தளிர் சென்ரியு கவிதைகள் 10

தளிர் சென்ரியு கவிதைகள் 10


1.      தள்ளாட விட்டு தலைநிமிர்கிறது
தமிழகப் பொருளாதாரம்!
டாஸ்மாக்!

2.      எங்கெங்கும் பறக்குது கொசு!
எளிதாக பரவி வருகுது
டெங்கு!

3.      தள்ளி வைக்கப்பட்ட
கள்ளிச் செடிகள்!
பிச்சைக்காரர்கள்!

4.      அள்ளிக் குவித்தவர்கள்
துள்ளி குதிக்கிறார்கள்!
கிரானைட் முதலைகள்!

5.      கலர் கலராய் கடைகளில் தண்ணீர்!
உலர்ந்து போனது உடலுக்கு நல்ல
இளநீர்!

6.      தூங்காத வாகனங்கள்
துயில் எழுப்புகின்றன!
நகரவாசிகள்!

7.      தூசும் புகையும் மாசு!
துரும்பாய் நினைத்தால்
அள்ளலாம் காசு!

8.      பஞ்சனை கிடைத்தும்
படுத்து இளைப்பாறவில்லை!
பன்னீர் செல்வம்!

9.      உதிரும் பூக்கள்!
கோர்ப்பார் இல்லை!
காங்கிரஸ்!

10.  ஊசலாடும் உயிர்கள்!
ஊமையான கட்சிகள்!
    உறக்கத்தில் இந்தியா!

11.   பிரபலங்கள் பெருக்கினார்கள்!
    சேர்ந்தது குப்பை!
    தூய்மை இந்தியா!

12.  தேய்த்து குளித்தாலும்
விடவில்லை அழுக்கு!
 கோத்ரா சம்பவம்!

13.  குப்பையான கோயில்கள்!
தெருவுக்கு வந்த கடவுள்!
 வீதி உலா!

14.  உதைத்து ஆடினாலும்
ரசித்து பார்த்தார்கள்!
கால்பந்து!

15.  சுத்தம் செய்கையில்
அழுக்கானது துடைப்பம்!
ஆம் ஆத்மி!

16.  பெருகிய வாகனங்கள்!
அருகிப்போனது!
நடை!

17.  படிப்படியாக பால் ஊற்றினார்கள்!
துடித்துக் கொண்டு இருந்தது
பால்வற்றிய தாயுள்ளம்!

18.  வேண்டி வருவனிடம்
வேண்டிக் கொண்டிருந்தார் கடவுள்!
உண்டியல்!

19.  நெல்லாய் விளைந்த மண்ணில்
கல்லாய் முளைத்தது கட்டிடங்கள்!
 வீட்டுமனைகள்!

20.  கிழிந்து கிடந்தாலும்
நிறைந்து கிடக்கிறது பை!
பிச்சைக்காரன்!

டிஸ்கி} கவிதையை எழுதி மேலும் செம்மைப்படுத்தினால் நன்றாக இருக்கும் என்கிறார் ஐயா முத்துநிலவன். ஆனால் நான் பெரும்பாலும் அப்போதே சுடச்சுட என்ன தோன்றுகிறதோ அதை எழுதி அப்படியே பதிவிட்டு விடுகிறேன்! என்னுடைய பெரும்பாலான பதிவுகள் அப்படித்தான்! அதே போலத்தான் இந்த பதிவும். இன்று சென்ரியு எழுதலாம் என்று வந்து 6-15 மணிக்கு அமர்ந்தேன்! நாற்பத்தைந்து நிமிடங்களில் விளைந்த சென்ரியுக்கள் இவை! உங்களின் கருத்துக்களை நிறை குறைகளை பின்னூட்டத்தில் தெரிவித்தால் இன்னும் சிறப்பாக எழுத முயல்வேன்! நன்றி!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்!

  

Comments

  1. கவிதை வானம்November 10, 2014 at 7:19 PM

    எல்லாமே சமுக சிந்தனையுடன் இருக்கின்றன .....நன்று

    ReplyDelete
  2. ஸ்ரீராம்.November 10, 2014 at 7:30 PM

    இதிலேயே அரசியலுமா? அட!

    எல்லாமே அருமை.

    ReplyDelete
  3. கவிஞர்.த.ரூபன்November 10, 2014 at 7:32 PM

    வணக்கம்
    சொல்லிய கருத்துகள் அருமையாக சொல்லியுள்ளீர்கள் பகிர்வுக்கு நன்றி
    -நன்றி-
    -அன்புடன்-
    -ரூபன்-

    ReplyDelete
  4. KILLERGEE DevakottaiNovember 10, 2014 at 9:57 PM

    அனைத்தும் முத்துக்கள் நண்பரே...
    எமது மதுரை பதிவர் விழா பதிவு.

    ReplyDelete
  5. YarlpavananNovember 10, 2014 at 11:11 PM

    சிறந்த பதிவு
    தொடருங்கள்

    ReplyDelete
  6. 'பரிவை' சே.குமார்November 11, 2014 at 12:18 AM

    சிறப்பான கவிதைகள் ஐயா...
    நானும் அப்படித்தான் எழுதி அப்போதே பதிவிட்டுவிடுவேன்...
    தொடர்கதை கூட அப்போ அப்போத்தான் எழுதுறது வழக்கம்...

    ReplyDelete
  7. unmaiyanavanNovember 11, 2014 at 6:06 AM

    அருமையான கவிதைகள்.

    "//பஞ்சனை கிடைத்தும்
    படுத்து இளைப்பாறவில்லை!
    பன்னீர் செல்வம்!//"

    பாவம் பன்னீர் செல்வம் - தங்களிடமிருந்து நடப்புச் செய்தியும் தப்பவில்லை.

    ReplyDelete
  8. Avargal UnmaigalNovember 11, 2014 at 9:04 AM

    செம்மைப்படுத்தாமலே நீங்கள் எழுதுவது அருமை என்றால் செம்மைபடுத்தினால் எங்கோ சென்றுவிடுவீர்கள் பாராட்டுக்கள்

    ReplyDelete
  9. Avargal UnmaigalNovember 11, 2014 at 9:04 AM

    ///நான் பெரும்பாலும் அப்போதே சுடச்சுட என்ன தோன்றுகிறதோ அதை எழுதி அப்படியே பதிவிட்டு விடுகிறேன்! என்னுடைய பெரும்பாலான பதிவுகள் அப்படித்தான்! ///

    நானும் அப்படியே

    ReplyDelete
  10. ஊமைக்கனவுகள்November 11, 2014 at 9:26 PM

    சுடச்சுட எழுதினாலும் கவிதைகள் சுவையாகத் தான் இருக்கின்றன அய்யா!
    நன்றி

    ReplyDelete
  11. ”தளிர் சுரேஷ்”November 13, 2014 at 7:48 PM

    கருத்தளித்த அனைத்து நண்பர்களுக்கும் நன்றி!

    ReplyDelete
  12. Thulasidharan V ThillaiakathuNovember 16, 2014 at 8:50 AM

    சுடச் சுடக் கவிதைகள் அருமையாக சூடாகவும் உள்ளன நண்பரே! கலக்குங்கள்!

    ReplyDelete
  13. UnknownOctober 3, 2020 at 5:39 PM

    மிக அருமையான பதிவு

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்  உடைபட்டுப்போகின்றன க
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.       நம் உடலில் ஏற்படும் சிறு கொப்புளங்கள் போல இந்த வ
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more