கொஞ்சம் சிரியுங்க பாஸ்! பகுதி 51

கொஞ்சம் சிரியுங்க பாஸ்! பகுதி 51


1.   இன்னும் வளரணும்னு போலீஸ் தேர்வுல திருப்பி அனுப்பிட்டாங்களா அப்படி எது வளரலை!
  தொப்பைதான்!

2.   சர்வர் கஸ்டமர் கிட்ட என்ன தகறாரு!
  சேவைக் கட்டணம்னு போட்டிருக்கீங்களே நான் சேவை எதுவும் சாப்பிடலை அந்த பணத்தை தரமாட்டேன்னு சொல்றார் சார்!

3.   தலைவர் ரொம்ப அல்பமா இருக்கார்!
  எப்படி சொல்றே?
மாநாட்டு பட்ஜெட்ல நிறைய துண்டு விழுதுன்னு சொன்னா அதுல ஒரு ரெண்டை எனக்கு அனுப்பிச்சிடுன்னு சொல்றாரே!

4.   ஹோம் ஒர்க் ஏன் செய்யலை?
எங்க வீட்டுல எல்லா ஒர்க்கும் முடிஞ்சிருச்சு மிஸ்! இனி ஒன்னும் பாக்கி இல்லை!


5.   வரதட்சணை கொடுமைன்னு மருமக புகார் சொல்லியிருக்காங்களே அப்படி என்ன செய்ஞ்சீங்க!
பருப்பு சாம்பார் வைச்சு போடும்மா கேட்டேன்!

6.   கல்யாணத்தப்போ மாப்பிள்ளை ரொம்ப முறுக்கோட இருந்தாரே இப்ப எப்படி?
  என் பொண்ணு முறுக்கிவிட்டப்படி ஆடற நிலைமைக்கு வந்துட்டார்!

7.   பையன் பார் அசோசியேஷன்ல மெம்பர்னு சொல்லி ஏமாத்திட்டாங்க!
  எப்படி?
டாஸ்மாக் பார்ல மெம்பராம்!

8.   டென்னிஸ் ப்ளேயரை கல்யாணம் பண்ணிக்கிட்டது தப்பா போச்சா ஏன்?
  ஆ.. ஊ..ன்னா கோர்ட்டுக்கு போயிடறாளே!

9.   தலைவரை போற்றி பாராட்ட வார்த்தைகளே இல்லை என்பதால் எல்லோரையும் இரண்டுநிமிடம் மவுன அஞ்சலி செலுத்துமாறு கேட்டுக்கொள்கிறேன்!
10.  இந்த வீடு தலைவர் குறுக்குவழியிலே சம்பாதிச்சு கட்டினது எப்படி சொல்றே?
   குறுக்குச் சந்திலே வீட்டை கட்டி இருக்காரே!

11. என்னப்பா சர்வர் சாம்பார்ல பருப்பையே காணோமே!
சாம்பார்ல பருப்பை பார்கணும்னா உங்க பர்ஸ்ல பணம் காணாம போயிரும் பரவாயில்லையா சார்!


12.  இராணியார் ஏன் மன்னர் மீது இவ்வளவு கோபமா இருக்கிறார்?
மன்னர் பேஸ்புக்கில் ராணியை அன்பிரண்ட் பண்ணிவிட்டாராம்!

13.  மன்னா! நம் குடை சாய்ந்தது கொடி வீழ்ந்தது!
   உடை கிழியும் முன் ஓடிவிடுவோமா மந்திரியாரே!

14.  ஒரு நிமிசம் உங்க செல்போனை கொடுக்க முடியுமா ஒரு கால் பண்ணணும்!
     பேலன்ஸ் இருக்காதே…!
அப்ப ரெண்டு காலாவே பண்ணிடறேன்!

15. உன் மனைவி அடிக்கடி குத்தி காமிச்சிக்கிட்டேஇருந்ததை சரிபண்ண கொஞ்சம் செலவாயிருச்சா ஏன்?
காதுல குத்திக்கிட்ட ஓட்டையை மாட்டல் போட்டு அடைக்கிறதாயிருச்சே!

16.  மன்னா! என் வறுமை கொடியது!
உங்கள் பாட்டை கேட்பது அதைவிட கொடியதாக இருக்கிறது புலவரே!

