நொடியில் படிக்க ரெடியா? நொடிக்கதைகள் பகுதி14

நொடிக்கதைகள்! பகுதி 14


கம்ப்ளைண்ட்!
       உங்க பையன் இன்னிக்கு ஹோம் ஒர்க்கே செய்யலை என்று அப்பாவிடம் கம்ப்ளைண்ட் செய்துவிட்டு சென்ற ஆசிரியை தலைமை ஆசிரியர் கூப்பிட்டு விசாரித்தார் இன்னுமா  நீங்க நோட்ஸ் ஆப் லெசன் எழுதலை?”

விளையாட்டு!
     ”விளையாடப் போன  உங்க குழந்தை வீடு திரும்பலை! உடனடியா தேடாம இவ்வளவு நேரம் என்னப் பண்ணிட்டு இருந்தீங்க?”   கேட்ட கான்ஸ்டபிளிடம் பவ்யமாக சொன்னார்கள் “போக்கிமான் கோ” விளையாடிக்கிட்டு இருந்தோம்!

கெட்டச் செய்தி!
   வீடே சந்தோஷமாக கூடி மொட்டை மாடியில் அரட்டை அடித்துக் கொண்டிருக்கையில் அந்த கெட்டச் செய்தி வந்தது. அடுத்த நொடி அனைவரும் கலைந்து தனித் தனியாக செல்ல ஆரம்பித்தார்கள். நீண்ட நேரமாய் நின்று போயிருந்த மின்சாரம் வந்துவிட்டது.


ஸ்விட் எடு! கொண்டாடு!
   சுகர் டெஸ்ட் எடுத்து முடித்துவிட்டு நெகடிவ் ரிசல்ட்டுடன் வந்த பெரியப்பாவை கண்டதும் அனைவரும் கட்டிப்பிடித்து கூச்சலிட்டு மகிழ்ந்தனர் அந்த வீட்டில் உள்ள எல்லா சுகர் பேஷண்ட்ஸ்களும்.

லிப்ட்!
  லைசென்ஸ் இல்லை! இரவல் வண்டி! இன்ஸூரன்ஸ் ஆர்சி எதுவும் இல்லை! இரவு நேரம் யாரும் மடக்க கூடாது என்று நினைத்தபடி வண்டியை முறுக்கினான் வினோத் தூரத்தில் ஓர் போலீஸ் தலை தென்பட வேகமெடுத்தான் ஆனாலும் நிறுத்தினான். போலீஸ்காரர் லிப்ட் கேட்டுக்கொண்டிருந்தார்.

முடிவு!

  பத்து செகண்ட்ல கதையை முடிச்சுருவேன்னு  சொன்னீங்க! முடிஞ்சுதா? உங்களாலே முடியலை பார்த்தீங்களா? எழுத்தாள கணவனை நக்கலடித்துக்கொண்டிருந்தாள் மனைவி.

திகில் படம்!
      வெடிச்சிரிப்பு சிரித்து ரசித்துக் கொண்டிருந்தன குழந்தைகள். டிவிடியில் புதிதாக வந்த அந்த பேய்ப்படம் ஓடிக்கொண்டிருந்தது.

பாலோவர்:

    பேஸ்புக்கில் என்னை ஐநூறு பேர் பாலோ பண்றாங்க தெரியுமா என்று பெருமையாக சொல்லிக் கொண்டார் அவர். வீட்டில் ஒருவரும் அவரை பாலோ பண்ணதாகத் தெரியவில்லை.

ஓல்டு!
    பத்தாயிரம் ரூபாய் செலவழித்து பார்த்துப் பார்த்து வாங்கிய மொபைலை வீட்டுக்கு எடுத்துச் சென்று காண்பிக்கையில் பையன் சொல்கிறான் இதை ஏம்பா வாங்கினீங்க? ரொம்ப ஓல்டு மாடல்!

 செல்ஃபி!
       பிரபலங்களுடன் தேடித் தேடி செல்ஃபி எடுத்து பேஸ்புக்கில் போட்டவனின் முகம் தொலைந்து போனது சிலநாட்களில்

கனவு:

    அனைவரின் கனவு இல்லங்களையும் அழகழகாக வடிவமைத்து தந்தவனுக்கு ஓர் கனவு இன்னும் நினைவாகமால் இருந்தது. சொந்தமாய் ஓர் வீடு கட்ட வேண்டும் என்பதுதான் அது.

நெகட்டிவ் தாட்:
  படம் வெளியானதும் பேஸ்புக், டிவிட்டர், ப்ளாக் என எல்லாவற்றிலும் சரியில்லை என்று எல்லோரும் கிழிகிழி என கிழித்தார்கள். அதையும் மீறி படம் வசூல் அள்ளியது. டைரக்டர் தயாரிப்பாளரிடம் சிரித்தபடி சொல்லிக்கொண்டிருந்தார். நெகட்டிவா நாம கிளப்பி விட்ட விஷயம் பாஸிட்டிவா மாறிறிருச்சு!

தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!

    

Comments

  1. YarlpavananAugust 10, 2016 at 3:36 PM

    வேகமான கதை
    அருமையான பதிவு
    தொடருங்கள்



    குழுப் (வாட்ஸ் அப், வைபர்) பகிர்வு, பதிவர்களுக்குப் பயனுள்ளதா?
    http://www.ypvnpubs.com/2016/08/blog-post.html

    ReplyDelete
  2. ஸ்ரீராம்.August 10, 2016 at 6:43 PM

    மின்சாரம் வந்த கதையும், ஃபேஸ்புக் கதையும் வேதனையான உண்மைகள். அனைத்தையும் ரசித்தேன்.

    ReplyDelete
  3. Yaathoramani.blogspot.comAugust 10, 2016 at 7:28 PM

    அனைத்து நொடிக் கதைகளும் அருமை
    படித்து மிகவும் இரசித்தோம்
    பகிர்வுக்கும் தொடரவும் நல்வாழத்துக்கள்

    ReplyDelete
  4. Thulasidharan V ThillaiakathuAugust 10, 2016 at 7:46 PM

    அனைத்தும் அருமை சுரேஷ்...ரசித்தோம்.

    ReplyDelete
  5. Dr B Jambulingam, Assistant Registrar (Retd), Tamil UniversityAugust 10, 2016 at 8:20 PM

    வழக்கம்போல அனைத்துமே அருமை. பாராட்டுகள்.

    ReplyDelete
  6. வெங்கட் நாகராஜ்August 12, 2016 at 11:20 AM

    அனைத்துமே அருமை.

    ReplyDelete
  7. K. ASOKANAugust 12, 2016 at 8:39 PM

    அனைத்தும் அருமை, வலைத்தளம் பக்கம் வாருங்களேன்

    ReplyDelete
  8. Geetha SambasivamSeptember 1, 2016 at 6:54 PM

    கடைசி நகைச்சுவை தற்காலத்திய விளம்பர மோகத்தை நினைவூட்டுகிறது.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more