தமிழன்னைக்கு சிலை தேவையா?


தமிழன்னைக்கு சிலை தேவையா?


நம்ம தங்கத்தலைவி நூற்று பத்தாவது விதிப்படி தினம் தினம் புதுப் புது அறிவிப்புக்களை வெளியிட்டு மக்களை குஷிப்படுத்தறாங்க?!! அந்த வகையில இன்னிக்கு சதம் அடிச்சிட்டாங்களாம்! பேரவைத்தலைவருக்கு பெருமை பிடிபடலை! எங்க தங்க தலைவி சதமடிச்சிட்டாங்கன்னு ஏதோ ஐ பி எல் டி 20 ல சதம் அடிச்ச மாதிரி பீலிங் பண்ணி புகழ்ந்துகிட்டு இருக்காரு அவரு.
   அது கிடக்கட்டும்! இன்னிக்கு அறிவிப்புல தமிழன்னைக்கு 100 கோடியில மதுரையில சிலை வைக்க போறாங்களாம் அம்மா! ஆமா தெரியாமத்தான் கேக்கறேன்! தமிழ் அன்னைன்னு ஒருத்தர் இருக்காங்களா? இது கடவுள் இருக்கா இல்லையாங்கறா மாதிரி ஒரு கேள்வி? தமிழ் ஒரு மொழி பாரம்பர்யமான மொழி செம்மொழி பல சிறப்புக்களை கொண்டது அவ்வளவுதான். மத்தபடி இதுவும் ஒரு லாங்க்வேஜ் அவ்வளவுதானே! என்னடா இவன் இப்படி பேசறானே கோபிச்சிக்க கூடாது.
   தமிழ் நமது தாய்மொழி! பல இலக்கண இலக்கிய வளங்களை உடையது! ஆனால் தமிழுக்கென்று ஒர் அன்னையும் அதற்கு சிலையும் தேவையா? தமிழ் வளர்ச்சிக்கு இந்த நூறு கோடி ரூபாயை பயன்படுத்தலாமே! தமிழ் நாட்டில் தமிழ் கல்வி கொஞ்சம் கொஞ்சமாக மறைந்து வருகிறது. கிராமத்து குழந்தைகள் கூட மம்மி டாடி என ஆங்கில மீடியத்திற்கு தாவிக் கொண்டிருக்கிறது. தமிழ் கலாச்சாரம், தமிழ் மரபுகள் சுத்தமாக மறக்கடிக்கப்படுகின்றன.
     இன்னும் சொல்லப்போனால் பள்ளிகளில் தமிழாசிரியர் பற்றாக்குறையாக இருக்கிறது. தமிழ்வழி கல்வி என்பதே வேப்பங்காயாக கசக்கிறது. தமிழில் படித்தவர்களுக்கு எந்த சலுகையும் முன்னுரிமையும் வழங்கப்படுகிறதா? இல்லை! தமிழை வளர்க்க வேண்டுமானால் கிராமங்கள் தோறும் தமிழ் நூல்கள் கொண்ட நூலகங்கள் அமைக்கலாம். தமிழின் இலக்கண இலக்கியங்களை மின்னூலாக்கலாம்.
   தமிழ்வழி கல்வி பயில்பவர்களை ஊக்குவிக்கலாம்.  இதை எல்லாம் விடுத்து தமிழ் அன்னைக்கு சிலை வைத்தால் காக்கா கக்கா போகத்தான் உபயோகப்படுமே தவிர வேறு ஒன்றுக்கும் பலன் இல்லை. அது நம் வீட்டு காசு என்பதை கழக கண்மணிகள் உணர வேண்டும். முதலமைச்சருக்கு இது போன்ற ஆலோசனைகள் வழங்கும் புத்தி சிகாமணி யார் என்று தெரியவில்லை!

    முதலில் இருட்டில் இருக்கும் தமிழகத்திற்கு ஒளி கொடுங்கள்! அப்புறம் சிலைவைக்கலாம்!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. திண்டுக்கல் தனபாலன்May 14, 2013 at 8:39 PM

    சரியாகச் சொன்னீர்கள்...

    ReplyDelete
  2. கவியாழிMay 15, 2013 at 5:19 AM

    அரசின் முடிவு

    ReplyDelete
  3. SeeniMay 15, 2013 at 6:43 AM

    nalla sonneenga...!

    ReplyDelete
  4. கரந்தை ஜெயக்குமார்May 15, 2013 at 7:26 AM

    உலகில் மனிதன் முதன் முதலில் தோன்றிய இடம் குமரிக் கண்டம் என்று அராய்ச்சியாளர்கள் நிரூபித்துள்ளனர். அதாவது இன்றைய கன்னியாகுமாரிக்கும் தெற்கே, லெமூரிய என்ற கண்டம் இருந்தது அங்குதான் முதன் முதலில் மனிதன் தோன்றினான் என்று . அம் மனிதன் பேசிய முதல் மொழி தமிழ் மொழி அய்யா. இலட்சக் கணக்கான ஆண்டுகளுக்கு முன்னரே தோன்றிய உலகின் முதல் மொழி தமிழ் அய்யா. இத்தகு தமிழ் மொழியின் பெருமையினை நாம் இன்னும் சரியாக உணராமல் தான் உள்ளோம். நமது பெருமையினை நாமே பேசாவிட்டால், பிறகு யார் பேசுவார்கள். நமது பெருமை நமக்கே தெரியாவிட்டால், பிறகு மற்றவர்க்கு எப்படி தெரியும்.
    எனவே மொழியின் வளர்ச்சிக்காகவும், மொழியுன் பெருமையினை உணர்த்தவும் சில செயல்களை செய்ய வேண்டியது அவசியாம் என்று கருதுகின்றேன் அய்யா. கட்சி சார்பற்ற என் கருத்து அய்யா இது.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more