உழைப்பாளர் தின வாழ்த்துக்கள்!



உழைத்துக் கொண்டே இருப்பவனுக்கு
ஓய்வெடுப்பது பிடிப்பதில்லை!
ஓய்விலும் ஓர் வேலை செய்து
திருப்தி அடைய முயற்சிக்கும் மனசு!

ஒய்வையே எண்ணமாக கொண்டவனுக்கு
உழைக்கப் பிடிப்பதில்லை!
எண்ணற்ற வேலைகள் அவன் முன்னே
குவிந்தாலும் ஏதும் வேலைகள் இல்லை!
என்பான்!
 ஓடிக்கொண்டே இருப்பதுதான் சிலருக்கு அழகு!
 ஓய்வெடுத்தல் அவருக்கு தூரப் பழகு!
  ஓடாமலே ஓரிடத்தில் நிற்பதே சிலருக்கு வழக்கம்!
   ஓடிப்பார்க்க சொன்னால் வந்திருமே வருத்தம்!

சிற்றெரும்புகள் தான் ஆனாலும்
கற்றுக்கொடுக்கின்றன சுறுசுறுப்பை!
காட்டெருமைகளாய் இருந்தாலும்
காட்டுகின்றன சோம்பேறித்தனத்தை!

ஓர் துளி வியர்வை மண்ணில் விழுகையில்
உப்புக்கள் கூட  உழைப்பால்
இனிக்கின்றன!
தேயத் தேயவே பளிச்சிடுகின்றன
இயந்திரங்கள்!
வாழ்க்கையில் கைவிடக் கூடாத ஒன்று உழைப்பு!
உழைப்பை நீ கைவிட்டால்
உயர்வு உன்னை கைவிடும்!
உழைப்புக்கு காலமில்லை!
உழைக்கத் துவங்கிவிட்டால் ஓய்வெடுக்க
நேரமில்லை!

உழைக்கத் துவங்கிவிட்டால் 
மலைகூட கடுகாகும்!
ஓய்வெடுக்க நினைக்கையில்
கடுகும் மலையாகும்!
இருபத்திநாலுமணி நேரமும்
ஓயாது சுற்றுகின்றன முட்கள்!
மூச்சிறுக்கும் வரை துடித்துக் கொண்டே
இருக்கின்றது இதயம்!
நினைவிருக்கும் வரை எதையோ
சிந்தித்துக் கொண்டே இருக்கிறது மூளை!
உயிர் இருக்கிறது! வலிமை இருக்கிறது!
திறன் இருக்க தேக்கம் ஏன் நண்பா!
தயங்காமல் உழைப்போம்!
தலைநிமிர்ந்து நடப்போம்!
அனைவருக்கும் எனது இனிய மே தின நல்வாழ்த்துக்கள்!




தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. கரந்தை ஜெயக்குமார்May 1, 2015 at 8:31 PM

    உழைப்பாளர் தின நல் வாழ்த்துக்கள் நண்பரே

    ReplyDelete
  2. UnknownMay 1, 2015 at 9:14 PM

    என்னையே நினைத்து ,நீங்கள் எழுதி இருக்கும் கவிதையை மிகவும் ரசித்தேன் :)

    ReplyDelete
  3. KILLERGEE DevakottaiMay 2, 2015 at 1:06 AM

    அருமை நண்பரே.
    உழைப்பாளர் தின நல் வாழ்த்துக்கள்

    ReplyDelete
  4. திண்டுக்கல் தனபாலன்May 2, 2015 at 6:55 AM

    // உழைக்கத் துவங்கிவிட்டால் மலைகூட கடுகாகும்... //

    சிறப்பான வரிகள்...

    ReplyDelete
  5. IniyaMay 2, 2015 at 7:10 AM

    உழைப்பும் களைப்பும் உயிரைப் பேணும்
    உயர்வும் உணர்வும் மகிழ்வைக் கூட்டும்

    அருமை அருமை ! உழைப்பாளர் தின வாழ்த்துக்கள் ...!

    ReplyDelete
  6. Dr B Jambulingam, Assistant Registrar (Retd), Tamil UniversityMay 2, 2015 at 10:22 AM

    சுறுசுறுப்பை சிற்றெரும்புகளிடம் கற்றுக்கொள்ளவேண்டும். மே தினத்தில் இதுபோன்ற நல்ல வரிகளைக் கொண்ட கவிதை தந்தமைக்கு நன்றி.

    ReplyDelete
  7. YarlpavananMay 2, 2015 at 6:48 PM

    "உழைக்கத் துவங்கிவிட்டால்
    மலைகூட கடுகாகும்!
    ஓய்வெடுக்க நினைக்கையில்
    கடுகும் மலையாகும்!" என
    அழகாகச் செய்தி கூறும்
    சிறந்த பாவரிகள்

    ReplyDelete
  8. வெங்கட் நாகராஜ்May 3, 2015 at 8:09 PM

    சிறப்பான கவிதை.

    அனைவருக்கும் உழைப்பாளர் தின நல்வாழ்த்துகள்.

    ReplyDelete
  9. Thulasidharan V ThillaiakathuMay 16, 2015 at 6:22 AM

    அருமையான கவிதை! நல்ல வரிகள் நண்பரே!

    ReplyDelete
  10. AnonymousMay 1, 2022 at 1:48 PM

    சிறப்பான உவமைகள். வளர்க

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more