Saturday, October 31, 2015

பாட்டி சுட்ட ரொட்டி! பாப்பாமலர்!

பாட்டி சுட்ட ரொட்டி! பாப்பாமலர்!


ரொம்ப வருசத்துக்கு முன்னாடி வங்காள கிராமத்துல பாட்டி ஒருத்தங்க வசிச்சு வந்தாங்க. அவங்க ரொம்ப ஏழை! ஏதோ தன்னால முடிஞ்ச வேலைகளை செஞ்சு அதுல வருகிற வருமானத்துல  பிழைச்சு வந்தாங்க.

  ஒரு நாளு அந்த பாட்டி வேலை செஞ்சதுக்கு கூலியா கொஞ்சம் கோதுமை மாவு கிடைச்சுது. பாட்டி அதை பிசைஞ்சு ஒரு ரொட்டி செஞ்சாங்க. அதை ஒரு தட்டில் வைச்சுட்டு ஏதோ வேலையா  திரும்பினாங்க. அப்ப ஒரு காக்கா உள்ளே நுழைஞ்சு அந்த ரொட்டியை தூக்கிக்கிட்டு பறந்துருச்சு! பறந்து போய் பக்கத்தில இருந்த மரத்தில இருந்த கூட்டுல வைச்சுருச்சு.

    ரொட்டியைக் காக்கா தூக்கிப் போனதை பாட்டி பார்த்துட்டாங்க! ”காக்கா! காக்கா! என்னோட ரொட்டியைத் திருப்பிக் கொடுத்திடு!” அப்படின்னு பாட்டி கேட்டாங்க.

     “ தரமுடியாது! நான் சாப்பிடப்போறேன்!” அப்படின்னு சொல்லிருச்சு காக்கா.

  பாட்டி பாவம், பசியோட இருந்தாங்க, திரும்பவும் வேற ரொட்டி செய்ய மாவும் இல்லை! நேரமும் இல்லை. அதனால் காக்கா உக்காந்திருந்த மரத்துக்கிட்டே  “மரமே! மரமே! நான் ரொம்ப பசியாய் இருக்கேன்! காக்கா என்னோட ரொட்டியை தூக்கி வந்து கூட்டுல வைச்சிருக்கு! உன் கிளைகளை அசைச்சு ரொட்டியை கீழ விழ வைச்சு உதவுன்னு!” கேட்டாங்க.

     மரம் மிகவும் அதிகாரமா சொல்லுச்சு! “ நான் ஏன் கிளைகளை அசைக்கணும்! கூட்டை கலைக்கணும்! காக்கா என்னோட பிரெண்டு! நான் கிளைகளை அசைக்கமாட்டேன்!”

   அப்ப அந்த பக்கமா ஒரு மரவெட்டி வந்தாரு. பாட்டி அவருகிட்ட போயி, விறகு வெட்டி! விறகுவெட்டி! என்னோட ரொட்டியை காக்கா தூக்கி வந்துருச்சு! இந்த மரம் கிளைகளை அசைச்சு உதவ மறுக்குது! நீ இந்த மரத்தை வெட்டி அந்த ரொட்டியை கீழே விழ செய்யேன்!” அப்படின்னு கேட்டாங்க.

    விறகு வெட்டி அமைதியா சொன்னாரு. “ நான் எதுக்கு மரத்தை வெட்டனும் இந்த மரம் எனக்கு தீங்கு எதுவும் செய்யலையே?”

   பாட்டிக்கு பசி அதிகமாயிருச்சு! யாரும் உதவலை! அப்ப அந்த மரப்பொந்துதுல இருந்து ஒரு எலி வந்துச்சு! பாட்டி அதுக்கிட்ட போய் , காக்கா என்னோட ரொட்டியை தூக்கி வந்துருச்சு! மரம் கிளையை அசைக்க மறுக்குது! இந்த விறகு வெட்டியும் மரத்தை வெட்டி உதவ மறுக்கிறாரு! நீ அவரோட கோடரிக் காம்பை கடிச்சுப் போட்டுரு!  அப்படின்னு கேட்டாங்க.

   எலி கொஞ்ச நேரம் யோசிச்சுது! அப்புறமா சொல்லுச்சு. இந்த விறகு வெட்டி எனக்கு எந்த தீங்கும் செய்யலை! நான் ஏன் அவர் கோடறியை கடிச்சி பாழாக்கணும்! முடியாது. அப்படின்னு தீர்மானமா சொல்லிருச்சு.

