நெத்தியடி! ஒரு பக்கக் கதை.

 நெத்தியடி! நத்தம்.எஸ்.சுரேஷ்பாபு.

டாஸ்மாக்கிலிருந்து ஃபுல்லாக குடித்துவிட்டு தள்ளாடியபடி வீட்டுக்குள் நுழைந்த கதிரேசன் கண்களில் அவனது மகன் நரேஷ் தென்பட்டான். கை நிறைய சாக்லேட்களுடன் ஒன்றை உரித்து வாயில் போட்டு சுவைத்தபடி இருந்த நரேஷைப் பார்த்ததும் கதிரேசனுக்கு கோபம் கோபமாக வந்தது.
“டேய் நரேஷ்! இங்க வாடா! உனக்கு எத்தனை தடவை சொல்லியிருக்கேன்?” சாக்லேட்ஸ் அதிகம் சாப்பிடக் கூடாதுன்னு? கை நிறைய சாக்லேட் வச்சிட்டு சாப்பிட்டுக்கிட்டு இருக்கே?”
கொஞ்சம் பம்மியபடி வந்த நரேஷ், ”அப்பா! சாக்லேட்ஸ் எனக்கு ரொம்ப பிடிக்கும்பா!” என்றான்.
”ஆனா சாக்லேட்ஸ் நிறைய சாப்பிட்டா உடம்புக்கு நல்லது இல்லை! பல் சொத்தையாகும், கறைபிடிக்கும்!”
”அப்ப சாக்லேட்ஸ் சாப்பிடக் கூடாதாப்பா?”
”உடம்புக்கு கெடுதின்னு சொல்லிக்கிட்டு இருக்கேன்? நீ சொன்ன பேச்சைக் கேட்க மாட்டியா?”
”அப்ப நம்ம உடம்புக்கு கெடுதி பண்ற எதையும் நாம சாப்பிடக் கூடாது சரியாப்பா?”
“வெரிகுட் டா! கண்ணா! அப்பா சொன்னதை சரியாப் புரிஞ்சுகிட்டு இருக்கிறே? இனிமே சாக்லேட் சாப்பிடறதை விட்டுடு!”
”சரிப்பா! நான் ஒண்ணு உங்ககிட்ட கேட்கட்டுமா?”
“பயப்படாமா கேளுடா ராஜா! என்ன கேட்கப் போறே?”
”சாக்லேட் உடம்புக்கு கெடுதின்னு என்னை சாப்பிடக் கூடாதுன்னு சொல்றீங்க! ஆனா குடிக்கிறது உடம்புக்கு கெடுதின்னு உங்களுக்குத் தெரியாதாப்பா? சொல்லப் போனா சாக்லேட்ஸை விட குடிப்பழக்கம் ரொம்பவே கெடுதி உயிரைப் பறிக்கும்னு எங்க மிஸ் சொல்லி இருக்காங்க! நான் சாக்லேட்ஸ் சாப்பிடறதை விட்டுடறேன்! நீங்க எப்ப குடிக்கிறதை விடப் போறீங்கப்பா!”
மகன் கேட்ட நெத்தியடி கேள்விக்கு பதில் சொல்ல முடியாமல் வாயடைத்து நின்றான் கதிரேசன்.

(கதிர்ஸ் மின்னிதழ் பிரசுரம்)

All r

Comments

  1. வெங்கட் நாகராஜ்August 12, 2024 at 1:08 PM

    நல்ல கேள்வி - அப்பா திருந்தினால் சரி.

    ReplyDelete

Post a Comment

Popular posts from this blog

தேவதை குழந்தைகள்!

Image
குழந்தைகள் தினம்! கள்ளமில்லா அன்பை வெள்ளமாய் தரும் ஜீவன்கள்! கோபம் கூட மறைந்து போகிறது மழலையின் சிரிப்பில்! குழந்தைகள் எழுதும் எழுத்துக்கள் இல்லா சுவர்கள் தூய்மையாக இருந்தாலும் எதையோ இழந்து நிற்கின்றன! குழந்தை பூவாய் மலர்கையில் வாசமாகிறது வீடு குழ்ந்தைகள் தாத்தாவின் முதுகில் குதிரையேற்றம் நடத்துகையில் குழந்தையாகிறார் தாத்தா! கடவுள் கொடுத்த கடவுள் குழந்தை! குழந்தையின் மெத்தென்ற ஸ்பரிசம் பட்டதும் சத்திழக்கின்றன சண்டித்தனம் செய்த சங்கடங்கள்! எதிரியைக் கூட எளிதில் வீழ்த்துகிறது குழந்தையின் சிரிப்பு! அப்பாவோடு ஒட்டிக்கொள்கின்றன பெண்குழந்தைகள்! அம்மாவோடு நெருக்கம் காட்டுகின்றன ஆண்குழந்தைகள்! எதிர்பாலின ஈர்ப்பு! என்றாலும் எல்லாக் குழந்தைகளையும் ஈர்க்கின்றது தாத்தா உறவு!  பிள்ளைகள்  தவழ்கையில் ஈரமாகிறது  பூமி!  கண்ணாடிகளாய்  குழந்தைகள்! நம்மை பிரதிபலிக்கிறது! நல்லதை ஊட்டுவோம் நல்லதை பெறுவோம்! உடைத்தால் சிதறும் பிடிக்க முடியாது! பிடிவாதங்கள்...
Read more

அழிஞ்சில் மரம் தரும் ஆத்ம தத்துவம்!

