கொஞ்சம் சிரியுங்க பாஸ்! பகுதி 9

ஜோக்ஸ்!


1.      அந்த வக்கீல் ஏன் டார்ச் லைட்ட அடிச்சு சட்ட புத்தகத்தை படிக்கிறாரு?
சட்டம் ஓர் இருட்டறைன்னு யாரோ சொன்னாங்களாம்!

2.      மன்னர் கைக்கு எட்டியது வாய்க்கு எட்டவில்லை என்று சொல்கிறாரே எதை?
எதிரி மன்னன் அனுப்பிய தூதுப்புறா செய்தியை போட்டுவிட்டு பறந்துவிட்டதைத்தான் அப்படி சொல்கிறார்!

3.      தமாஷ் நடிகரை அழவைக்கணும்னா என்ன செய்யனும்?
விஜய் டீவியிலே கூப்பிட்டு ஒரு அவார்டை கொடுக்கணும்!

4.      மாப்பிள்ளை பெரிய பில்டருன்னு சொன்னதை நம்பி ஏமாந்துட்டோம்!
எப்படி?
அவரு  “பாடிபில்டர்”ங்க!

5.      தலைவர் எதுக்கு கட்சி எம்.எல்.ஏக்களை சங்கிலி போட்டு கட்டி வச்சி இருக்காரு!
எதிர் கட்சிக் காரங்க இழுத்துட்டு போயிருவாங்கன்ற பயம்தான்!

6.      நம்ம தலைவர் பண்றது கொஞ்சம் கூட நல்லா இல்லை!
ஏன் என்ன பண்ணிணார்?
ஒவ்வொரு எம்.எல்.ஏவுக்கும் விலையை பிக்ஸ் பண்ணி சட்டையிலே டேக் கட்டி விட்டிருக்கார்!

7.      டிரிட்மெண்டுக்கு வந்த பேஷண்ட் கிட்ட  சுகர் இருக்குன்னு சொன்னது தப்பா போச்சு!
ஏன்?
கொஞ்சம் எடுத்து கொடுத்தீங்கன்னா காபியிலே போட்டு சாப்பிட சவுகர்யமா இருக்கும்னு சொல்றார்!

8.      அந்த டாக்டர்கிட்ட பாலிசி இருந்தாத்தான் டிரிட்மெண்டுக்கு போகமுடியும்!
அப்படியா? என்ன பாலிசி எதிர்பார்க்கிறார்!
மெடிக்கல் இன்ஷுரன்ஸ் பாலிசிதான்!

9.      அந்த பேட்ஸ்மேன் தொடர்ந்து சொதப்புறாரே!
டேட்டிங் போக ஆரம்பிச்சுதுல பேட்டிங் மறந்து போயிருச்சாம்!

10.  அந்த பேட்ஸ்மேன் ஏன் கையில பேட் இல்லாம தடியோட உள்ளே வர்றாரு!
அவரு நைட் வாட்ச்மேனாம்!

11.  எதிரி படையெடுத்து வருகிறான் என்றதும் மன்னருக்கு ஆவேசம் வந்து உடல் துடிக்கிறதை பாருங்கள்!
ம்.. நீ வேற இது உடல் துடிப்பு அல்ல! உடல் நடுக்கம்!

12.  மன்னர் ஏன் புலவர் மீது கோபமாக உள்ளார்?
மன்னரை புகழ்ந்து பரணி பாடச்சொன்னால் புரளி பாடிவிட்டாராம்!

13.  தலைவருக்கு எப்பவுமே கமிஷன் மேலேயே கண்
ஏன் என்னாச்சு?
திட்டக் கமிஷன்! திட்டக் கமிஷன்!னு சொல்றாங்களே யாரை திட்டினா கமிஷன் தருவாங்கன்னு கேக்கறார்!

14.  பொண்ணு சொக்கத் தங்கம்னு தரகர் சொன்னதை நம்பினது தப்பா போச்சு?
ஏன்?
இப்பத்தான் தெரியுது எவனோ உரசிப் பார்த்திருக்கான்னு!