   அந்த சமயம் பார்த்து பூனை ஒண்ணு அந்த பக்கமா வந்துச்சு! பாட்டி பூனைக்கிட்ட போய், பூனையாரே! பூனையாரே ஒரு உதவி செய்யுங்க! என்னோட ரொட்டியை காக்கா தூக்கிண்டு போயி மரத்துல வைச்சுருக்கு மரம் கிளையை அசைக்க மறுக்குது! விறகு வெட்டி மரத்தை வெட்ட மறுக்கிறாரு எலியும் கோடரியை கடிக்கமாட்டேன்னு சொல்லிருச்சு! எலியை நீங்க பிடிச்சிக்குங்க! அப்படின்னு சொன்னாங்க.

    “ நீ சொல்றதுல நியாயம் இருக்குது! ஆனா எலி என்கிட்ட எந்த விஷமும் செய்யலையே! அதை நான் எப்படி கொல்வேன்?” அப்படின்னு சொன்ன பூனை ஓடிருச்சு!

   அந்த சமயம் பாட்டி வளர்த்த நாய் அங்க வந்துச்சு! பாட்டி அதோட முதுகுல தடவிக் கொடுத்து என்னருமை நாய்க் குட்டியே! நீ இந்த பூனையை கொன்னு போட்டுருன்னு சொன்னாங்க!

   உடனே நாய் விறைப்பா தன் வாலை நிமிர்த்துக் கிட்டு  பூனையை துரத்தி போச்சு! நாய் பூனையை நெருங்கவும், பூனை என்னை விட்டுரு! நான் எலியை பிடிச்சிடறேன்ன்னு எலிமேல தாவுச்சு!

   பூனையாரே! என்னை விட்டுடு! நான் கோடரியை கடிச்சு போட்டுடறேன்னு  எலி கோடரியை கடிக்க ஆரம்பிக்க, விறகு வெட்டி, வேணாம் வேணாம்! நான் மரத்தை வெட்டிடறேன்னு சொன்னாரு விறகுவெட்டி.
     ஐயையோ! என்னை வெட்டிறாதே! நான் கிளையை அசைச்சு கூண்டை கலைச்சுடறேன்னு சொல்லுச்சு மரம்.

   மரமே மரமே! அப்படி செய்யாதே! என்னோட கூண்டுல என் குஞ்சுகள் இருக்கு! நானே ரொட்டியை கீழே போட்டுடறேன்னு சொல்லிட்டு ரொட்டியை கீழே போட்டது காகம்.

   பாட்டி அப்பத்தான் கூட்டில சில குட்டி காகங்கள் இருப்பதை பார்த்தாங்க! அதுக்காகத்தான் காக்கா ரொட்டியை எடுத்துப் போயிருக்குன்னு தெரிஞ்சதும் மனசுக்கு கஷ்டமாயிருச்சு!

     காக்கா வருத்தபடாதே! இந்த ரொட்டியை நான் எடுத்துக்கறேன்! உனக்கு என்னோட வீட்டுல இருக்கிற சில தானியங்களை தரேன்னு சொல்லிட்டு வீட்டுக்குள்ளே இருந்து சில தானியங்களை வெளியே போட்டாங்க.
    காகமும் மகிழ்ச்சியா அந்த தானியங்களை பொறுக்கி குஞ்சுகளுக்கு கொடுத்து தானும் தின்னு மகிழ்ச்சியா இருந்தது. பாட்டிக்கும் பசி அடங்கி ரொம்ப சந்தோஷமா இருந்துச்சு!

(நேஷனல் புக் டிரஸ்ட் வெளியிட்ட ஓர் ஆங்கில கதையை என் பாணியில் மாற்றி இறுதியில் சில மாற்றங்களுடன் தந்துள்ளேன். புத்தகத்தில் காப்பிரைட் குறித்து போட்டிருந்தாலும் இந்த கதை மிகவும் கவர்ந்ததால் என் குழந்தைக்கு ரொம்பவும் பிடிச்சதால் என் தளம் வாசிக்கும் குழந்தைகளுக்காக இந்த பதிவு)
 நன்றி: நேஷனல் புக் டிரஸ்ட்

தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!


Thursday, October 29, 2015

கொஞ்சம் சிரியுங்க பாஸ்! பகுதி 52

கொஞ்சம் சிரியுங்க பாஸ்! பகுதி 52


1.   ஜோக் எழுத்தாளரை கல்யாணம் கட்டிக்கிட்டது தப்பா போச்சா ஏன்?
“ எது நடந்தாலும் ‘விட்’டு தள்ளுன்னு சொல்லிட்டு போயிடறாரே!