Image
அழிஞ்சில் மரம் தரும் ஆத்ம தத்துவம்! அழிஞ்சில் மரம் என்பது ஒருவகை மூலிகை மரம். சித்த மருத்துவத்தில் பயன் தரக்கூடிய மருந்துகளுக்கு இந்த மரத்தின் விதைகள், வேர், பட்டைகள் முதலியன பயன்படுகிறது. இதில் ஒருவகை மரம் வேர் அழிஞ்சில்  என்பதாகும்.    ஏறிழிஞ்சி:  ஏறு+ இழிஞ்சி என்பதே இவ்வாறு ஏறிழிஞ்சி என சேர்ந்து புணர்ந்தது. இழிஞ்ச மரத்து விதைகள் கீழே விழுந்து மீண்டும் மரத்தில் ஏறி ஒட்டிக் கொள்ளும் வித்தியாசமான மரமே ஏறிழிஞ்சி. இது தெய்வீக மரமாகும். அழிஞ்சி, அழிஞ்சில், வேர் அழிஞ்சில் என்றும் இந்த மரம் வழங்கப்படுகிறது.   இந்த வேர் அழிஞ்சில் மரமானது பங்குனி, சித்திரை,மாதங்களில் பூத்து குலுங்குகிறது. பூக்கள் நறுமணம் வீசும். நல்ல அழகுடையது. ஆனி மாதத்தில் இதன் காய்கள் பழமாகின்றன. பழுத்த பழங்கள் கீழே விழுகின்றன. விழுந்த விதைகள் சில தேர்ந்தவிதைகள் நகர்ந்து ஏறி அடிமரத்திலும் கிளைகளிலும் ஒட்டிக் கொள்கின்றன. இவ்வாறு மரத்தில் ஒட்டிய விதைக் கூடுகளை பிரித்து எடுக்கவே முடியாது. நூற்றுக்கணக்கான விதைக் கூடுகளை எக்காலத்திலும் பார்க்க முடியும்.      ...
Read more

வார மாத இதழ்களில் உங்கள் படைப்புகள் வரவேண்டுமா? பகுதி 2

 வார மாத இதழ்களில் உங்கள் படைப்புகள் வரவேண்டுமா? பகுதி 2 வணக்கம் அன்பர்களே! சென்ற பகுதியில் வார மாத இதழ்களில் சிறுகதை எழுதுவது குறித்து பார்த்தோம். சிறுகதை இலக்கியத்திற்கு இப்போது பத்திரிகைகளில் பெரிய வரவேற்பு இல்லை. நாவல் என்பது கூட 80 முதல் 100 பக்கங்களுக்குள் குறைந்து போய்விட்டது. அப்படிப்பட்ட சூழலில் சிறுகதை எழுத்தாளர்களுக்கு வாய்ப்புகள் கிடைப்பது சிரமமாகத்தான் இருக்கும். சரி அப்புறம் எப்படி பத்திரிகையில் உங்கள் பெயர் வருவது? நீங்கள் எப்படி சந்தோஷம் அடைவது? அதற்கு நீங்கள் வாசக எழுத்தாளராக துணுக்கு எழுத்தாளராக மாற வேண்டும். இன்று வரும் பிரபல வார மாத இதழ்களில் நகைச்சுவை துணுக்குத்தவிர வீட்டுக் குறிப்புகள், வாசகர் கடிதங்கள், ஆன்மீகக் குறிப்புகள்,கேள்வி பதில், இணையத் துணுக்குகள் என்று ஏராளமான வாய்ப்புகள் வாசக எழுத்தாளர்களுக்குக் கொட்டிக் கிடக்கின்றன.  பத்திரிகையில் எழுத விரும்பும் ஆரம்ப கால எழுத்தாளர்கள் வாசகர் கடிதம், கேள்விபதில் துணுக்கு, ஜோக்ஸ் என்று படிப்படியாக தன்னை வளர்த்துக் கொள்வது வழக்கம். சில வாசகர்கள் வாசகர் கடிதம், கேள்விபதிலோடு தங்கள்  ஆசையை பூர்த்தி செய்து க...
Read more