தீபாவளி நினைவுகள்!


தீபாவளி நினைவுகள்!

அறியாத வயதில்
அம்மா எழுப்பி எண்ணெய் தேய்த்து
புத்தாடை அணிவிக்க
அப்பாவின் கைப்பிடித்து கொளுத்திய
மத்தாப்பூ தீபாவளி!

கொஞ்சம் வளர்கையில் தானே குளித்து
தன் விருப்பமாய் டிரெஸ் போட்டு
தங்கைக்கு தராமால் தானே வெடியெல்லாம்
வெடித்து வேகமாய் ஓடிய
தித்திப்பு தீபாவளி!

ரெண்டும் கெட்டான் வயதில்
ரெட்டை ஜடை பெண்களின்
ஒற்றைப்பார்வை பெற பட்டாசை
கையிலே பிடித்து  வெடித்த
வெட்க தீபாவளி!

கொட்டுகின்ற மழையிலே
முக்காடு போட்டுகிட்டு
முடிந்த வரை வெடித்து தீர்த்த
மழை தீபாவளி!

கல்யாணம் ஆகி பட்டாடை சரசரக்க
மனைவியை அருகில் நிறுத்தி
மாமனார் போட்ட மோதிரத்துடன்
மனைவி மெச்ச வெடித்த
தலை தீபாவளி!

இத்தனையும் கடந்த பின்
எத்தனை வரும் என்னென்ன வாங்கமுடியும்
பட்ஜெட் தாங்குமா என்ற
எண்ணத்தில் கரையும்
இந்த தீபாவளி!

இதுவும் கடந்து
பிள்ளைகள் வெடித்து மகிழ
பின்னே அரணாய் நின்று
அக்கால நினைவுகளை
அசைபோடும் ஆனந்த தீபாவளி!

அனைவருக்கும் இனிய தீபாவளி வாழ்த்துக்கள்!
  டிஸ்கி} நேற்றைய ஐக்யூ  கேள்விகளுக்கான விடைகள்!
1.சகோதர சகோதரி
2.2000
3. 13
4. 9
5. எல்லா நாய்களும் பாடாது
6. 3
7. கிழக்கு
8. தற்கொலை
9. ரூ 1.மற்றும் 25 காசு
10. உழவன்.
தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. Easy (EZ) Editorial CalendarNovember 12, 2012 at 10:13 AM

    உங்களுக்கு என் இனிய தீபாவளி நல்வாழ்த்துக்கள்......

    நன்றி,
    மலர்
    http//www.ezedcal.com/ta(வலைப்பூ உரிமையாளர்களுக்கான தலையங்க அட்டவணை உருவாக்க உதவும் வலைதாளம் பயன்படுத்தி பயன்பெறுங்கள்)

    ReplyDelete
  2. டி.என்.முரளிதரன் -மூங்கில் காற்று November 12, 2012 at 6:16 PM

    நான் மட்டும்தான் எல்லா விடையும் சரியாகச் சொல்லி இருக்கிறேன் ஹையா!

    ReplyDelete
  3. இராஜராஜேஸ்வரிNovember 12, 2012 at 6:26 PM

    மனம் நிறைந்த இனிய தீபாவளித்திருநாள் வாழ்த்துகள்..

    ReplyDelete
  4. அம்பாளடியாள் November 13, 2012 at 5:20 AM

    உங்களுக்கும் உங்கள் உறவினர்கள் அனைவருக்கும் இந்நாள்
    நல்லதோர் பொன்னாளாக அமைய என் இனிய தீபாவளி
    வாழ்த்துக்களும் உரித்தாகட்டும்!...........

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more