2.   அந்த கட்சியில சேர்ந்த நடிகை ஏன் கோபமா இருக்காங்க?
உங்களை சேர்த்ததுக்கு அப்புறம் கட்சியோட எடை கூடிப்போயிருக்குன்னு தலைவர் சொன்னாராம்!

3.   கல்யாண வீட்டுல ஒருத்தரை மட்டும் தடபுடலா கவனிக்கறாங்களே என்ன விஷயம்?
சும்மாவா அஞ்சு கிலோ பருப்பை மொய் எழுதி இருக்கிறாராம்!

4.   மன்னருக்கு தொலைநோக்கு பார்வை அதிகம்!
  எப்படி சொல்கிறாய்?
எதிரி எந்த பக்கம் வந்து தாக்குவான் என்று சிந்தித்து தப்பிக்க நிறைய சுரங்க வழிகள் அமைத்திருக்கிறாரே!


5.   தலைவர் ஏன் லிப்டை எப்பவும் உபயோகிக்க மாட்டேங்கிறார்?
  படிப்படியா முன்னேறுவதுதான் அவருக்கு பிடிக்குமாம்!

6.   மன்னா! இளவரசர் இலக்கின்றி சுற்றி திரிகின்றார்…!
  அதனாலென்ன…!
எதிரி மன்னர்களின் இலக்கினை எட்டிவிடுவார்கள் போலிருக்கிறதே மன்னா!

7.   டாக்டர் நீங்க ஆபரேசன் பண்ணதும் நான் பிழைச்சிருப்பேனா?
  அது எனக்குத் தெரியாது ஆனா உங்க பேங்க் பேலன்ஸ் பிழைச்சிருக்காது!

8.   உண்ணாவிரத பந்தலுக்கு தலைவர் வந்ததுமே எல்லாம் தீர்ந்து போச்சு…!
  பிரச்சனையா..?
 நீ வேற பிரியாணி பொட்டலம் தான்!

9.   என் பொண்டாட்டி என்கூட சண்டை போட்டா முகத்தை தூக்கிவைச்சுட்டு ரெண்டு நாளைக்கு பேசமாட்டா!
பரவாயில்லை! என் பெண்டாட்டிக்கூட சண்டைபோட்டா என் முகம் வீங்கி ரெண்டு நாளைக்கு பேச முடியாது!


10.  புலவரே உங்கள் பாட்டில் கூர்மை இல்லை…!
  மன்னா….! உங்கள் வாளில் கூடத்தான் கூர் இல்லை!

11.  அவர் ஒரு சிறந்த குடிமகன்…! நாட்டுப்பற்று அதிகம்..!
  இந்த காலத்துல இப்படி ஒரு மனுஷனா…!
  நீ வேற… டாஸ்மாக் குடியர் பாரின் சரக்கு அடிக்க மாட்டாருன்னு சொல்ல வந்தேன்!

12.  நாட்டில் போர் ஏதும் இல்லையே… மன்னர் எதற்கு இத்தனை பதுங்கு குழிகள் வெட்ட சொல்கிறார்?
  ராணியாரிடம் இருந்து தப்பித்து ஒளிந்து கொள்ளத்தான்!

13. தலைவர் கட்சியை ஒரு கோயிலா நினைக்கிறார்னு எப்படி சொல்றே?
  அடிக்கடி உண்டியலை எடுத்துக்கிட்டு கிளம்பிடறாரே!

14.  என்னது  மயிலாப்பூர்ல நடக்கிற இண்டர்வியுக்கு அடையாறிலே இருந்து நடந்தே போனியா ஏன்?
  வாக் இன் இண்டர்வியுன்னு போட்டு இருந்துச்சே!

15.  எல்லா தலைவர்களும் பேஸ்புக், டிவிட்டர், வாட்சப், கூகுள் என்று அக்கவுண்ட் வைத்துக்கொள்கிறார்கள் நான் கொஞ்சம் சுவிஸ் அக்கவுண்ட் வைத்துள்ளேன்… இதைப்போய் தப்பாய் பேசும் எதிர்கட்சி காரர்களை…..!


16.  அந்த டாக்டர் ஒரு கிரிக்கெட் பைத்தியம்..?

