தளிர் சென்ரியு கவிதைகள்!

தளிர் சென்ரியு கவிதைகள்!


காந்தி தேசம் ஆனது
காணாமல் போனது
காந்தீயம்!

சிக்கலான உணவு!
சிக்கிக்கொண்டது!
நூடுல்ஸ்!

வழிகாட்ட வேண்டியவர்
வழிதவறி போனார்!
டிராபிக் ராமசாமி!

வர்ணஜொலிப்பில் ஆறுகள்!
இருண்டுபோனது விவசாயம்!
சாயக்கழிவுகள்!


வாழ்க்கைத் தரம் உயர்கையில்
தாழ்ந்து போனது தராதரம்!
இலவசப் பொருட்கள்!

இலவசமாய் கொடுத்தும்
ஏற்க ஆளில்லை!
அரசுப்பள்ளிகள்!

நகரைச் சுற்றிவந்தன சாலைகள்
நலிந்து போனது
விவசாயம்!


துரிதமாய் புகுந்த நோய்கள்
துவக்கிவைத்தன
துரித உணவுகள்!

பழுக்க வைத்தார்கள்
கரைந்துபோனது பணம்!
கல் வைத்த பழங்கள்!

கல்வைத்தார்கள்
பொலிவிழந்தது உடல்
பழங்கள்!

குளிரூட்டிக்கொண்டிருந்தது
குளிர்விப்பான் உயர்ந்து கொண்டிருந்தது
பூமியின் வெப்பம்!

மலைப்பாம்புகளிடம் சிக்கி
மரணம் அடைகின்றன
அரசுப்பள்ளிகள்!

காலம்காட்டும் கைபேசிகள்
கைவிட்டுப்போயின
கடிகாரங்கள்!


ரெண்டாம் கல்யாணம்
சந்தோஷத்தில் மாப்பிள்ளை!
இடைத்தேர்தல்!

சுமை இறக்கியும்
பாரம் சுமக்கின்றன
அரசுப்பேருந்துகள்!

ஆடு தாண்டிவிட்டது!
ஆறு தாண்டவில்லை!
மேகதாது அணை!

புதுமாப்பிள்ளை வர
பொசுங்கினர் பழைய மாப்பிள்ளைகள்!
இடைத்தேர்தல்!

தங்கள் வருகைக்கு நன்றி! பதிவு குறித்த கருத்துக்களை கமெண்ட்செய்து ஊக்கப்படுத்துங்கள்! நன்றி!



Comments

  1. கவிஞர்.த.ரூபன்June 15, 2015 at 5:19 PM

    வணக்கம்
    ஐயா
    ஒவ்வொரு புதிரும் அருமையாக உள்ளது படித்து இரசித்தேன் பகிர்வுக்கு நன்றி
    -நன்றி-
    -அன்புடன்-
    -ரூபன்-

    ReplyDelete
    Replies
    1. ”தளிர் சுரேஷ்”June 16, 2015 at 2:35 PM

      வணக்கம்! புதிராய் எழுதுவதால் புதிர் என்று பொருள் கொண்டுவிட்டீர்களா? நன்றி!

      Delete
  2. KILLERGEE DevakottaiJune 15, 2015 at 5:46 PM

    அனைத்தும் அருமை நண்பரே வாழ்த்துகள்.

    ReplyDelete
  3. சீராளன் June 15, 2015 at 7:06 PM

    கைக்கூ மணக்குது கவிதை - நல்ல
    கருத்தைத் தெளிக்குது வரிகள்
    மொக்குளே வாழ்வெனும் உண்மை - இந்த
    மூவரிப் பாட்டுக்கும் செழுமை !

    அருமை அருமை தொடர வாழ்த்துக்கள் வாழ்க வளமுடன்

    ReplyDelete
    Replies
    1. ”தளிர் சுரேஷ்”June 16, 2015 at 2:39 PM

      நீண்டநாளுக்குப்பின் வருகை தந்திருக்கும் நண்பருக்கு நன்றி!

