நொடியில் படிக்க ரெடியா? நொடிக்கதைகள் பகுதி 19.

   டோராவும் புஜ்ஜியும்  
நீதான் டோரா, வருண் தான் புஜ்ஜி! நான் போய் ஒளிஞ்சிக்கிறேன்  மேப் உதவியோடு என்னை கண்டுபிடிப்பீங்களாம்! பக்கத்து வீட்டு சிறுவர்களோடு விளையாடிக்கொண்டிருந்தது குழந்தை



தேர்வு:
       டீச்சர் மும்முரமாக டி.ஈ.டி தேர்வுக்குப் படித்துக் கொண்டிருக்க வகுப்பறையில் விளையாடிக்கொண்டிருந்தனர் பிள்ளைகள்.


விழிப்புணர்வு:
       குட்கா, சிகரெட் விற்கறதில்லைங்க! என்றான் .வாய்ப்புற்று நோயில் பிள்ளையை பறிகொடுத்த பெட்டிக்கடைக்காரன்.

பத்தினி:
     வேலைக்கு கிளம்புகையில் மறக்காமல் கணவனுக்கு குடிக்க குவார்ட்டருக்கு காசு தந்துவிட்டு கிளம்பினாள் அந்த பத்தினி.

தொழில் பக்தி!

     படத்தோட கதை ரொம்ப ஷார்ட்டா இருக்குது! இன்னும் கொஞ்சம் லெந்த்தியா  இருந்தா இன்னும் நல்லா இருக்கும் புது இயக்குனரின் ப்ரிவ்யூ ஷோ பார்த்த சீரியல் இயக்குனர் சொல்லிக்கொண்டிருந்தார்.

திருப்பம்!
    கோடி கோடியாக மந்திரி வீட்டில் சிக்கியது. விசாரணைக் கைதி இறந்ததும் மந்திரிய மறந்தனர் போராளிகளும் மீடியாக்களும்.

சிகிச்சை!
தவறான சிகிச்சையினால் உயிரை விட்டவன் காப்பாற்றிக் கொண்டிருந்தான்
 பல உயிர்களை சிகிச்சை அளிக்காமலேயே!

போராட்டம்!

      காலையிலே இருந்து பேரணி அது இதுன்னு காயற வையில்ல அலைஞ்சி போராடிகிட்டிருக்கோம்! தண்ணி கொடுத்திருவாங்களா? கொடுத்துதான் ஆகனும். இல்லேன்னா விட்டுருவோமா?மனசுக்குள் போராடிக்கொண்டிருந்த போராளி மாலையில் சரக்குக்கு காசு கொடுத்ததும் அப்பாடா தண்ணிக்கு காசு கொடுத்திட்டாங்க! மகிழ்வோடு டாஸ்மாக் கிளம்பினான்.

அலாரம்!
    அலாரம் அடித்ததும் திடுக்கென விழித்து எழுந்து கொண்டான் அபார்ட்மெண்ட் வாசல் கூர்க்கா!

வாட்சப்: 
      இந்த போனில் வாட்சப் இருக்குமாப்பா? என்று திருவிழாவில் வாங்கிய பொம்மை செல்போனைக் காட்டிக் கேட்டது குழந்தை.

செல்ஃபி
      தாலிக் கட்டி முடித்ததும் மணமக்களோடு செல்பி எடுத்து தன் பேஸ்புக் அக்கவுண்டில் 500வது கல்யாணம் என்று அப்லோட் செய்தார் மாடர்ன் புரோகிதர்

ஏமாற்றம்!
     ஏ.டி.எம். மிசினில் கொள்ளையடிக்க வந்த திருடர்கள் மிசினை உடைத்தும் ஒன்றும் சிக்கவில்லை! பணம் இல்லை! பல்லைக்காட்டியது மிசின்.

பய”டேட்டா”
      தேர்தலில் ஜெயிப்பதற்காக வேண்டியவர்களுக்கெல்லாம் 4ஜி டேட்டாவை இலவசமாக டாப் செய்து கொண்டிருந்தார் அந்த கவுன்சிலர் வேட்பாளர்.


நலம் விசாரிப்பு!
     ஒருவாரமாய் காணாமல் போயிருந்த தாத்தா வாட்சப்பிற்கு வந்ததும்
   வந்து குவிந்தன ஏராளமான நலம் விசாரிப்புக்கள்!

தமிழன்!
   சமையல் மாஸ்டர் முதல் கிளினீங் பாய் வரை வெளி மாநில ஆட்களை வைத்து ஓட்டல் நடத்திக்கிட்டு இருக்கியா? சபாஷ்! ஓட்டல் பேரு என்ன?
தமிழன் ஓட்டல்!

டிஸ்கி} கொஞ்சம் கூடுதல் பணி, பத்திரிக்கைகளில் படைப்புக்கள் எழுத முயல்வதால் நண்பர்களின் பதிவுகள் பக்கம் வரவில்லை! பொறுத்துக் கொள்ளுங்கள்! இந்த வாரம் நேரம் எடுத்து வாசித்துவிடுகின்றேன்!

தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!

Comments

  1. ஸ்ரீராம்.September 21, 2016 at 6:24 AM

    சீரியல், பத்தினி ,தொழில் பக்தி உட்பட அனைத்தையும் ரசித்தேன்.

    ReplyDelete
  2. வெங்கட் நாகராஜ்September 24, 2016 at 12:17 PM

    அனைத்தும் ரசித்தேன். பாராட்டுகள்.

    ReplyDelete
  3. Thulasidharan V ThillaiakathuSeptember 24, 2016 at 5:08 PM

    அனைத்தும் ரசித்தோம்....சுரேஷ் அருமை..பாராட்டுகள்

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more