“தலைவருக்கு சீட் கெடச்சிருச்சு!” ஜோக்ஸ்!

ஜோக்ஸ்!


1.      தலைவர்கிட்ட மின் அஞ்சல் முகவரி கேட்டதுக்கு கோபிச்சுக்கிறாரா ஏன்?
மின் பற்றாக்குறை இருக்கிற இந்த நேரத்துல எதுக்கு மின்னஞ்சல்னு கேக்கிறாரு!

2.      தலைவர் சீட் கெடச்சிருச்சு! சீட் கெடச்சிருச்சுன்னு சொல்றாரே! எந்த தொகுதியில நிக்கறாரு?
நீ வேற அவர் பிரச்சார மேடையில உக்காரதுக்கு சீட் கெடச்சதைத்தான் பெருமையா அப்படிச் சொல்றார்!

3.      சமையல் சரியில்லைன்னு அம்மா வீட்டுக்கு கோச்சுக்கிட்டு போனியே அப்புறம் என்ன ஆச்சு?
அங்கேயும் எங்கப்பா சமையல் சரியில்லை!

4.      வீடு வீடாப் போய் வாக்கு சேகரிக்கலாம்னு சொன்னதை தலைவர் தப்பா புரிஞ்சிக்கிட்டாரு!
அப்புறம்?
ஓட்டுப்பெட்டியை வீடுவீடா தூக்கிட்டு கிளம்பிட்டாரு!

5.      அந்த பேச்சாளர் எதுக்கு பேசறதுக்கு முன்னாடி தேன் குடிக்கிறார்?
அதுவொண்ணுமில்லைங்க! அவர் எப்பவும் பேச்சுல தேன் தடவித்தான் பேசுவாராம்! அதான்!

6.      தலைவர் காருல பல லட்ச ரூபாயோட பறக்கும்படைகிட்ட சிக்கிகிட்டாராமே!
ஆனா தலைவர் அசரலை! இது  “வாக்குசேகரிப்புநிதி’ன்னு சொல்லி சமாளிச்சிட்டாராம்.


7.      பஸ் கண்டக்டரை காதலிக்கிறது ரொம்ப தப்பா போச்சா? ஏன்?
எப்ப எது வாங்கித்தரச் சொன்னாலும் சில்லறை இல்லைன்னு சில்லறை இல்லைன்னு சொல்லிடறாரு!

8.      மன்னா எதிரிகள் போருக்கு புறப்பட்டு விட்டார்களாம்!
அப்படியானால் நாம் பதுங்குக் குழிக்கு புறப்பட்டுவிடவேண்டியதுதானே மந்திரியாரே!

9.      மன்னா! அரண்மணையில் எதிரிகள் நடமாட்டம் அதிகரித்துவிட்டது!
அப்படியானால் அரண்மணை இடமாற்றம் ஆகப்போகிறது என்று சொல்லுங்கள்!

10.  அந்த வேட்பாளருக்கு குழந்தை மனசு!
அதுக்காக இப்படி நடைவண்டி ஓட்டிக்கிட்டு வந்து ஓட்டு கேக்கறது எல்லாம் நல்லா இல்லை!

11.  தலைவர் பிரச்சாரத்துல மானத்தை வாங்கிட்டாரா எப்படி?
எங்க தலைவர் நடத்தும் வங்கியை ரெய்ட் செய்கிறீர்களே! அந்த கட்சிக்கு உள்ள வாக்கு வங்கியை ரெய்டு செய்தீர்களான்னு கேக்கறார்!


12.  இந்த ஆட்சியில் ஊழல் ஆறு பெருக்கெடுத்து ஓடுகிறது என்று சொல்பவர்களை ஒன்று கேட்டுக்கொள்கிறேன்! எங்கள் ஆட்சியிலாவது ஊழல் ஆறு ஓடுகிறது உங்கள் ஆட்சியில் எந்த ஆறில் தண்ணீர் ஓடியது!