   எப்படி சொல்றே?
 ஆபரேஷன்ல பேஷண்ட் அவுட்டா இல்லையாங்கிறதை மூன்றாவது அம்பயர்தான் செக் பண்ணி சொல்வார்!

17.  ஜெயிலுக்கு போயிட்டு வந்தப்புறம் தலைவரோட பழக்கம் ரொம்ப மாறிப்போயிருச்சா ஏன்?
  காலையில டிபனுக்கு களிதான் வேணும்னு அடம்பிடிக்கிறாராம்!

18.  தலைவர் மக்களோட மக்களா கலந்துட்டார்….!
  அதுக்காக மூணு வயசு குழந்தையோட நடைவண்டியை ஓட்டி பழகுறதெல்லாம் ரொம்ப ஓவரா தெரியலையா…?

19.  மன்னர் போருக்கு சித்தமாய் இருக்கிறார் அல்லவா?
   ஊகும்! சித்தம் கலங்கி பித்தம் பிடித்து உளறிக் கொண்டு அல்லவா இருக்கிறார்…!

20.  பத்து என்றதுக்குள்ள…..
  படத்தை பார்த்திட்டியா எப்படி இருக்கு…!
நீ வேற பத்து மணிக்குள்ள கிச்சனை கிளின் பண்ணி படுக்கலைன்னா வொய்ப் கோச்சுப்பா…!

21. மன்னரின் நடை தளர்ந்திருக்கிறதே என்ன காரணம்?
   அரண்மணை நாட்டியப் பெண்ணின் இடையை மகாராணியிடமே வர்ணித்து வாங்கிக் கட்டிக் கொண்டாராம்!

தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்!
    

    

Tuesday, October 27, 2015

அன்ன தோஷம் போக்கும் அன்னாபிஷேக தரிசனம்!

அன்ன தோஷம் போக்கும் அன்னாபிஷேக தரிசனம்!


தானங்களில் சிறந்தது அன்னதானம் என்று சிறப்பிக்கப்படுகிறது. ஒருவனுக்கு எத்தனைக் கோடி பொன்கொடுத்தாலும் அவன் மனம் மேலும் மேலும் ஆசைப்பட்டு இன்னும் கிடைக்காதா என்று ஏங்கும். அதே சமயம் அன்னத்தை தானமாக அளிக்கையில் வயிறுடன் மனதும் நிறைந்து திருப்தி அடையும். போதும் என்று மகிழ்வாக உரைப்பான். ஆதாலால்தான் அன்னதானம் சிறப்பாக சொல்லப்படுகின்றது.

   உலகில் உள்ள உயிர்களுக்கெல்லாம் உயிராய் செயல்படுவது அன்னம். அத்தகைய அன்னத்தை இறைவனுக்கு அபிஷேகம் செய்விப்பது அன்னாபிஷேகம் என்று சிறப்பாக சொல்லப்படுகின்றது. எத்தனையோ பொருட்கள் இருக்க இறைவனுக்கு அன்னாபிஷேகம் செய்விப்பது ஏன்? எங்கும் நிறைந்திருக்கும் பரம்பொருள் அன்னவடிவில் இருப்பதாக சாமவேதத்தில் கூறப்படுகின்றது. அன்னமும் லிங்க வடிவில் உள்ளது. அன்னத்தால் இறைவனை அபிஷேகிப்பது மிகவும் விஷேசமானது ஆகும்.

    ஒவ்வொரு வருடமும் ஐப்பசிமாதம் அஸ்வினி நட்சத்திரத்துடன் கூடிய பவுர்ணமி தினம் அன்னாபிஷேகத் திருநாள் ஆகும். சந்திரன் அன்றுதான் தனது பதினாறு கலைகளும் ஒளிவீச பூரணச் சந்திரனாக பரிமளிப்பான். அன்றைய தினம் சிவனுக்கு அன்னத்தால் அபிஷேகம் செய்வித்தல் சிறப்பாகும்.

