தளிர் ஹைக்கூ கவிதைகள்!

தளிர் ஹைக்கூ கவிதைகள்!

  மொழி மறந்து
  விழி பேசியது!
  காதல்!

 குழந்தையோடு
விளையாடுகையில் குழந்தையாகிறது
மனசு!

 துள்ளி துள்ளி வந்து
தள்ளி தள்ளி போகிறது
கடல் அலைகள்!

 விழுந்தும்
அடிபடவில்லை!
அருவி!

 புதைந்த நியாபகங்கள்
தோண்டப்பட்டன!
சந்திப்பில்!

 போர்வை விலக்கின
புற்கள்!
கதிரவன் உதயம்!

 பச்சை சேலையில்
வெள்ளை ரோஜாக்கள்!
வயலில் கொக்குகள்!

 தலையில் 
கொள்ளிவைத்துக்கொண்டன!
தெருவிளக்குகள்!

 கண்ணாமூச்சி ஆடியது
கதிரவன்!
மேகம்!

 பிறந்ததும்
விழுந்து இறந்தது!
நீர்க்குமிழி!

 தாய்ப்பாலுக்கு விலைகூட
தள்ளிக் கட்டப்பட்டது!
கன்று!

 நீந்தத் தெரியாது
மூழ்கியது குதிரை!
குளத்தில் நிழல்!


 கழுவிவிட்டது வானம்!
நனைந்தது பூமி!
மழை!

 உள்ளம் குமுறுகையில்
வார்த்தைகளில் வெடிக்கிறது!
கோபம்!

 பறவைகளின் இசையில்
பயிர்களின் நாட்டியம்!
மாலைத் தென்றல்!

 வசதிகள் அதிகமாகையில்
சுருங்கிப் போகிறது!
மனசு!

 ஒடுங்கும் முதுமையில்
ஓடும் குழந்தையாகிறது!
மனசு!

 பாட்டு எசப்பாட்டில்
பயணித்தது இரவு!
பறவைகள்!

 இரவில் பூத்தன
மரங்கள்!
மின்மினி பூச்சிகள்!
டிஸ்கி)  தமிழ்த்தோட்டம் என்ற போரமில் 2011ல் நான் எழுதி பாராட்டுப்பெற்ற சில ஹைக்கூக்களை இங்கு பதிவிட்டுள்ளேன்! சிலவற்றை என் முன் பதிவுகளில் படித்திருக்கலாம்! பொறுத்துக்கொள்ளவும்!  வீட்டம்மா வெளியில் சென்றதால் சுமை கூடியுள்ளது! சிந்தனைக்கு நேரமில்லை! சோறாக்க போகனும் ஹிஹி! நன்றி!

 தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Comments

  1. UmayalGayathriJune 23, 2015 at 5:57 PM

    அனைத்தும் ரசனை...

    ReplyDelete
  2. IniyaJune 23, 2015 at 6:16 PM

    அனைத்தும் அசத்தல் தான் வழமை போல.

    ReplyDelete
  3. கரந்தை ஜெயக்குமார்June 23, 2015 at 6:54 PM

    அருமை நண்பரே
    அருமை
    வாழ்த்துக்கள்

    ReplyDelete
  4. Kasthuri RenganJune 23, 2015 at 7:06 PM

    கலக்குங்கோ
    வாழ்த்துக்கள்

    ReplyDelete
  5. Dr B Jambulingam, Assistant Registrar (Retd), Tamil UniversityJune 23, 2015 at 7:09 PM

    வழக்கம்போல அசத்துகின்றீர்கள். வாழ்த்துக்கள்.

    ReplyDelete
  6. AnonymousJune 23, 2015 at 7:11 PM

    இரவில் பூத்தன
    மரங்கள்!
    மின்மினி பூச்சிகள்!

    // என்னை கவர்ந்தது, மின்மினி பூச்சிகள்!

    ReplyDelete
  7. balaamagiJune 23, 2015 at 7:47 PM

    புகைப்டங்கள் அருமை, அதனினும் அருமையான வரிகள். நன்றி.

    ReplyDelete
  8. தேன்மதுரத்தமிழ் கிரேஸ்June 23, 2015 at 10:52 PM

    எல்லாம் நன்றாக இருக்கிறது சகோ. என்னைக் கவர்ந்த டாப் டூ
    //துள்ளி துள்ளி வந்து
    தள்ளி தள்ளி போகிறது
    கடல் அலைகள்!

    விழுந்தும்
    அடிபடவில்லை!
    அருவி!//

    ReplyDelete
  9. KILLERGEE DevakottaiJune 24, 2015 at 12:08 AM

    இரசித்தேன் நண்பரே அருமை.

    ReplyDelete
  10. கவிஞர்.த.ரூபன்June 24, 2015 at 6:27 AM

    வணக்கம்
    ஐயா
    இரசித்தேன் அருமையாக உள்ளது பகிர்வுக்கு நன்றி
    -நன்றி-
    -அன்புடன்-
    -ரூபன்-

    ReplyDelete
  11. வெங்கட் நாகராஜ்June 24, 2015 at 7:14 AM

    அனைத்துமே அருமை. நாங்களும் ரசிக்க இங்கே பகிர்ந்து கொண்டதற்கு நன்றி.

    ReplyDelete
  12. திண்டுக்கல் தனபாலன்June 24, 2015 at 7:18 AM

    அனைத்தும் அருமை...

    ReplyDelete
  13. Jayakumar ChandrasekaranJune 24, 2015 at 2:36 PM

    //மொழி மறந்து
    விழி பேசியது!
    காதல்!/

    விழி பேசியது
    எந்த மொழி
    காதல்

    //புதைந்த நியாபகங்கள்
    தோண்டப்பட்டன!
    சந்திப்பில்!//

    பிரிந்தோம்
    சந்தித்தோம்
    முகநூலில்

    //இரவில் பூத்தன
    மரங்கள்!
    மின்மினி பூச்சிகள்//

    மரங்களில்
    நட்சத்திரங்கள்
    மின்மினி.

    --
    Jayakumar

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more