13.  உன்னோட வீட்டுல தண்ணித் தெளிச்சி விட்டுட்டாங்களா?
        ஆமாம்! அப்புறம் நான் தான் போயி கோலம் போட்டேன்.

14.  வங்கியிலே போய் லோன் கேட்டதுக்கு அடிச்சிட்டாங்களா? ஏன்?
இரத்தவங்கியிலே போய் லோன் கேட்டா அடிக்காம என்ன செய்வாங்க?

15.  இப்படி திருடி மாட்டிக்கொண்டு எத்தனை முறை என் முன்னால் நிற்பாய்? வெட்கமாயில்லை!
மன்னிச்சுக்கோங்க எசமான்! உங்களுக்கு டிரான்ஸ்பர் கிடைக்காததுக்கு நான் காரணம் இல்லை!


16.  அந்த டாக்டர் ஒரு சந்தேகப் பேர்வழியா? எப்படிச்சொல்றே?
மயக்க மருந்து கொடுத்ததுக்கு அப்புறமும் சுத்தியல்ல மண்டையில ஒரு தட்டு தட்டிட்டுதான் ஆபரேஷனை ஆரம்பிப்பார்!

17.  மன்னர் ஏன் அரசவைப்புலவரை நீக்கிவிட்டார்!
மன்னரை புகழ்ந்து பாடல் எழுதுகிறேன் என்று ஓலைகள் நிறைய வாங்கி வீடு கட்டிவிட்டாராம்! அதனால்தான்!

18.  தலைவர் எதுக்கு சிமெண்டும் கையுமா அலைஞ்சிகிட்டு இருக்கார்!
கட்சியில ஏற்பட்ட பிளவை அடைக்கப் போறாராம்!

19.  மன்னா! எதிரி நம் மீது ஒரு கண் வைத்திருக்கிறான்!
    யாரங்கே! உடனே மூதாட்டிகளை கூப்பிட்டு கண்ணேறு
கழிக்க ஏற்பாடு செய்யுங்கள்!

20.  தலைவருக்கு  எப்பவும் கமிஷன் ஞாபகம்தான்!
எப்படிச் சொல்றே?
தேர்தல் கமிஷன் தேர்தல் கமிஷன்னு சொல்றாங்களே எவ்வளவு கிடைக்கும்னு கேக்கறார்!

அனைத்தும் சொந்த சரக்குங்க!


மேலும் தொடர்புடைய இடுகைகள்:

 1. மொக்க ஜோக்ஸ் 3

 2. மொக்க ஜோக்ஸ் 4

3. கூட்டணி சரியில்லைன்னு தலைவர் புலம்புவது எதற்கு? ஜோக்ஸ்


தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!


Comments

  1. aaveeApril 3, 2014 at 10:05 PM

    சில ஜோக்ஸ் மொக்கை.. சிலது சிரிப்பை வரவழைத்தது..

    ReplyDelete
  2. UnknownApril 3, 2014 at 10:19 PM

    வாழ்த்துக்கள் சுரேஷ் ஜி உங்கள் ஜோக் மழையில்நனைந்து மகிழ்ந்தேன் .கணக்கில் வராத அந்த ரெண்டு ஜோக்குகள் பாக்யாவில் தானா ?

    ReplyDelete
  3. திண்டுக்கல் தனபாலன்April 4, 2014 at 6:55 AM

    சிலது ஹா... ஹா.... சிலது ஹிஹி....

    ReplyDelete
  4. ezhilApril 4, 2014 at 12:16 PM

    காலத்துக்கேத்த பதிவு... அரசியல் வாசனை அதிகம்

    ReplyDelete
  5. AnonymousApril 5, 2014 at 11:06 AM

    Hi....I admire ur efforts..keep it up....good jokes.....always confidence and efforts pays....

    ReplyDelete
  6. UnknownApril 5, 2014 at 11:07 AM

    Good efforts....

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more