யுவராஜ்சிங், வேகப்பந்துவீச்சாளர் ஜாகிர்கான் மற்றும் சுழற்பந்து வீச்சாளர் ஹர்பஜன்சிங் ஆகியோர் நீக்கப்பட்டிருக்கின்றனர். இவர்களுக்குப் பதிலாக ப்யூஸ் சாவ்லா, ஜடேஜா, பர்விந்தர் அவானா ஆகியோர் அணியில் சேர்க்கப்பட்டிருப்பதாக அறிவிக்கப்பட்டிருக்கின்றனர்.
நாக்பூரில் வரும் 13-ந் தேதி நடைபெறும் 4-வது கிரிக்கெட் டெஸ்ட் போட்டியிலாவது இந்திய அணி தேறுமா?
நன்றி} தட்ஸ் தமிழ்

Comments

  1. டி.என்.முரளிதரன் -மூங்கில் காற்று December 9, 2012 at 4:42 PM

    நம்மவர்கள் யாரும் துரத்தாமல் பதவியில் இருந்து போக மாட்டார்கள்.இவர்களுக்கும் அரசியல் வாதிகளுக்கும் வித்தியாசம் இல்லை.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more