தளிர் ஹைக்கூ கவிதைகள்!

தளிர் ஹைக்கூ கவிதைகள்!

ஈரக்காற்று
உஷ்ணமாகியது உடல்!
பனி!

அழைக்காமலேயே
உள்ளேபுகுகிறது தூசு!
சாலையோர வீடுகள்!

கொத்தி தின்றது காகம்
வலிக்காமல் சிரித்தது
வாசலில் கோலம்!

சுற்றி சுற்றி
தேய்ந்து போனது
நிலவு!

சலனப் பட்டது
வாழ்க்கை இழந்தது
நீர்!

பொறுமையின் மரணத்தில்
ஜனனமாகிறது
கோபம்!

மேகப் பொதிகளை
இறக்கிவிட்டது காற்று
மழை!

தொட்டுவிட துடித்தும்
எட்ட முடிவதில்லை!
வானுயர்ந்த கட்டிடங்கள்!

கண்ணை நோண்டியும்
தன்னைத் தந்தது!
நுங்கு!


பல் முளைத்த வானம்!
பார்க்கவந்தன மின்மினிகள்!
பிறைநிலா!

 ஈர்த்ததும்
 இழந்தன உயிர்!
 பழங்கள்!

 புத்தாடை தரித்தன மரங்கள்!
 பூத்து குலுங்கியது!
 வசந்தம்!


 தடங்கள் அழிபட்டது
 தடுமாறிப்போனது!
 வரலாறு!

 பிம்பம் பிரதிபலிக்கும்
 கண்ணாடிகள்!
 குழந்தைகள்!

 கொஞ்சி மகிழ்கையில்
அஞ்சி ஓடுகின்றன துன்பங்கள்!
குழந்தைகள்!

நகர அழுக்குகள்!
நகரமுடியால் உயிர்விட்டன
நதிகள்!

உறங்கிப் போன விவசாயம்!
உயிர்த்து எழுப்பியது
மழை!




தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி! 

Comments

  1. KILLERGEE DevakottaiJanuary 25, 2016 at 5:26 PM

    அனைத்தும் ரசித்தேன் நண்பரே அருமை வாழ்த்துகள்

    ReplyDelete
  2. கரந்தை ஜெயக்குமார்January 25, 2016 at 6:36 PM

    அருமை
    அருமை
    அனைத்தும்
    அருமை நண்பரே

    ReplyDelete
  3. UmayalGayathriJanuary 25, 2016 at 6:44 PM

    அருமை சகோ

    ReplyDelete
  4. UnknownJanuary 25, 2016 at 6:55 PM

    நுங்கின் தியாகம் கண்டு ,கண் கலங்கி போனேன் :)

    ReplyDelete
  5. வெங்கட் நாகராஜ்January 25, 2016 at 6:59 PM

    ஒவ்வொன்றும் அருமை. பாராட்டுகள் சுரேஷ்.

    ReplyDelete
  6. திண்டுக்கல் தனபாலன்January 25, 2016 at 7:15 PM

    அருமை... அருமை... அனைத்தும்...

    ReplyDelete
  7. ஸ்ரீராம்.January 25, 2016 at 7:55 PM

    ரசித்தேன்.

    ReplyDelete
  8. கவிஞர்.த.ரூபன்January 25, 2016 at 10:03 PM

    வணக்கம்
    ஐயா
    அற்புதமான கவிதை படித்து மகிழ்ந்தேன்.. அருமை
    -நன்றி-
    -அன்புடன்-
    -ரூபன்-

    ReplyDelete
  9. அருணா செல்வம்January 26, 2016 at 12:50 AM

    வரலாறு, நதிகள்.... சூப்பர்.

    ReplyDelete
  10. YarlpavananJanuary 26, 2016 at 4:48 PM

    சிறந்த பகிர்வு

    இந்தியாவின் 67வது குடியரசு நாள் வாழ்த்துகள்!

    ReplyDelete
  11. 'பரிவை' சே.குமார்January 29, 2016 at 12:07 AM

    அழகான ஹைக்கூக்கள்...
    வாழ்த்துக்கள்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more