நொடியில் படிக்க ரெடியா? நொடிக்கதைகள் பகுதி 15

நொடிக்கதைகள்!  பகுதி 15

 பேஸ்புக் துக்கம்!

    துக்க வீடு நிறைந்திருந்தது செல்போன் கேமரா ஒளிவெள்ளத்தில்!

  ஊடகக் கொலை!
   இறந்து போனார் பிரபலம்! மரணத்திற்கு காரணம் கற்பித்து எழுதி கொலை செய்துகொண்டிருந்தன ஊடகங்கள்!

போராளி!

   டூ வீலர் பார்க்கிங்கில் பில்லை விட ரெண்டு ரூபாய் அதிகம் கேட்டதற்கு பொங்கி எழுந்த போராளி மாலையில் டாஸ்மாக்கில் சரக்கடிக்கும் போது ரெண்டுரூபாய் வாட்டர் பாக்கெட்டிற்கு அஞ்சு ரூபாய் தாராளமாய் கொடுத்தான்.

பூமராங்!
  “எப்ப பாரு சோட்டா பீம் பார்த்துக்கிட்டு இருக்கா? படிக்கறதே இல்லை! கொஞ்சம் கண்டிச்சு வைங்க! என்று மிஸ்ஸிடம் சொன்னபோது, “எப்ப பாரு பேஸ் புக் பார்த்துட்டு இருக்காரு! ஹோம் ஒர்க் சொல்லிக் கொடுக்கவே மாட்டேங்கிறாரு மிஸ்! என்றது குழந்தை!

சலிப்பு!
   முப்பது வருடங்களுக்கு முன் கிராமத்து வாழ்க்கையை வெறுத்து நகரத்துக்கு வந்தவன்  சலித்துப் போய் இப்போது அந்த நவீன கிராமத்து உணவகத்தில் மண்பாண்ட சமையலை ருசித்துக் கொண்டிருந்தான்.

கிழிந்த நோட்டு!
   கிழிந்த நோட்டுக்களை கொள்ளையடிச்சு என்ன பண்றது? மாத்தினா மாட்டிக்குவோம்! என்றவனை கையமர்த்தி “நல்ல நோட்டுக்களா அடிச்சு மாத்திருவோம்! என்றான். சில மாதங்களில் அதே எண்களில் படையெடுத்தன கள்ள நோட்டுக்கள்.

புகார்!

      “வெளியே போய் நாலு பசங்களோட விளையாடிட்டு வா! உடம்பு ஆரோக்கியமா இருக்கும்னு சொன்னா எங்க கேக்கறான்? எப்ப பாரு செல் போன்ல வீடியோ கேம்ஸ் ஆடிக்கிட்டு இருக்கான் என்று புலம்பினார் தாத்தா.

செல்ஃபி!
    வயலை உழுது முதல் முதலாய் நாற்று நட்டதை செல்ஃபி எடுத்து பகிர்ந்தான் ரமேஷ். விளைச்சல் அமோகம் ஆயிரம் லைக்ஸ் விழுந்தது.

குருப்!

  “ என்னங்க நீங்க! விவரம் புரியாத ஆளா இருக்கீங்க! நாலுபேரோட சேர்ந்து ஒரு குருப்பா இருந்தாத்தான் மதிப்பு! இப்படியே தனியே எத்தனை நாளைக்கு இருப்பீங்க? ஒரு பய மதிக்கமாட்டான்! என்னையே எடுத்துக்கோங்க ஆறு குருப்ல  இருக்கேன்! நீங்களும் சேர்ந்திருங்க! என்னோட குருப்லேயே சேர்த்திடறேன்! என்று சேர்த்துவிட்டார்கள். அடுத்த நொடி முதல் குருப்பாய் வாட்ஸப்பில் தகவல்கள் வந்து கொண்டே இருந்தது.

நட்பு!
   தொலைந்து போன தனது பள்ளிக்கால நட்புக்களை தேடிக்கொண்டிருந்தான் மகேஷ் தன்னுடைய பேஸ்புக்கில்.

 நினைவு!
       பொம்மை பன்னீர் தூவி வரவேற்க நுழைந்தவுடன் ரிசப்ஷனில் வரிசைகட்டி நின்று கவர்கொடுத்து மணமக்களுடன் போட்டோ எடுத்து அதை பேஸ்புக்கில் பகிர்ந்து வாழ்த்து சொல்லி டின்னரில் முட்டி மோதி இடம்பிடித்து கேட்டரிங் பெண்மணி செயற்கை சிரிப்புடன் தரும் தாம்பூலம் வாங்கி விடைபெறுகையில் நினைவில் வந்து தொலைக்கிறது அந்தகாலத்து கல்யாண வீடு!

தேடல்!
   கல்யாண வீட்டில் கொடுத்த தென்னங்கன்றை வைக்க இடம் தேடிக்கொண்டிருந்தார்  அப்பார்ட்மெண்ட் வாசி.


தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்!

Comments

  1. ஸ்ரீராம்.August 17, 2016 at 6:54 PM

    சமீபத்து முத்துக்குமார் மரண அரசியலைக் கூட கதையில் சேர்த்து விட்டீர்கள் போல.. அனைத்தையும் ரசித்தேன்.

    ReplyDelete
  2. UnknownAugust 17, 2016 at 6:55 PM

    அதே எண்களில் படையெடுத்தன கள்ள நோட்டுக்கள்....இந்த ஐடியாவை உண்மையில் செயல் படுத்தப் போகிறார்கள் கொள்ளையர்கள் :)

    ReplyDelete
  3. கரந்தை ஜெயக்குமார்August 17, 2016 at 8:43 PM

    ரசித்தேன் நண்பரே

    ReplyDelete
  4. Yaathoramani.blogspot.comAugust 17, 2016 at 11:48 PM

    நொடிக் கதைகள்
    எல்லாம் ஹைகூக் கதைகள்
    எனவே சொல்லலாம்
    முடிவு அத்தனை சிறப்பு
    பகிர்வுக்கும் தொடரவும் நல்வாழ்த்துக்கள்

    ReplyDelete
  5. வெங்கட் நாகராஜ்August 18, 2016 at 4:21 AM

    அனைத்தும் அருமை. பாராட்டுகள்.

    ReplyDelete
  6. Dr B Jambulingam, Assistant Registrar (Retd), Tamil UniversityAugust 18, 2016 at 1:31 PM

    அனைத்துமே அருமை. ரூபாய் நோட்டினை அதிகம் ரசித்தேன்.

    ReplyDelete
  7. K. ASOKANAugust 20, 2016 at 1:15 PM

    அனைத்தும் நன்று,

    ReplyDelete
  8. Geetha SambasivamSeptember 1, 2016 at 6:38 PM

    கிழிந்த நோட்டு, சமீபத்தில் நடந்தவற்றை நினைவூட்டியது! :(

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more