எது படைப்பு?

எது படைப்பு?


எது படைப்பு? என்று என்னுள்ளே
எழுந்தது ஓர் கேள்வி?
கேட்டால்தானே கிடைக்கும்!
கேட்டுப்பார்த்தேன்! எது படைப்பு?
காலத்தால் அழியாத காவியங்கள்தான்
படைப்பா?
அப்படியானால் எத்தனையோ இலக்கியங்கள்
மண்ணோடு மண்ணாகவோ
தீயுக்கு இரையாகியும் நீரில் மூழ்கியும்
மூச்சை விட்டிருக்குமே! அவை படைப்பு இல்லையா?
அடுத்த கேள்வி எழுந்தது!
பிறக்கும் எல்லாமே படைப்புதான்!
என்று சொல்லவும் முடியவில்லை!
ஆண்டவன் சிருஷ்டி அனைத்துமே படைப்புத்தானே!
நீரும் நிலமும் காற்றும் வானமும்
பறவைகளும் விலங்குகளும் மரங்களும்
செடிகளும் கொடிகளும்
பூச்சிகளும் புழுக்களும் ஏன் மனிதன் கூட
ஓர் மகத்தான படைப்புத்தானே!
ஐயங்கள் அதிகரித்தன!
அப்படியானால் எல்லாம் படைப்பென்றால்
எழுத்துக்களை ஏன் படைப்பு என்கிறோம்?
சிறந்தது என்கிறோம்! மோசம் என்கிறோம்!
நல்லது என்கிறோம்! தீயது என்கிறோம்!
எழுத்து படைப்பானது எப்படி?
ஆண்டவன் சிருஷ்டி இவ்வுலகம்!
சிருஷ்டிக்கப்பட்டவன் சிருஷ்டித்ததோ எழுத்துலகம்!
சிருஷ்டி அனைத்தும் படைப்புத்தானோ?
அடுத்த ஐயம் உதித்தது!
மரமானாலும் விலங்கானாலும் மனிதனாலும்
உயிர் ஒன்றுதான்!
எழுத்திலே நல்லதென்றாலும் தீமையென்றாலும்
 எழுத்து ஒன்றுதான்!
படைப்பிலே குறையிருப்பதில்லை
படர்வதில் பக்குவத்தில் பண்பில் குறையாகி வேறுபடுகிறது!
எழுத்திலே குறையிருப்பதில்லை!
எழுதும் போக்கிலே நோக்கிலே, எண்ணத்திலே
மாறுபட்டு குறையாகிறது!

படைப்புக்கள் ஒன்றுதான்! அதில் பாகுபாடு கிடையாது!
உயிர் ஒன்றுதான் அதில் வேறுபாடு கிடையாது!
உயிரைத் தாங்கும் உடல்தான் வேறுபடுகிறது!
உடலே எண்ணத்தை ஆள்கிறது!
எண்ணம்தான் எது நல்லது என்று தீர்மானிக்கிறது!
நல்லதை எண்ணினால் நன்மை விளைகிறது!
தீயதை எண்ணினால் தீமை விளைகிறது!
பிறப்பில் குற்றமில்லை! வளர்ப்பில்தான்
 வேறுபடுகிறதுபடைப்புக்கள்!
உடலுக்கு உயிர் கொடுப்பது படைப்பாகிறது!
   கல்லுக்கு உயிர் கொடுத்தால்  படைப்பாகிறது!
சொல்லுக்கு உயிர் கொடுக்கையில் படைப்பாகிறது!
இசைக்கு உயிர் கொடுக்கையில் படைப்பாகிறது!
மொத்தத்தில் உயிருள்ள எதுவும் படைப்பு!
எழுத்தில் உயிர் இருக்குமாயின் அது படைப்பு!
உயிரில்லா எழுத்துக்கள் வெறும்  அடைப்பு!
என்ற எண்ணம் என்னுள் உதித்தது!



தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!   


Comments

  1. வெற்றிவேல்March 3, 2014 at 7:19 PM

    வணக்கம் அண்ணா...

    நலம்தானே???

