அழுக்கு!

அழுக்கு!

 எந்தத்துணியிலுமே எளிதாக வந்து
 ஒட்டிக்கொள்கிறது அழுக்கு!
 கவனக்குறைவான ஒரு நொடி!
 “கப்”பென பிடித்துக்கொள்கிறது கறை!
அதை விரட்ட விதவிதமாய் சவக்காரம்!
அடித்து துவைக்க துணிக்கல்! அது போக இயந்திரங்கள்!
கறைநீக்கும் காரங்கள்!
அதன் பின் மறைக்க நீலம்!
எத்தனைதான் கஷ்டம் பட்டாலும் எளிதில்
விடுவதில்லை அழுக்கு!
வெள்ளைத்துணி என்றால் அதற்கு ஏகவிருப்பம்!
வெளுத்துக் கட்டினாலும் விடாது துரத்தும்!
நம் உள்ளமும் அப்படித்தான்!
எத்தனைதான் நல்வழிகள் போதனைகள்
உபதேசங்கள் உருப்போட்டிருந்தாலும்
ஒருநொடி சஞ்சலம் போதும் உள்ளத்தில் தீமை புக!
குளத்து நீரில் கல்லெறிந்தால் போல
உள்ளத்திலே புகுந்து ஆசை அலைபாயும்!
ஆமை புகுந்தாலும் தப்பில்லை! ஆனால் உள்ளத்தில்
பொறாமை புகுந்தால் புகையும் இயல்புநிலை!
விடாக் கண்டரையும் கொடாது விரட்டும்
கொடிய நோய் சஞ்சலம்! அதுமட்டும் ஆட்கொண்டால்
பீடித்துக் கொள்ளும் சபலம்!
அவலமாகிப் போகும் அனுதினம்!

ஒன்று போய் ஒன்றை அழைக்க ஒவ்வொன்றாய்
நம்மை விரட்ட நல்ல குணம் மாறிப் போக
நாடிவரும் வியாதி! அது நல்லதல்ல சேதி!
துணியழுக்கை தற்காலிகமாய் மறைக்கும் நீலம்!
வெளுக்கையிலே விரைந்து பல்லை இளிக்கும்!
மன அழுக்கினை மறைக்கும் மேற்பூச்சு சாயம்!
சாயம் கலைகையிலே கரையும் வேசம்!
மானம் மரியாதையெல்லாம் ஏறும் கப்பல்!
வேணுமா இந்த விபரீத சிக்கல்!

களைகளை கலையவே எடுக்கவேண்டும் பிரயத்தனம்!
முளையிலே கிள்ளி எறிந்தால் முழித்துக் கொள்ளலாம்!
பிழைத்தும் கொள்ளலாம்! பிழையாகிப் போனதென்றால்
பிழைப்புத்தான் ஏது?

குறைகள் என்றால் கலைந்துவிடலாம் குற்றமில்லை!
கறைகளாக மாறிப் போனால் கரைக்க முடியுமா?
நல்லவை படிய நாளாகும்! அல்லவை என்றால் அப்போதே தோதாகும்! இதுதானே மனித இயல்பு!

விழிப்புடனே இருக்க வேண்டும்! வீணில் வந்து சேரும் கறைகளை விலக்க வேண்டும்!
துயரில்லா வாழ்க்கைதனை அடைய
துணிவுடனே சஞ்சலத்தை துறக்க வேண்டும்.

துணியழுக்கை துவைத்து விரட்டலாம்!
மன அழுக்கை விரட்ட மனதில் புகவேண்டும் ஒளி!
இருளைவிட்டு விலகுவதே அதற்கு நல்லவழி!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. திண்டுக்கல் தனபாலன்March 10, 2014 at 4:34 PM

    அருமை...

    // மன அழுக்கை விரட்ட மனதில் புகவேண்டும் ஒளி! //

    சிறப்பாகவும் முடித்துள்ளீர்கள்... பாராட்டுக்கள்...

    ReplyDelete
  2. ராஜிMarch 10, 2014 at 6:30 PM

    மன அழுக்கை விரட்ட மனதில் புகவேண்டும் ஒளி!
    இருளைவிட்டு விலகுவதே அதற்கு நல்லவழி!
    >>
    அதுக்கும் ஒரு நலவழி சொல்லி இருந்தா இன்னும் நல்லா இருந்திருக்கும்.

    ReplyDelete
    Replies
    1. ”தளிர் சுரேஷ்”March 11, 2014 at 3:31 PM

      இருளைவிட்டு விலகணும்னு சொல்லியிருக்கேனே சகோ?

      Delete
  3. SeeniMarch 11, 2014 at 3:09 AM

    சகோதர்ரே..
    சிறப்பு...

    ReplyDelete
  4. MANO நாஞ்சில் மனோMarch 11, 2014 at 4:31 AM

    பொறாமை எலும்புருக்கி நோய் என்று பைபிள் சொல்கிறது.

    ReplyDelete
  5. Thulasidharan V ThillaiakathuMarch 11, 2014 at 6:45 AM

    நண்பரே வலைப்பக்கம் காணவில்லை? வருத்தமா? உங்களையும் கலய்த்ததற்கு?!!

    ReplyDelete
    Replies
    1. ”தளிர் சுரேஷ்”March 11, 2014 at 3:28 PM

      தொடர்ந்து வாசித்து வருகிறேனே! கூகுள் ப்ளஸ் புரொபைலில் இருந்து ப்ளாக்கர் புரொபைலுக்கு மாறியுள்ளேன். தளிர் சுரேஷ் என கருத்துரை காண்பிக்கும். இந்த குழப்பத்தில் சொல்கிறீர்கள் என்று நினைக்கிறேன்!

      Delete
  6. IniyaMarch 11, 2014 at 9:23 AM

    உடை அழுக்கை அடித்து துவைக்கலாம்
    உள்ளத்து அழுக்கை உணர்ந்தால் தான் அகற்றலாம். இல்லையேல் உருக்குலைய வேண்டியது தான். அதிலும் பொறாமை புகுந்தால் அவ்வளவு தான். சரியாக சொன்னீர்கள் சகோதரா இருளகல ஒளி புகுதல். நன்றி பதிவுக்கு !
    வாழ்த்துக்கள்....!

    ReplyDelete
  7. aaveeMarch 11, 2014 at 12:12 PM

    சிறப்பாக இருந்தது..

    ReplyDelete
  8. unmaiyanavanMarch 11, 2014 at 3:55 PM

    "//மன அழுக்கை விரட்ட மனதில் புகவேண்டும் ஒளி!
    இருளைவிட்டு விலகுவதே அதற்கு நல்லவழி!//" - அழகாகவும் அருமையாகவும் சொல்லியிருக்கிறீர்கள். வாழ்த்துக்கள்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more