தளிர் சென்ரியு கவிதைகள்! 4

சுருக்கமாகச் சொல்வதென்றால் கவித்துவம் அதிகமாக இருந்தால் ‘ஹைக்கூ’. கவித்துவம் குறைந்து நகைச்சுவை உணர்வு மேலோங்கி இருந்தால் அது ‘சென்ரியு’. 

சென்ரியுவும் ஜப்பானிய மொழிக்கவிதை. 3 அடிகள் கொண்டது. ஜென் தத்துவம், இயற்கை மற்றும் மெய்யியலோடும் சிறிது தொடர்பு கொண்டு நகைச்சுவை உணர்வை நோக்கமாகக் கொண்டு எழுதப்படுவது சென்ரியு ஆகும். சென்ரியு சமூகம், அரசியல் ஆகியவை குறித்து நகைச்சுவை உணர்வோடும் அங்கத உணர்வோடும் வெளிப்படுத்தும்.

‘சென்ரியு’ என்னும் புனைப்பெயரைக் கொண்ட ‘கராய்ஹச்சிமோன்’ என்னும் ஜப்பானியக் கவிஞர் கி.பி. 18ஆம் நூற்றாண்டில் இவ்விலக்கியத்தை அளித்தார். பின்னர் அக்கவிஞரின் புனைப் பெயரே அக்கவிதை வகைகளுக்கான பெயரும் ஆயிற்று. தமிழில் இவ்வகையை நகைப்பா என்கிறார்கள்.

தமிழ்நாட்டு ‘சென்ரியு’ 3 அடிகள் கொண்டு எழுதப்படுகிறது. அவ்வாறு 3 அடிகள் கொண்டு எழுதப்படுவதை தமிழ் அறிஞர்களால் ஏற்றுக்கொள்ளப்பட்டதோடு ‘சென்ரியு’ வடிவமாகவும் அங்கீகரித்துள்ளார்கள். இது இந்திய சமூகம், அரசியல் ஆகியவை குறித்த போக்கை நகைச்சுவை உணர்வோடும் அங்கத உணர்வோடும் வெளிப்படுத்த ஏற்ற மிகச் சிறந்த வடிவம் ஆகும். எனவே இந்தியாவின் சூழலுக்கு தமிழில் ‘ஹைக்கூ’வை விட ‘சென்ரியு’ சிறந்த வடிவம் /உள்ளடக்கம் ஆகும். 

சென்ரியு விளக்கம்: கவியருவி ரமேஷ், நன்றி: தமிழ்த்தோட்டம் கருத்துக்களம்.

தளிர் சென்ரியு கவிதைகள்!

ஓடியதை
தடுத்தார்கள்
எழும்பியது பிரச்(அணை)!


விழுந்தது இடி!
அடிபட்டது தொழிலாளர்
வாழ்க்கை!

குளங்களில் எழும்பின
குடில்கள்
நலம்விசாரிக்கவந்தது நீர்!

அகலப்பட்ட சாலைகளில்
அடிபட்டு செத்தது
மரங்கள்!

விலைபோன நிலங்கள்!
களை இழந்தது
கிராமங்கள்!

குருவியாய் சேமிப்பு!
உருவிக்கொண்டன
உறுவிலா நிறுவனங்கள்!

கான்கிரிட் காடுகளில்
பயிரிடப்படுகிறது
கல்வி!

பண முதலைகளின்
தினசரி இரையானது
பச்சைக்குழந்தைகளின் கல்வி!

நடமாடும் மிருகங்களின்
நடிப்புக்கு இரையானது
பெண்மை!

சொத்தாக்க நினைத்ததும்
சொத்தையானது
கழகம்!

வாட்டர் குவாட்டர்
விற்பனையில் வளர்கிறது
தமிழகம்!

வியாபாரியான அரசு!
விபசாரியான மக்கள்!
விலைபோனது மானம்!

அடிப்படைகள் விலையானது
ஆடம்பரங்கள் இலவசமானது!
அழிந்துபோனது மனசாட்சி!

அஸ்திவாரமிட்டார்கள்
அழிந்து போனது
அறுபது குடும்பங்கள்!

கட்டிடத்தில் அல்ல!
கட்டுபவன் தலையில்
விழுந்தது இடி!

விதிகளை தளர்த்தியதில்
விதி முடிந்தது
கட்டிடத் தொழிலாளர்கள்!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கபடுத்துங்கள்!


Comments

  1. தேன்மதுரத்தமிழ் கிரேஸ்June 30, 2014 at 5:56 PM

    'சென்ரியு' பற்றிய விளக்கத்திற்கு நன்றி. அனைத்தும் அருமை.

    "ஊதியம் வாங்கிவந்து கோவிலுக்குப் போகலாம்
    என்று சொல்லிச் சென்ற அப்பா
    சாமியிடமே சென்றுவிட்டார் " சரியா?

    ReplyDelete
  2. கரந்தை ஜெயக்குமார்June 30, 2014 at 7:47 PM

    //அஸ்திவாரமிட்டார்கள்
    அழிந்து போனது
    அறுபது குடும்பங்கள்!//
    அக்குடும்பங்களின் கதி...
    நெஞ்சம் கனக்கிறது நண்பரே

    ReplyDelete
  3. Dr B Jambulingam, Assistant Registrar (Retd), Tamil UniversityJune 30, 2014 at 8:11 PM

    இவ்வாறான ஒரு வித்தியாசமான கவிதை அமைப்பை தற்போது தங்களின்மூலமாக அறிந்தேன். நன்றி.

    ReplyDelete
  4. வெங்கட் நாகராஜ்June 30, 2014 at 8:17 PM

    கவிதை அமைப்பினை தெரிந்து கொண்டேன் புதியதாக....

    கவிதைகள் நெஞ்சைத் தொட்டன.

    ReplyDelete
  5. SeeniJune 30, 2014 at 11:44 PM

    அழகாக எழுதியுள்ளீர்கள்...

    ReplyDelete
  6. unmaiyanavanJuly 1, 2014 at 5:10 PM

    ஆழமான கருத்தை மிக அழுத்தமாக சொல்லி, எங்கள் நெஞ்சை பதைப்பதைக்க வைத்து விட்டீர்கள்

    ReplyDelete
  7. KILLERGEE DevakottaiJuly 1, 2014 at 10:44 PM

    கான்கிரிட் காடுகளில்
    பயிரிடப்படுகிறது
    கல்வி!
    அருமையான சவுக்கடி வார்த்தைக(ல்)ள்

    ReplyDelete
  8. டி.என்.முரளிதரன் -மூங்கில் காற்று July 2, 2014 at 7:25 PM

    கவிதை நன்று

    ReplyDelete
  9. Thulasidharan V ThillaiakathuJuly 4, 2014 at 1:33 PM

    கவிதகள் எல்லாமே அருமை..பல நக்கல். நெத்தியடி....

    கான்கிரிட் காடுகளில்
    பயிரிடப்படுகிறது
    கல்வி!

    பண முதலைகளின்
    தினசரி இரையானது
    பச்சைக்குழந்தைகளின் கல்வி!

    குளங்களில் எழும்பின
    குடில்கள்
    நலம்விசாரிக்கவந்தது நீர்!

    அகலப்பட்ட சாலைகளில்
    அடிபட்டு செத்தது
    மரங்கள்!

    விலைபோன நிலங்கள்!
    களை இழந்தது
    கிராமங்கள்!//

    அசத்தல்.....

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்  உடைபட்டுப்போகின்றன க
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.       நம் உடலில் ஏற்படும் சிறு கொப்புளங்கள் போல இந்த வ
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more