    படைப்பு பற்றிய அழகான தேடலும் விடையும். உண்மைதான், உயிருள்ள அனைத்துமே படைப்பு தான்...

    தொடருங்கள்...

    ReplyDelete
    Replies
    1. ”தளிர் சுரேஷ்”March 3, 2014 at 7:34 PM

      அன்பு வெற்றிவேல்! நலம்தான்! வருகைக்கும் கருத்திற்கும் மிக்க நன்றி!

      Delete
  2. ராஜிMarch 3, 2014 at 7:24 PM

    உயிரில்லா எழுத்துக்கள் வெறும் அடைப்பு!
    என்ற எண்ணம் என்னுள் உதித்தது!
    >>
    அதிர்ஷடசாலி சகோ நீங்க! உங்க தேடலுக்கு விடை கிடைத்து விட்டது!! எங்கள் தேடலுக்கு இன்னும் விடை கிடைக்கவில்லை!!

    ReplyDelete
    Replies
    1. ”தளிர் சுரேஷ்”March 3, 2014 at 7:36 PM

      வாங்க சகோ! அந்த கடைசி வரி எழுதும் போது உயிரில்லா எழுத்துக்கள் வெறும்.. என்று யோசித்து ஒரு இரண்டு நொடியில் அடைப்பு என்று எழுதினேன். மாற்றலாமா என்றும் யோசித்தேன்! அதைவிட வேறு சிறந்த மாற்று கிடைக்கவில்லை! உங்கள் கருத்தோடு ஒத்துப்போனதில் மகிழ்ச்சிதான். என் தேடல் இத்துடன் முடியவில்லை சகோ! இன்னும் நிறைய இருக்கிறது! அவ்வப்போது பகிர்கிறேன்! நன்றி!

      Delete
  3. தேன்மதுரத்தமிழ் கிரேஸ்March 3, 2014 at 10:01 PM

    //எழுத்தில் உயிர் இருக்குமாயின் அது படைப்பு!// அருமை சகோ. படைப்பைப் பற்றி ஒரு அலசு அலசி விடையும் சொல்லிவிட்டீர்கள்! நன்றி

    ReplyDelete
  4. திண்டுக்கல் தனபாலன்March 3, 2014 at 10:07 PM

    // பிறப்பில் குற்றமில்லை...!
    வளர்ப்பில் தான்
    வேறுபடுகிறது படைப்புக்கள்...! //

    100% உண்மை...

    ReplyDelete
  5. துரை செல்வராஜூMarch 3, 2014 at 10:37 PM

    //எழுத்தில் உயிர் இருக்குமாயின் அது படைப்பு..
    உயிரில்லா எழுத்துக்கள் வெறும் அடைப்பு!..//

    நடை சிறந்த தமிழ்க் கவிதை
    தளிர்.. தந்தது..
    மடை திறந்த வெள்ளம் அதில்
    மனம் மகிழ்ந்தது!...

    ReplyDelete
  6. கரந்தை ஜெயக்குமார்March 4, 2014 at 6:11 AM

    அருமை நண்பரே
    நன்றி

    ReplyDelete
  7. UnknownMarch 4, 2014 at 8:10 AM

    // எழுத்தில் உயிர் இருக்குமாயின் அது படைப்பு!
    உயிரில்லா எழுத்துக்கள் வெறும் அடைப்பு!//
    சோக்கா சொல்லிக்கினபா...!

    ReplyDelete
  8. unmaiyanavanMarch 4, 2014 at 3:57 PM

    நீண்டதொரு அருமையான கவிதை.
    "//பிறப்பில் குற்றமில்லை! வளர்ப்பில்தான்
    வேறுபடுகிறதுபடைப்புக்கள்!//"
    உண்மை தான். வாழ்த்துக்கள்

    ReplyDelete
  9. வெங்கட் நாகராஜ்March 7, 2014 at 10:45 PM

    அருமை..... பாராட்டுகள்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்  உடைபட்டுப்போகின்றன க
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.       நம் உடலில் ஏற்படும் சிறு கொப்புளங்கள் போல இந்த வ
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more