உறுதி! ஒருபக்க கதை

 

உறுதி!                                  

                                நத்தம்.எஸ்.சுரேஷ்பாபு

நாற்பது நாட்களாய் குடிக்காமல் இருந்த உறுதி காணாமல் போயிருந்தது.நான் திருந்திட்டேன் காமாட்சி! இனிமே டாஸ்மாக் பக்கம் தலைக்கூட வைச்சி படுக்கமாட்டேன்! இப்போத்தான் சந்தோஷமா இருக்கேன்! தெம்பா இருக்கேன்! இனிமே நம்ம குடும்பம் நல்லா இருக்கப்போவுது! என்று சொல்லிக்கொண்டிருந்த மனோகரனின் திடம் காணாமல் போயிருந்தது.

 இதோ நாளைக்கு கடை திறக்கப் போகிறார்கள். கடை முன் நிறைய க்யு நிற்கும். விடியற்காலையிலே முதல் ஆளாய் போய் கடைவாசலில் நிற்க வேண்டும். கை பரபரத்தது.கால்கள் நடுங்கின. மூளை முழுதும் குடி நிறைந்திருந்தது.

  ‘என்னங்க? ஒரே பரபரப்பா இருக்கீங்க?” காமாட்சி கேட்க மென்று விழுங்கினான். “ஒண்ணுமில்லே காமாட்சி!” நீ போ! என்றான். அப்போது அவன் மகள் மாலதி அருகே வந்தாள்.

 “அப்பா! ஒண்ணு சொல்லட்டுமா?”   “சொல்லும்மா!”

”ஒரு பொருள் கிடைக்காத போது அதை வாங்கி அனுபவிக்காம இருக்கிறதுக்கு பேர் உறுதி இல்லை! அதுக்குப்பேரு வாய்ப்பின்மை! ஒரு பொருள் நமக்கு கிட்டவே இருந்தாலும் அது நமக்குவேண்டாம் தீமை தரும்னு விலகியிருக்கிறதுக்கு பேர்தான் உறுதி.”

”இவ்வளவு நாள் உங்களுக்கு வாய்ப்பு கிடைக்கலை! இப்போ வாய்ப்பு கிடைச்சிருக்கு! இப்ப நீங்க மதுவைத் தொடாம உறுதியா இருப்பீங்கன்னு நம்பறேன்!  நீங்க உறுதியை இழந்தா உறுதி இழக்கப் போறது உங்க குடும்பம்தான்! இதை நல்லா புரிஞ்சிகிட்டா நீங்க நாளைக்கு உறுதி இழக்க மாட்டீங்க!” என்றாள்.

மகள் சொல்ல சொல்ல புத்தியில் ஏதோ உரைக்க இனி குடிப்பது இல்லை என்று உறுதி எடுத்தான் மனோகரன்.

 தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!

Comments

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more