தூசு தட்டின ஜோக்ஸ்!

தூசு தட்டின ஜோக்ஸ்!


நான் சின்னவீடு வெச்சிருக்கிற விஷயம் எப்படியோ என் மனைவிக்கு தெரிஞ்சுபோச்சு!
   அப்புறம்?
அந்த வீட்டையும் அவ பேருக்கு எழுதி வைக்கணுங்கிறா!
                            கோவி. கோவன்.

சுக்கிரன் இரண்டாம் இடத்திலும் ராகு நான்காம் இடத்திலும் இருப்பதால் கன மழை பெய்யலாம்.. சூரியன் ஏழாம் இடத்திலும் கேது எட்டாம் இடத்திலும் இருப்பதால் சூறாவளி வீச வாய்ப்புள்ளது...!
     யாரோ ஜோஸ்யரை வானிலை அறிக்கை சொல்ல சேர்த்திருக்காங்க போலிருக்கு!
                                         கோவி. கோவன்.
என்ன மேடம் இது.. மூணு வருஷத்துக்கு முன்னாடி வயசு என்னன்னு கேட்டதுக்கு 18ன்னு சொன்னீங்க.. இப்ப வயசு என்னன்னு கேட்டா மறுபடியும் 18ன்னு சொல்றீங்க?
  மறுபடியும் நீங்க அதே கேள்வி கேட்டீங்க! ஒரு கேள்விக்கு ஒரு பதில் தானே!
                                      கோவி. கோவன்.

எங்கப்பா ரொம்ப தமாஷ் பேர்வழி!
  எப்படி சொல்றே?
நான் எல்லா பாடத்திலும் முட்டை வாங்கிட்டு போனா, வெங்காயம் வாங்கிட்டு வாடா! ஆம்லெட் போடலாம்னு சொல்வார்!
                           கொங்கணாபுரம் வே.செந்தில்.
எதுக்குப்பா முருங்கைக்காய் உருளைக் கிழங்கு வாங்கி தந்துட்டு போறே?
முருங்கைகாய் சாம்பார் உருளைக் கிழங்கு கறி சாப்பிட்டு ரொம்ப நாள் ஆகுது தாயே! இந்த ஏழைக்கு கொஞ்சம் சமைச்சு போடுங்கம்மா!
                                       எம். பூங்கோதை.

மூணு நாளா உள்ளங்கை அரிச்சுக்கிட்டு இருந்தது..
  பணம் வரும்னு சொல்லுவாங்களே!
சொறிஞ்சதுல கட்டிதான் வந்திருக்கு!
                              ஸ்ரீதர்.
சிக்கன நடவடிக்கைங்கிற பேர்ல நம்ம ஹெட் ஆபீஸ்ல அநியாயம் பண்றாங்க!
   ஏன் என்னாச்சு...?
ரகசிய ஃபைலை பாதுகாக்க லாக்கர் கேட்டதுக்கு ரெண்டு நல்ல பாம்பை அனுப்பியிருக்காங்க!
                        வேதபுரி எஸ்.ரமேஷ்.

யோவ் கான்ஸ்டபிள்! எங்கேயே யூனிஃபார்ம்?
  சார் யூனிஃபார்ம்ல வெளியே போனா எல்லாரும் திருடன் திருடன்னு பயப்படறாங்க சார்!
                                           பாஸ்கி.
அப்பா! நான் ஒரு பொண்ணை காதலிக்கிறேன்!
  சரி சுத்தி வளைக்காம சுண்டல் பாக்கி எவ்வளவு கொடுக்கணும்னு சொல்லு பணம் தர்றேன்.
                              கடலாடி அரிராம்.
நான் வாழ்க்கையில பல தோல்விகளை சந்திச்சு நொந்துட்டேன் டாக்டர்! நான் வாழ்ந்து யாருக்கென்ன லாபம்?
  இப்ப என்ன சொல்லவர்றீங்க? உங்களுக்கு நான் ஆபரேஷன் செய்யனும் அவ்வளவுதானே!