17.  எங்க ஆபீஸ்லே நேரத்துக்கு ஒழுங்கா வர்றது ஒருத்தர்தான்!
  யார் அவர் உங்க மேனேஜரா?
 இல்லே பக்கத்து கடையில இருந்து டீ சப்ளை பண்றவர்!

18.  தலைவரே நம்ம கொள்கைகளை தொண்டர்கள் காத்துல பறக்க விட்டுட்டாங்க!
     என்ன சொல்றே?
 கொள்கைகள் எழுதன பேப்பரை கிழிச்சு போட்டுட்டாங்கன்னு சொல்றேன்!

19.   இவ்வளவு வேகமா வண்டி ஓட்டறது எனக்கு கொஞ்சம் கூட பிடிக்கலை டியர்!
  எனக்கும் கூடத்தான் ஆனா ப்ரேக்கும் கூடத்தான் பிடிக்க மாட்டேங்குது!


20.  அந்த பார்மஸியிலே காலாவதியான மருந்துக்களை வித்திட்டிருந்தாங்களாமே!
பல பேரோட தலைவிதியையே மாத்திட்டிருந்தாங்கன்னு சொல்லுங்க!

21. மன்னர் எதற்கு போருக்கு நிறைய  மையை எடுத்துச் செல்கிறார்?
போர்க்களத்தில் எதிரியை அடையாளம் தெரியாமல் ஆக்கிவிடுவதாக சொல்லியிருக்கிறாரே  மை பூசி அடையாளம் தெரியாமல் மாற்றிவிடத்தான்!

22.  எதிரிக்கு பயத்தை காட்டவேண்டும் அமைச்சரே…!
   முதலில் உங்களின் பயத்தை போக்கிக் கொள்ளுங்கள் மன்னா!
   

23. மன்னா அந்தப்புரத்தில் திருடன் ஒருவன் புகுந்துவிட்டான்!
பிடித்துச் சிரச்சேதம் செய்துவிட வேண்டியதுதான்!
ஆனால் இளவரசியின் மாங்கல்யத்திற்கு சேதம் வந்துவிடுமே!

24. எதிரி மன்னன் வெற்றிக் களிப்புடன் வந்து கொண்டிருக்கிறான்!
நம் மன்னருக்கு...?
அரண்மனை வைத்தியர் களிம்புடன் வந்து கொண்டிருக்கிறார்!

  

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. வெங்கட் நாகராஜ்October 15, 2015 at 9:05 PM

    அனைத்தையும் ரசித்தேன். பகிர்ந்து கொண்டதற்கு நன்றி.

    ReplyDelete
  2. கரூர்பூபகீதன்October 15, 2015 at 9:14 PM

    அனைத்தும் கல கல
    ரசித்தேன் சிருத்தேன்
    நன்றி நண்பரே!!

    ReplyDelete
    Replies
    1. KILLERGEE DevakottaiOctober 15, 2015 at 9:25 PM

      2 டஜனையும் ரசித்தேன் பாஸ்....

      Delete
  3. கரந்தை ஜெயக்குமார்October 16, 2015 at 6:54 AM

    ரசித்தேன்
    சிரித்தேன் நண்பரே

    ReplyDelete
    Replies
    1. கவிஞர்.த.ரூபன்October 16, 2015 at 7:19 AM

      வணக்கம்
      ஐயா

      அனைத்தும் சிறப்பு படித்து மகிழ்ந்தேன் வாழ்த்துக்கள்
      -நன்றி-
      -அன்புடன்-
      -ரூபன்-

      Delete
  4. Thulasidharan V ThillaiakathuOctober 16, 2015 at 10:06 AM

    தீபாவளி நெருங்குவதால் சரவெடியா ஹஹாஹ்ஹ!!!

    ReplyDelete
  5. ஸ்ரீராம்.October 16, 2015 at 10:22 AM

    1, 2, 3... அட.. எல்லாமே அருமை பாஸ். ரசித்தேன், சிரித்தேன்.

    ReplyDelete
  6. UnknownOctober 17, 2015 at 10:20 AM

    அடேங்கப்பா ,ஒரே பதிவில் இத்தனை ஜோக்கா ?அருமை :)

    ReplyDelete
  7. Jayadev DasOctober 26, 2015 at 8:36 PM

    Bar association, Super!!

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more