சென்னை மாப்பிள்ளையே! உனக்கு வரவேற்பில்லையே!


விளையாட்டில் புகலாமா
அரசியல்!
விளையாட விட வேண்டும்
இலங்கை வீரர்களை
முழக்கமிடுகிறது ஒரு கூட்டம்!
இவர்கள் விளையாடாவிட்டால்
இனவெறிதான் தீர்ந்திடுமோ?
தண்டனைதான் கிடைத்திடுமா
கொடுங்கோலன் பக்ஷேவிற்கு!
கூடாது கூடாது! விளையாட்டில் கூடாது அரசியல்
என்கிறது ஓர் கூட்டம்!

முத்தையா முரளிதரன்
முதலிடம் உலக பந்து வீச்சாளர்களில்
உரைக்கின்றார் சென்னையில் விளையாடுவேன்!
இலங்கை என்னை தமிழனென்று ஒதுக்கவில்லை!
அணியில் இடம் கொடுத்து
ஆதரித்தது!
உலகசாதனை புரிய உதவி புரிந்தது
ஒரு நாளும் தமிழர்களை
உதாசீனப்படுத்தியது இல்லை!
இயம்புகின்றார் இப்படி?
இலங்கையின் கொலைபாதகம்
அவர் கண் முன்னே தெரியவில்லை!
காசும் பணமும்தான் தெரிகிறது!

முத்தையா!
உங்கள் வார்த்தைகள் இப்படி
சொத்தையாகலாமா?
ஈழத்து படுகொலைகள்!
உங்கள் கண்ணில் படவில்லையோ!
பச்சிளம் பாலகன் முதல்
பல்லிழந்த பெரியோர் வரை
கொன்று குவித்த இலங்கை இராணுவம்!
ஆவணமாக்கியுள்ளது சேனல் நான்கு
என்னும் தொலைக்காட்சி!

தொலைக்காட்சி காட்சிகளைபார்த்து
கூட தொலைந்து போன
உங்கள் மனசாட்சி திரும்பவில்லையோ?

எத்தனை பாதகங்கள் தமிழருக்கு
இழைத்துள்ளான்
ஈழத்து படுபாவி!
என்னே அவன் அகம்பாவம்!
ஏற்றிக் கொளுத்த வேண்டும்
கொடும்பாவி!

மாணவ செல்வங்கள்
ஆணவ ராஜபக்சேவை எதிர்த்து நடத்தும்
போராட்டம்! இதில் உங்கள் பங்கு
இல்லையென்றாலும்
பங்குபெற தவிர்த்திருக்கலாம்
ஐபிஎல் கொண்டாட்டம்!

தமிழகத்து மருமகன் எனினும்
தாய் மொழி தமிழ் எனினும்
தாயகம் ஈழம் எனினும்
தாங்குவது சிங்களத்தையா?

உன் தூஸ்ரா எல்லாம்
வெறும் ஜால்ரா வாகி
போனதேன்!

தமிழ் மக்களிடம் உன் ஆண்டவன்
ஆடியிருக்கலாம் விளையாட்டு!
தமிழகத்தில் நீ ஆடலாமோ
கிரிக்கெட்டு!

இரக்கம் சிறிது இருப்பினும்
உறக்கம் வராது
இலங்கை போர்க்குற்ற
காட்சிகள் பார்த்து!
ஹென்றி ஒலேங்கா எனும்
கருப்பின வீரன்
உன்னைப்போல் சாதனை வீரன் அல்ல!
ராபர்ட் முகாபே எனும் அதிபர்
வெள்ளையருக்கெதிராக புரிந்தான்
ஆட்சி! இதை மாற்ற வேண்டும்
என்று தூக்கி எறிந்தான் விளையாட்டை!
கருப்பு பேட்ஜ் அணிந்து விளையாடி
எதிர்ப்பை தெரிவித்தான் அரசனிடம்
எதிர்ப்பை சம்பாதித்தான்!
நாடு விட்டு நாடு ஓடினான் ஆனாலும்
நா பிறழ வில்லை! அவனல்லவோ வீரன்!
நீ தமிழன் எனில் தமிழகத்து மருமகன்
எனில்
தவிர்த்து விடு ஐபிஎல்லை!  இல்லையெனில்
சென்னை
மாப்பிள்ளையே! உனக்கு இங்கு
வரவேற்பில்லையே!
உன் அரசு தமிழரிடம் உயிரோடு விளையாடியதால்
இப்போது புகுந்துள்ளது
விளையாட்டில் அரசியல்!
இவ்விளையாட்டில் நீ தூஸ்ரா இல்லை!
வெறும் தூசே!
டிஸ்கி} நாட்டு நடப்புக்களை வைத்து சீனி அருமையான கவிதைகள் எழுதி வருகிறார். அவர் பாணியில் என் முயற்சி இது! படித்து கருத்திட்டு உதவுங்கள்! நன்றி!
தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!





Comments

  1. திண்டுக்கல் தனபாலன்April 1, 2013 at 1:19 PM

    பணம் கண்ணை மறைத்த பின் வேறென்ன தெரியும்...?

    புதிய முயற்சி நன்று...

    தொடர வாழ்த்துக்கள் தோழரே...

    ReplyDelete
  2. கவிதை வானம்April 1, 2013 at 5:17 PM

    முத்தையா!
    உங்கள் வார்த்தைகள் இப்படி
    சொத்தையாகலாமா?.....அருமை

    ReplyDelete
  3. கும்மாச்சிApril 1, 2013 at 8:12 PM

    சுரேஷ் கவிதை அருமை.

    ReplyDelete
  4. கவியாழிApril 2, 2013 at 5:18 AM

    அவனுக்கு அடுத்தவரை புரிந்துகொள்ளும் அளவுக்கு தன உறவை இனத்தை கூடப் பார்க்காமல் பணத்தை மட்டுமே பார்க்கும் அவனிடம் நல்லாய்தான் கேட்டீர்கள்

    ReplyDelete
  5. SeeniApril 2, 2013 at 2:15 PM

    kavithai!

    unarvukalai killiyathu....!

    ennaiyum sonna ungal anpirku aayiram nantrikal....

    ReplyDelete
  6. ஹிஷாலி April 6, 2013 at 10:54 AM

    Anna kavi arumai

    ReplyDelete
  7. AnonymousApril 13, 2013 at 8:25 PM

    இந்தத் தமிழன் முதன் முதலில் இலங்கை அணியில் சேர பட்ட பாட்டை மறந்துவிட்டான். அன்று ஆட்சிக்கட்டில் இருந்த ஜேஆரின் கூட்டம் இவனை உள்ளே விட மறுத்தது. அப்போது சிங்கள அரசின் வால்பிடியாய் இருந்த தொண்டமானின் தயவினால் தான் உள் நுழைய முடிந்தது. அவை எல்லாம் இந்த துஸ்ராவிற்கு மறந்து விட்டது ஆச்சரியமே

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more