      Delete
  4. திண்டுக்கல் தனபாலன்June 15, 2015 at 8:17 PM

    விவசாயம், அரசுப்பள்ளிகள், கடிகாரங்கள் என அனைத்தும் உண்மைகள்...

    ReplyDelete
    Replies
    1. ”தளிர் சுரேஷ்”June 16, 2015 at 2:36 PM

      நன்றி நண்பரே!உண்மைகளைத்தான் இன்றைக்கு கவிதையாக வடிக்க வேண்டிய நிலையாகிவிட்டது!

      Delete
  5. வெங்கட் நாகராஜ்June 15, 2015 at 8:19 PM

    அனைத்தும் அருமை. பாராட்டுகள்.

    ReplyDelete
  6. UnknownJune 15, 2015 at 9:46 PM

    இன்றைய சமுக சீர்கேடுகளை சுட்டிக்காட்டும் சீர்மிகு வரிகள் :)

    ReplyDelete
  7. IniyaJune 16, 2015 at 6:52 AM

    எப்படிப் பாராட்டுவேன் அத்தனையும் முத்துக்களே. வாழ்த்துக்கள் தொடர !

    இப்போ எல்லாம் என் பக்கம் காணமுடியலையே.

    ReplyDelete
    Replies
    1. ”தளிர் சுரேஷ்”June 16, 2015 at 2:34 PM

      சிறிது காலம் வலைப்பக்கம் வரவில்லை! கடந்த மே 21 முதல் ஜூன் 8வரை வலைப்பக்கம் வராததால் சில பதிவுகள் என் கண்ணில் படாமல் போயிருக்கலாம். இதைத் தவிர எந்த காரணமும் இல்லை சகோதரி! பதிவுகளை வந்து பார்க்கின்றேன்! நன்றி!

      Delete
  8. Dr B Jambulingam, Assistant Registrar (Retd), Tamil UniversityJune 16, 2015 at 6:54 AM

    நாம் அந்நியப்பட்டு போவதையும் அதனால் வரும் விளைவுகளையும் அருமையாக எழுதியுள்ளீர்கள்.

    ReplyDelete
    Replies
    1. ”தளிர் சுரேஷ்”June 16, 2015 at 2:37 PM

      தொடர் வருகைக்கும் உற்சாகமூட்டும் கருத்துக்களுக்கும் மிக்க நன்றி ஐயா!

      Delete
  9. Jayakumar ChandrasekaranJune 16, 2015 at 9:23 AM

    மழைக்காலம்
    துளிர்த்தது
    தளிர்

    அனைத்தும் அருமை
    தொடருங்கள்

    --
    Jayakumar

    ReplyDelete
    Replies
    1. ”தளிர் சுரேஷ்”June 16, 2015 at 2:38 PM

      வெயிலிலும் வதங்காது இருக்கவே முயற்சிக்கிறது! பின்னூட்ட ஊற்றிருப்பதால்! நன்றி!

      Delete
  10. S.P.SENTHIL KUMARJune 16, 2015 at 9:56 AM

    //இலவசமாய் கொடுத்தும்
    ஏற்க ஆளில்லை!
    அரசுப்பள்ளிகள்!//

    எல்லாமே அருமை. ஆனாலும் இந்த வரிகள் மிகவும் சிந்திக்க வைத்தன.

    ReplyDelete
    Replies
    1. ”தளிர் சுரேஷ்”June 16, 2015 at 2:39 PM

      நன்றி நண்பரே! தங்கள் தளத்திற்கு வந்து பார்க்கிறேன்!

      Delete
  11. ஊமைக்கனவுகள்June 21, 2015 at 6:50 PM

    தளிர் கனியாகி இனிக்கிறது.

    தொடர்கிறேன்.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்  உடைபட்டுப்போகின்றன க
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.       நம் உடலில் ஏற்படும் சிறு கொப்புளங்கள் போல இந்த வ
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து கொள்வதும் உண்டு
Read more