15.  அவரை எல்லோரும் தூர் தர்ஷன்னு சொல்றாங்களே! அங்க வேலை செய்யறாரா?
நீ வேற அவர் கிட்ட யாரும் நெருங்க முடியாது அவ்ளோ கப்பு! அதான்..

16.  நாள் தள்ளிக்கிட்டே போவுது சீக்கிரமா பொண்ணு கல்யாணத்தை முடிங்கன்னா கேட்டீங்களா?
இப்ப என்ன ஆகிப்போச்சு!
வயித்த தள்ளிண்டு வந்து நிக்கறா!

17. புலவரே பாட்டில் பொருள் குறைகின்றதே?
  நீங்கள் கொடுக்கும் பொன்னிலும் மாற்று குறைகின்றதே மன்னா?

தங்கள் வருகைக்கு நன்றி !பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!


Comments

  1. கவிதை வானம்July 24, 2014 at 8:16 PM

    தமாஷ் நடிகரை அழவைக்கணும்னா என்ன செய்யனும்?
    விஜய் டீவியிலே கூப்பிட்டு ஒரு அவார்டை கொடுக்கணும்!........யதார்த்தமான ஜோக்

    ReplyDelete
  2. KILLERGEE DevakottaiJuly 24, 2014 at 8:25 PM

    நல்ல நகைசுவைதான் நண்பரே,,,

    ReplyDelete
  3. Thulasidharan V ThillaiakathuJuly 24, 2014 at 10:40 PM

    ஹாஹா ..எல்லாமே நல்லாருக்குங்க ! ரசித்தோம் சிரித்தோம்!

    ReplyDelete
  4. திண்டுக்கல் தனபாலன்July 24, 2014 at 10:49 PM

    ஹா... ஹா... கலக்கலான கலவை..!

    ReplyDelete
  5. saamaaniyanJuly 25, 2014 at 1:30 AM

    மொழியை கற்பிக்கும் பதிவுகள், சமூக பார்வை, நகைச்சுவை என அனித்திலும் அசத்துகிறீர்கள். உங்களை வலைமனை அஸ்டாவதானி என அழைக்கலாம்.

    நன்றி
    சாமானியன்
    saamaaniyan.blogspot.fr

    எனது புதிய பதிவு : ரெளத்திரம் பழகு !

    http://saamaaniyan.blogspot.fr/2014/07/blog-post_22.html

    ( தங்களுக்கு நேரமிருப்பின் படித்துவிட்டு உங்கள் எண்ணங்களை பதியுங்கள்.நன்றி )

    ReplyDelete
  6. http://bharathidasanfrance.blogspot.com/July 25, 2014 at 2:26 AM


    வணக்கம்!

    நல்ல நகைச்சுவை! நானும் படித்திங்குச்
    சொல்லச் சுரக்கும் சுவை!

    கவிஞர் கி. பாரதிதாசன்
    தலைவர்: கம்பன் கழகம் பிரான்சு


    ReplyDelete
  7. unmaiyanavanJuly 25, 2014 at 4:58 AM

    அனைத்தையும் ரசித்தேன்.

    ReplyDelete
  8. அருணா செல்வம்July 25, 2014 at 5:40 AM

    ரசித்துச் சிரித்தேன் சுரேஷ்.

    ReplyDelete
  9. கரந்தை ஜெயக்குமார்July 25, 2014 at 6:02 AM

    ரசித்தேன்
    சிரித்தேன்
    நன்றி நண்பரே

    ReplyDelete
  10. Avargal UnmaigalJuly 25, 2014 at 9:19 AM

    ///தமாஷ் நடிகரை அழவைக்கணும்னா என்ன செய்யனும்?
    விஜய் டீவியிலே கூப்பிட்டு ஒரு அவார்டை கொடுக்கணும்!///

    மிகவும் ரசித்தேன் பாராட்டுக்கள்

    ReplyDelete
  11. YarlpavananJuly 26, 2014 at 10:23 AM

    சிறந்த நகைச்சுவைப் பகிர்வு

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்  உடைபட்டுப்போகின்றன க
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.       நம் உடலில் ஏற்படும் சிறு கொப்புளங்கள் போல இந்த வ
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more