Monday, May 27, 2013

புகைப்பட ஹைக்கூ 29

 புகைப்பட ஹைக்கூ  29


நீர்ச் சிதறலில்
நிறைந்து வந்தது
மகிழ்ச்சி!

குளிர்ச்சி
தந்தது
குழந்தைக்கு
மகிழ்ச்சி!

அக்னி வெயிலை
அசைத்துப் பார்த்தது
ஊற்று நீர்!

கொளுத்தும் வெயிலில்
கொண்டாட்டம்
குழாய்குளியல்!

புல்லுக்கு கொஞ்சம்
பிள்ளைக்கு கொஞ்சம்
பங்கிட்டு மகிந்தது குழாய்!

எல்லையில்லா மகிழ்ச்சி!
அள்ளித்தந்தது
ஊற்றுநீர்!

பீய்ச்சும் நீரில்
பிணைந்தது
பிஞ்சு!

உடலைத் தழுவிய நீர்
உருவாக்கியது
உள்ளம் நிறைந்த மகிழ்ச்சி!

மலையருவியில்லை!
மழையுமில்லை! குழாயில்
குளியல்!

புல்லோடு சேர்ந்து
குளித்தது
இந்த பூ!

சில்லென்ற தண்ணீரில்
சிலிர்ந்து கொண்டு வந்தது
சிரிப்பு!

கோடை வெப்பம்
குளித்து தணித்தது
குழந்தை!

வெயிலோடு விளையாடி
நீரோடு நீராடும்
குழந்தை!

நீராடுகையில்
நீராட்டம்!
குழந்தை!

நீர்த்திவலைகள்
கிச்சுகிச்சு மூட்டின!
சிரித்தது குழந்தை!

சிக்கன குளியல்
பாடம் சொல்லியது
பாப்பா!

தங்கள் வருகைக்கு நன்றி !பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!


1 comment:

  1. அருமை... நனைந்தேன்... வாழ்த்துக்கள்...

    ReplyDelete

Related Posts Plugin for WordPress, Blogger...