ஆடு கால் பணம்! சுமை கூலி முக்கால் பணம்!


     ஆடு கால் பணம்! சுமை கூலி முக்கால் பணம்!


  காவிரியில்
  நீர் காணாமல் போனதால்
  காய்ந்து போயின
  தென் மாவட்ட வயல்கள்!

   தீய்ந்து போன வயல்களைப்
   பார்த்து உழைத்து
   ஓய்ந்த உழவனும்
  காய்ந்து போனான்!
  காய்ந்த வயல்களை பார்த்து
  இனி கஞ்சிக்கு வழிஏது என்று
  மாய்ந்து போனான்.

  வறட்சி மாவட்டம் என அறிவித்து
  உழுதவனுக்கு பழுதில்லாமல்
  அரசு தரவேண்டியது
   நிவாரணம்!

   மக்கள் கை கறையானதால்
   இன்று வெள்ளையாக வலம்
    வருகிறார்கள் மந்திரிகள்!
   தீய்ந்த வயல்களை பார்த்து
   மதிப்பிட வந்தார்கள்மந்திரிகள் குழு!
  
   சாலையோரவயல்களை காரில்
   இருந்தே விட்டார்கள் நோட்டம்!
   கொளுத்தும் வெயில் என்று
   எடுத்தார்கள் ஓட்டம்!

   ஏசி காரை விட்டு இறங்கவே
   மனம் வரா மந்திரிகள்!
   கூசிப் போகமால் தின்று தீர்த்தார்கள்
   ஒருவேளை உணவு!

  அதற்கு ஆன செலவு மட்டும்
  ரூபாய் எண்பத்தேழு ஆயிரம்!

   மாவட்ட ஊராட்சிகள் நகராட்சிகள்
  இதற்கு கொடுக்க வேண்டுமாம் பங்கு!
  எதிர்கட்சிகள் எதிர்ப்பு தெரிவிக்கவே
  கிளம்பியிருக்கிறது வம்பு!

   ஆடு கால்பணம் கூலி முக்கால் பணம்
   என்னும் பழமொழி! உண்மையாகிறது இங்கே!
   எரிகின்ற வீட்டில் பிடுங்கும் கொள்ளையர்களாக
   தவிக்கின்ற விவசாயிகள் வயிற்றுக்கு தண்ணீர்
   ஊற்றாமல் கொள்ளியை சொறுகினார்கள்
    மந்திரிகள்!

   மலிவு விலை உணவு எல்லாம் மக்களுக்கே!
   மந்திரிகள் உணவெல்லாம் மலை அளவே!
   என்ன நாடு இது?
   தன்னுயிரையும் தந்து மக்களை காத்த
   மந்திரிகள் எங்கே?  திணையளவும் உதவாமல் தின்று
   குவித்த இவர்கள் எங்கே?
   இதையெல்லாம் கேட்க எதிர்கட்சிகள் எங்கே?
   சட்டமன்றம் பாராட்டு மன்றமாகி போனதில்
   மக்களின் குறையெல்லாம்
   செவிடன் காதில் ஊதிய சங்கானதென்ன?
தகவல் உதவி: தினமலர்
   டிஸ்கி:  சென்ற பதிவை வாசித்து கருத்திட்ட அனைவருக்கும் நன்றி! என் உடல் நலனில் அக்கறை கொண்டு விசாரித்து அறிவுரை வழங்கியமைக்கும் நன்றி! சிரங்கு பிடித்தவன் கையும் வலைப்பூ தொடங்கியவன் கையும் சும்மா இருக்காது போல!  சும்மா இருக்க நினைத்தாலும் இதோ ஒரு கவிதை முளைத்துவிட்டது! பதிவிட்டு விட்டேன்!  இன்னும் பூரண குணம் ஆகவில்லை! விரைவில் உங்கள் பதிவுகளில் சந்திக்கிறேன்! நன்றி!

தங்கள் வருகைக்கு நன்றி! பதிவு குறித்த கருத்துகளை கமெண்ட் செய்து ஊக்கப்படுத்துங்கள்! நன்றி! 

Comments

  1. aaveeApril 4, 2013 at 9:29 PM

    உண்மையை போட்டு உடைத்துள்ளீர்கள்..

    ReplyDelete
  2. திண்டுக்கல் தனபாலன்April 5, 2013 at 12:54 PM

    உண்மை வரிகள்...

    உடல் நலத்தோடு தொடர வாழ்த்துக்கள்....

    ReplyDelete
  3. தனிமரம்April 5, 2013 at 3:06 PM

    நிதர்சனத்தின் வெளிப்பாடு கவிதை !

    ReplyDelete
  4. ஜீவன் சுப்பு April 5, 2013 at 3:51 PM

    // மக்கள் கை கறையானதால்
    இன்று வெள்ளையாக வலம்
    வருகிறார்கள் மந்திரிகள்! // சூப்பர் .

    // சிரங்கு பிடித்தவன் கையும் வலைப்பூ தொடங்கியவன் கையும் சும்மா இருக்காது போல!// புதுமொழி அட்டகாசம் போங்க ..

    ReplyDelete
  5. டி.என்.முரளிதரன் -மூங்கில் காற்று April 5, 2013 at 7:02 PM

    மலிவு விலை எல்லாம் மக்களுக்கே.தரமானதெல்லாம் தரமற்ற அரசியல் வாதிகளுக்கே.

    ReplyDelete
  6. Ranjani NarayananApril 5, 2013 at 7:27 PM

    உங்களின் ஆதங்கம் புரிகிறது.
    விரைவில் உடல்நலம் தேறி வாருங்கள்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more