ஹெல்மெட் அணிந்தால் ஆண்களுக்கு முடி கொட்டுமா?

ஆண்களின் தலைமுடி உதிர்வதற்கு ஹெல்மெட் அணிவதும் காரணமாக இருக்கலாம். ஏராளமான ஆண்கள் இதை முழுமையாக நம்புகிறார்கள். ஆனால் அறிவியல் பூர்வமாக இந்த நம்பிக்கை நிரூபிக்கப்படவில்லை. இன்றைய காலகட்டத்தில் ஆண்களுக்கு முடி கொட்டுவது ஒரு பிரச்சனையாகவே பார்க்கப்படுகிறது. ஏனெனில் முடி உதிர்வைக் கொண்டு சில நேரங்களில் ஆண்களின் வயதைக் கணி்க்கிறார்கள்.

முன்பெல்லாம் தலைமுடி உதிர்வதற்கும், பரம்பரைக்கும் தொடர்பு உண்டு என்று கூறப்பட்டது. அதாவது ஒருவருடைய தந்தைக்கு முடி உதிர்ந்தால், அவரது மகனுக்கும் இருக்கும் என்று மனதைத் தேற்றிக் கொண்டிருந்தனர். ஆனால் அந்த சிந்தனை இப்போது மாறிவிட்டது. ஏனெனில் இப்போது பல ஆண்களின் தந்தைகளுக்கு முடி உதிர்ந்திருந்தாலும், அவர்களுக்கு நன்றாக முடி வளர்ந்திருக்கிறது. மேலும் இந்த தலைமுடி பிரச்சனை பல ஆண்களின் தன்னம்பிகையை சீர்குலைத்துவிடுகிறது.

ஆண்களின் தலைமுடி உதிர்விற்கு பல காரணங்கள் உள்ளன. அவற்றில் சில,

1. மாறிவரும் வாழ்க்கை முறை

2. தேவையில்லாத மன அழுத்தங்கள்

3. நேரமின்மை. அதாவது முடியை பராமரிக்க நேரம் ஒதுக்காமை. ஓடி, ஓடி உழைக்கையில் தலைக்கு ஷாம்பூ போட்டு குளிக்கவே நேரம் இல்லை. இதில் எண்ணெய் தேய்த்து குளிக்க ஏது நேரம்?

4. பொடுகுப் பிரச்சனை. பெண்களைவிட ஆண்களுக்கு தான் பொடுகு பிரச்சனை அதிகம் ஏற்படுகிறது என்று நிபுணர்கள் நம்புகின்றனர்.

ஹெல்மெட்டும், முடி உதிர்வும்:

1. பொதுவாக ஹெல்மெட் தலைமுடி உதிர்வுக்குக் காரணமாக இருப்பதில்லை. ஆனால் மிக அரிதாக மேற்கூரிய பிரச்சனைகளோடு, வேறு சில பிரத்யேகக் காரணங்களும் சேர்ந்து முடி உதிர்வை ஏற்படுத்துகின்றன.

2. நமது சருமம் எவ்வாறு சுவாசிக்கிறதோ அதுபோல் நமது முடியும் சுவாசிக்க வேண்டும். ஒரு சில நேரங்களில் ஹெல்மெட் நமது உரோமக் கால்களை சுவாசிக்க விடாமல் செய்யலாம். அதனால் உரோம கால்கள் மூச்சு விட வாய்ப்பில்லாமல் முடி உதிர்வு எற்பட வாய்ப்பிருக்கிறது.

3. ஹெல்மெட் அணிந்திருக்கும் போது நமது தலை வியர்க்க வாய்ப்பிருக்கிறது. மேலும் அந்த வியர்வையை வழியவிடாமல் ஹெல்மெட் தடுத்து விடுகிறது. அதனால் வியர்வை ரோமக் கால்களிலே தங்கி அவற்றைப் பலவீனப்படுத்துகிறது. இதனால் கூட முடி உதிரும் வாய்ப்பு உள்ளது.

4. ஒரு சில ஆண்களுக்கு பொடுகுப் பிரச்சினை இருக்கும் போது, ஹெல்மெட் அணிந்தால் அதுவும் முடி உதிர்வுக்குக் காரணமாக இருந்து விடுகிறது.

பிரச்சனையைத் தீர்க்க வழி:

ஹெல்மெட் முடி உதிர்வுக்குக் காரணமாக இருந்தாலும், ஆபத்து காலங்களில் நமது உயரைக் காக்கிறது. அதனால் ஹெல்மெட் அணிவதை தவிர்க்க முடியாது.

அப்படியானால் தலைமுடி உதிர்வதை எப்படித் தவிர்ப்பது?

1. ஒழுங்காக தலைமுடியை கழுவுங்கள். முடிந்தால் ஒரு நாள் விட்டு ஒரு நாள் தலைக்கு குளிக்க வேண்டும்.

2. ஹெல்மெட் அணியும் முன் தலையில் கைக்குட்டை அல்லது ஸ்கார்ப் கட்டிக் கொள்ளலாம்.

3. நீண்ட தூரம் பயணம் செய்கையில் அவ்வப்போது இளைப்பாறலாம். அதனால் முடி சுவாசிக்க முடியும்.

நன்றி தட்ஸ் தமிழ்

தங்கள் வருகைக்கு நன்றி! பதிவு குறித்த கருத்துக்களை பகிரலாமே! வாக்களித்து பிரபலபடுத்தலாமே

Comments

  1. ஜோசப் இஸ்ரேல்September 17, 2011 at 7:28 PM

    நல்லா குளிக்க சொல்லுங்க பாஸ். நானும் பயந்தே போயிட்டேன் . . நல்லா இருக்கு உங்கள் பதிவு

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more