 ஐப்பசி மாதப் பவுர்ணமிக்கு ஒரு சிறப்பு உண்டுஅன்றுதான் சந்திரன் தனது சாபம் முழுமையாகத் தீர்ந்து பதினாறு கலைகளுடன் முழுப் பொலிவுடன் திகழ்கிறான்அது என்ன சாபம்தெரிந்த கதைதான்சந்திரன்அஸ்வினிமுதல் ரேவதி வரையான தனது நட்சத்திர மனைவியருள் ரோகிணியிடம் மட்டும் தனி அன்பு செலுத்தி மற்றவர்களிடம் பாரபட்சம் காட்டியதால்மாமனார் தட்சனால் உடல் தேயட்டும் என்று பெற்ற சாபம்சந்திரனுக்கு ஒவ்வொரு கலையாக தேய ஆரம்பித்ததுஅவன் மிகவும் வருந்திக் கெஞ்சவேதிங்களூரில் சிவனை பூஜித்தால் சாப விமோசனம் கிடைக்கும் என்றார்தட்சன்உடனே அவன் திங்களூர் வந்து சிவனை நோக்கி தவம் செய்யத் துவங்கினான்அவன் மேனியின் ஒளி நாளுக்கு நாள் மங்கத் துவங்கியதுமூன்றே மூன்று கலைகள் மிச்சமிருக்கும் போது சிவனார்அவன்பால் மனமிரங்கி அந்தப் பிறையைத் தனது தலையில் அணிந்து கொண்டார்கொடுத்த வாக்கை மீறிய அவனுக்கு பதினாறு கலைகளும் கிடைக்கப் பெற்றாலும் முழுப்பொலிவும் வருடத்தின் ஒரு நாள் அதாவது ஐப்பசி பவுர்ணமி அன்று மட்டுமே கிடைக்கும்அது மட்டுமல்ல அவனது ஒளி தினமும் தேயும் முழுவதும் மறைந்து பின் படிப்படியாக வளரும்இது எப்போதும் நடக்கும் ஒரு சுழற்சியாக இருக்கும் என்று அருளிச் செய்தார் 

ஆன்மிக ரீதியாக மட்டுமன்றி அறிவியல் ரீதியாகவும் இதற்கு ஆதாரம் இருக்கிறதுஅக்டோபர் (ஐப்பசிமாதத்தில்தான் நிலவுபூமிக்கு மிக அருகில் வந்து தனது முழு ஒளியையும் பூமியை நோக்கி வீசுகிறது என்கிறது வானவியல்நவகிரங்களில் சந்திரனுக்கு உரிய தானியம் அரிசிஇதை உணர்ந்த நமது ரிஷிகள் அந்த மாதத்தில் அன்னாபிஷேகம் செய்வது சிறப்பு என்று கண்டறிந்து அதனை நடைமுறைப்படுத்தினார்கள்.

உணவுஉணவின்றி உயிரில்லைஉயிரின்றி உலகில்லைஅன்னம் எனும் உணவே அனைத்திற்கும் ஆதாரம்.வேதங்கள் அன்னத்தை மிகவும் போற்றுகின்றனதைத்ரீய உபநிஷதம்சாம வேதம் போன்ற ஸ்ம்ருதிகள் அன்னத்தின் புகழைப் பறை சாற்றுகின்றனஅதர்வண வேதத்திலுள்ள அன்னபூர்ணோ உபநிஷத் அன்னத்தின் மேன்மைகளைக் கூறுகின்றதுஅன்னம்  நிந்த்யாத் - அன்னத்தை நிந்தனை செய்யக் கூடாதுஅன்னம் ப்ராணாவோ அன்னம் - எது உயிர் கொடுக்கின்றதோ அதுவே அது இல்லாமல் போனால் அதுவே உயிர் எடுக்கின்றதுஎது ஒன்றை ஒருவர் உண்கின்றாரோ அதுவே அவரை உண்கின்றதுஅஹமன்னம்அஹமன்னம்அஹமன்னம் - அன்னமே இறை வடிவம்மஹேஸ்வரப் பெருமானே அன்னத்தின் வடிவத்தில் இருக்கின்றார்அன்னமே தானாக இருக்கின்றேன் என்று வேதநாயகனே கூறுவதாக வேதங்கள் விளக்குகின்றன.

தெய்வங்களுக்குச் செய்யப்படும் யாகத்தில் அன்னம் மிகப் பெரும் பங்கு வகிக்கும்அந்த அன்னம் மட்டுமே ஹவிர் பாகமாக - தெய்வத்திற்கு உணவாகபெரும் மரியாதையாக செய்யப்படுவதுஹோமத்திற்கான ஹவிர் பாகத்தைப் பெறுவதற்கு என்றும் தெய்வங்கள் தயார் நிலையில் இருப்பார்கள் என்று வேதங்கள் கூறுகின்றன.

