நியதியும் வசதியும்! கவிதை!


இப்படித்தான் வாழ வேண்டும்
என்று ஒரு கட்டுக்குள்
கட்டுக்கோப்பாய் வாழ்வது நியதி!
எப்படியும் வாழ்வேன்!
என்று கட்டுக்களை
தளர்த்தெரிந்து பாய்வது வசதி!
நியதிக்குள் வாழ்க்கை நீடிக்கும்
நித்தம் நம்மை சோதிக்கும்!
நெளிவும் சுளிவும் தரும் வசதி!
நித்தமும் அதனால் அசதி!
பித்தமும் ஒருநாள் உறுதி!
கூட்டுக்குள்ளே புழுவாக இருந்து
பட்டு இறக்கை முளைத்து
பறக்கிறது வண்ணத்துப்பூச்சி!
கூட்டினை உடைத்து
கொடியதன் கொழுந்தினைத்
தின்று புழுவாய் உதிர்ந்து மடிகிறது
கம்பளிப்பூச்சி!
சிப்பிக்குள் அடங்கினால் விளையும்
முத்து!
குப்பிக்குள் அடங்கினால் விளையும்
மருந்து!
உடைப்பெடுக்காத ஆறு!
ஊட்டும் நல்ல சோறு!
மடை திறந்தால் அது வெள்ளம்!
உடைந்து போகும் உழவன் உள்ளம்!
கட்டுக்குள் வாழ்க்கை அமர்க்களம்!
கட்டுடைத்த வாழ்க்கை போர்க்களம்!
நியதி மனிதன் வகுத்தது!
வசதி மனிதன் படைத்தது!
படைப்பு மிஞ்சினால் நியதி அடங்குகிறது!
எல்லோரும் சமன் என்பது நியதி!
எல்லோருக்கும் மேல் நான் என்பது வசதி!
நியதிக்கும் வசதிக்கும்
நிதம் தோறும் போட்டியில்
வென்றதுவோ வசதி!
வல்லான் வகுத்ததே நியதி என்று
எல்லோரும் சொல்லும் நிலை இன்று!
உள்ளதை உள்ளபடி உரைக்கவோ
நல்லதை நல்லபடி செப்பவோ
அல்லதை அல்லதென தள்ளவோ
இல்லாமல் போனதே நியதி!
இதுவே அழிவினுக்கு கொண்டு செல்லும் வியாதி!




தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!


Comments

  1. திண்டுக்கல் தனபாலன்February 17, 2014 at 5:18 PM

    அருமை...

    /// மடை திறந்தால் அது வெள்ளம்!
    உடைந்து போகும் உழவன் உள்ளம்!
    கட்டுக்குள் வாழ்க்கை அமர்க்களம்!
    கட்டுடைத்த வாழ்க்கை போர்க்களம்! ///

    உண்மை... வாழ்த்துக்கள்...

    ReplyDelete
  2. கவிஞர்.த.ரூபன்February 17, 2014 at 6:05 PM

    கவிதையின் வரிகள் ரசிக்கும் படி அருமையாக உள்ளது வாழ்த்துக்கள்

    ReplyDelete
  3. நண்டு @நொரண்டு -ஈரோடுFebruary 17, 2014 at 6:30 PM

    ம் ...

    ReplyDelete
  4. aaveeFebruary 17, 2014 at 6:39 PM

    நல்ல கருத்துள்ள கவிதை!! கலக்கல் நண்பா!

    ReplyDelete
  5. அம்பாளடியாள் February 17, 2014 at 10:14 PM

    சிந்திக்க வைக்கும் சிறப்பான பகிர்வுக்கு பாராட்டுக்களும்
    வாழ்த்துக்களும் சகோதரா .

    ReplyDelete
  6. Thulasidharan V ThillaiakathuFebruary 18, 2014 at 9:44 AM

    மடை திறந்தால் அது வெள்ளம்!
    உடைந்து போகும் உழவன் உள்ளம்!
    கட்டுக்குள் வாழ்க்கை அமர்க்களம்!
    கட்டுடைத்த வாழ்க்கை போர்க்களம்!//

    மிக மிக அருமையான கருத்துச் செறிவுள்ள கவிதை!

    நல்லதொரு பகிர்வு! நன்றி! நண்பரே!

    ReplyDelete
  7. unmaiyanavanFebruary 19, 2014 at 5:30 PM

    அருமையான கவிதை வரிகள்.

    "//உள்ளதை உள்ளபடி உரைக்கவோ
    நல்லதை நல்லபடி செப்பவோ
    அல்லதை அல்லதென தள்ளவோ
    இல்லாமல் போனதே நியதி!
    இதுவே அழிவினுக்கு கொண்டு செல்லும் வியாதி!//" - முடிவு நாராக இருக்கிறது

    ReplyDelete
  8. வெங்கட் நாகராஜ்February 24, 2014 at 7:50 PM

    கருத்துள்ள கவிதை.... பாராட்டுகள்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more