                             வேதபுரி எஸ். ரமேஷ்.
டேய் பக்கிரி! எனக்கு சேலத்துக்கு மாற்றல் உத்தரவு வந்திருக்கு..
 கவலைப்படாதீங்க ஐயா.. அங்க என் மச்சான் தான் சாராயமெல்லாம் காய்ச்சறாரு.. அவருக்கு கடுதாசி தர்றேன்.. அவர் உங்களை கவனிச்சுப்பாரு!
                                 பி.யூ நாராயணன்.

பரவாயில்லையே.. அவங்க அறுபதாம் கல்யாணத்துக்கு இவ்வளவு கூட்டம் வந்திருக்கே!
அட நீங்க வேற ஒண்ணு! இதுதான் அவங்களோட கல்யாணம். ரெண்டுபேரும் காதலிச்சு பெற்றோர் சம்மதம் வாங்கிக் கல்யாணம் செஞ்சுக்க இத்தனை வருஷமாயிருச்சு!
                           கடலூர் கன்னியப்பன்.


பொண்ணுப்பார்க்க கார் மெக்கானிக்கை கூட்டிகிட்டு போனது தப்பா போச்சு!
  என்னாச்சு?
பொண்ணோட டேட் ஆப் பர்த் என்னன்னு கேட்கறதுக்கு பதிலா பொண்ணு எந்த வருஷத்திய மாடல்?னு கேக்கறான்.
                                டால்ரிக்ஸ்


அவ்வளவும் தங்க நகைதானே?
இல்லை கவரிங்...!
பரவாயில்லை கழட்டு... என் மாமியாருக்காச்சும் கொடுக்கலாம்!
                                          எஸ்.ரவி.

ஆபிஸுக்கு முதல் முதலா இன்னிக்கு வேலைக்கு போன என்னை ராகிங் செஞ்சாங்க?
எப்படி?
நின்னுகிட்டே தூங்க சொன்னாங்க!
                           ஆர். அப்துல் கலாம்.

என்னங்க காய்கறி மார்க்கெட்ல ஆம்புலன்ஸ் நிக்குது!
  ஆமாங்க! காய்கறி விலை கேட்டு சில பேர் மயக்கமாயிட்டாங்க!
                                        கார்த்திக்

அட ! நான் உங்க மனைவிதானே! கூச்சப்படாம கொஞ்சம் இறுக்கித்தான் அணைங்களேன்.. சேலை கசங்கினாத்தான் என்ன இப்போ?
  ஆமா உனக்கென்ன சொல்லுவே! நாளைக்கு நாந்தானே அதை துவைக்கணும்!
                                ராசி. பன்னீர்செல்வன்.

நன்றி: ஆனந்தவிகடன் பழைய இதழ்கள்

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!



Comments

  1. sathishsangkavi.blogspot.comJuly 4, 2013 at 1:18 PM

    எல்லாம் சூப்பர்...

    ReplyDelete
  2. aaveeJuly 4, 2013 at 4:42 PM

    கடைசி ஜோக் பழசானாலும் கிளாஸ்..

    ReplyDelete
  3. திண்டுக்கல் தனபாலன்July 4, 2013 at 5:22 PM

    அனைத்தும் நல்ல நகைச்சுவைகள்...

    ReplyDelete
  4. Maheesha EdwardDecember 29, 2015 at 8:41 PM

    ஒரு அவசரமானத் தேவைக்காக இதில் நகைச்சுவை பதிந்துள்ள டால்ரிக்ஸ் என்பவரைத் தொடர்பு கொள்ள வேண்டியுள்ளது.தயவு செய்து அவரைத் தொடர்பு கொள்ள வழியேதும் உண்ட எனத் தயவு செய்து அறியத்தர முடியுமா யாராவது ப்ளீஸ்...

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more