  அன்னம் பஞ்ச பூதங்களின் சேர்க்கையால் உருவாவது ஆகும். நிலத்தில் விதைத்து மழையால்  வளர்ந்து, காற்றினால் கதிர்பிடித்து, சூரிய ஒளியினால் முழுமையான வளர்ச்சி அடைகின்றது . இறைவன் பஞ்ச பூதங்களையும் அடக்கி ஆள்பவன். எனவே அவருக்கு அன்னாபிஷேகம் செய்விக்கப்படுகின்றது.

   அன்னாபிஷேக  தினத்தில் முதலில் இறைவனுக்கு மஹா அபிஷேகம் எனும் பல்வேறு திரவியங்களால் அபிஷேகம் செய்விக்கப்படும், பஞ்சகவ்யம், பால், தயிர், தேன், கதம்பபொடி, பஞ்சாமிர்தம், பன்னீர், சந்தனம் முதலிய அபிஷேகங்கள் செய்விக்கப்பட்ட பின் அன்னத்தால் அபிஷேகம் செய்யப்படும்.

  இந்த அபிஷேகம் அன்னத்தால் இறைவனை மூடுவது ஆகும். இறைவனின் உச்சி முதல் பாதம் வரை அன்னத்தால் மூடி அலங்கரிப்பார்கள்.  பிரம்மபாகம், விஷ்ணுபாகம், சிவபாகம் என்று மூன்றுவிதமாக அன்னம் சார்த்தப்படும். இதில் லிங்க உச்சியில் சார்த்தபடும் சாதம் வீரியம் மிக்கது. இதை பின்னர் நீரில் கரைத்துவிடுவார்கள்.
   90 நிமிடங்கள் ஒரு முகூர்த்த காலம் தரிசன நேரமாகும். அப்போது ருத்ர பாராயணம், திருமறைகள் பாடி துதிப்பார்கள். பின்னர் அன்னத்தை கலைத்து பிரசாதமாக தயிர் கலந்து விநியோகிப்பார்கள். அதை உண்ணுகையில் சகலதோஷங்களும் விலகும்.

  அன்னாபிஷேக தினத்தன்று தரிசனம் செய்து அந்த அந்த பிரசாதத்தை உண்ணுவதால் குறிப்பாக அன்னதோஷம் விலகும்.  அன்னதோஷம் என்பது வீட்டில் நிறைய உணவிருந்தும் அன்னம் உண்ண பிடிக்காது ஒருவித வெறுப்பு ஏற்படும். பசியின்மையாக இருக்கும். இந்த தோஷம் அன்னாபிஷேக பிரசாதம் உண்ணுவதால் நீங்கும்.

  மேலும் இந்த பிரசாதத்தை சாப்பிடுவதால் பலவித தோஷங்கள் விலகி புத்திர சந்தானமும் கிட்டும் என்று புராணங்களில் கூறப்பட்டுள்ளது.

   அன்னாபிஷேகதரிசனம் செய்தால் கோடி சிவலிங்க தரிசனம் செய்த புண்ணியம் கிட்டும்.

  தொன்மையான சிவாலயங்களில் அன்னாபிஷேகம் செய்வித்து வழிபட்டால் மழைபொழிந்து கிராமங்கள் சுபிட்சம் அடையும். உணவுத் தட்டுப்பாடு குறையும்
.

  வாடாமல் உயிரெனும் பயிர் தழைத்து ஓங்கிமிக 
அருள் மழை பொழிந்தும் இன்ப 
வாரிதியிலே நின்ன தன் பெனுஞ் சிறகால் 
வருந்தாமலே யணைத்து 
கோடாமல் வளர் சிற்றெறும்பு முதல் குஞ்சரக் 
கூட்ட முதலான சீவ 
கோடிகள் தமக்கு புசிக்கும் புசிப்பினை 
குறையாமலே கொடுக்கும்



இத்தகைய சிறப்பு வாய்ந்த அன்னாபிஷேகத்தை சிவாலயங்களில் தரிசனம் செய்து தோஷங்கள் விலக வழிபடுவோம். பழமையான சிவாலயங்களில் வழிபாடு செய்ய அரிசி, அபிஷேகப் பொருட்கள் முதலியன வாங்கிக் கொடுத்து உதவுவோம். அன்னாபிஷேகம் காண்போம்! அனைத்து தோஷங்கள் விலக்கிடுவோம்!

(படித்ததில் தொகுத்தது)

தங்கள் வருகைக்கு நன்றி! பதிவு குறித்த கருத்துக்களை பின்னூட்டத்தில் தெரிவித்து ஊக்கப்படுத்துங்கள்! நன்றி!
Related Posts Plugin for WordPress, Blogger...