Friday, August 30, 2013

பதிவர் சந்திப்புக்கு ஏன் போக வேண்டும்?

பதிவர் சந்திப்புக்கு ஏன் போக வேண்டும்?


தமிழ் வலைப்பதிவர்களின் இரண்டாம் ஆண்டு சந்திப்பும் பிரபல பதிவர்களின் புத்தக வெளியீடும் வரும் ஞாயிறு அன்று சென்னையில் நடைபெற உள்ளது. பதிவர் சந்திப்பு குறித்து நிறைய பேர் நிறையவும் நிறைவாகவும் எழுதி விட்டார்கள். நேற்று கூட மதுரைத் தமிழன் அவரது பாணியில் சிறப்பாக எழுதி அசத்தி விட்டார்.
    சென்ற வருடம் என்னால் கலந்து கொள்ள முடியவில்லை! இந்த வருடமும் உறுதியாக கலந்து கொள்வேன் என்று சொல்வதற்கு இல்லை! இருந்த போதும் பதிவர் சந்திப்பு குறித்து பதிவு வெளியிட ஆசை! ஆனால் எனது கணிணி பழுது அடைந்ததாலும் பணி சுமையினாலும் உடனடியாக பதிவு வெளியிட வில்லை! இதோ இரண்டு நாள்கள்தான் உள்ளன ஏதாவது பதிவிடா விட்டால் எப்படி? பதிவர் சந்திப்புக்கு எதுவும் உடலுழைப்புதான் செய்ய வில்லை! செய்தியை ஒரு நாலு பேருக்காவது பகிர வேண்டாமா? அதனால்தான் இந்த பதிவு.

    முதலில் இந்த வலைபதிவர் சந்திப்பை இரண்டாவது ஆண்டாக வெற்றிகரமாக நடத்தும் குழுவினருக்கு எனது பாராட்டுக்கள். வலைபதிவர்கள் வலையிலும் முகநூலிலும், டிவிட்டர் போன்றவற்றிலும் எண்ணற்றோர் இருப்பினும் அவர்கள் ஒன்றாக குழுமுவது என்பது ஒரு மகத்தான காரியம். தமிழகம் மட்டுமின்றி உலகம் முழுவதும் விரவிக் கிடக்கும் இந்த பதிவர்கள் ஒருங்கிணைவது முக்கியம். சிதறிக் கிடக்கும் பதிவர்களை ஒருங்கினைக்கும் ஒரு உன்னத முயற்சிதான் பதிவர் சந்திப்பு.
     பல இனங்கள், மொழிகள், உள்ள நாட்டில் வலைபதிவர்கள் தங்கள் ஒற்றுமையை வெளிப்படுத்த உதவும் சிறப்பான பணியினை இந்த சந்திப்பு உருவாக்க கூடும்.
   ஏதோ பொழுது போக்கிற்காக எழுதுகிறோம்! மேம்போக்காக வெளியிடுகிறோம் என்றில்லாமல் பல்வேறு உபயோககரமான செய்திகளை சுவையாக வெளியிடும் சாமான்யர்களின் கூட்டம்தான் பதிவர்கள் சந்திப்பு கூட்டம்.
    சமிப காலமாக கருத்துசுதந்திரம் பறிக்கப்படும் நிலையில் பதிவர்கள் இருக்கும் சமயத்தில் நாம் ஒருங்கினைந்து நமது வலிமையை காட்ட வேண்டிய நிலையில் இருக்கிறோம். அழைப்பு வந்தது இல்லை! என்றில்லாமல் நமது விழா என்று ஒவ்வொரு பதிவரும் இந்த விழாவில் கலந்து கொள்வதோடு விழா நடக்க உறுதுணையாக இருக்க வேண்டும்.
  இந்த பதிவர் சந்திப்பினால் விளையக் கூடிய நன்மை என்ன? பதிவர்கள் என்றொரு இனம் இருக்கிறது வெளியுலகத்தினருக்கு சொல்ல முடிகிறது.இதுவரை பதிவுகளில் மட்டுமே சந்தித்து கொண்டிருந்த பலர் நேரடியாக சந்தித்து உரையாட முடிகிறது. மூத்தபதிவர்களின் கருத்துக்கள் ஆலோசனைகள் தமது பதிவை திறம்பட மேம்படுத்த உதவும்.
    இப்படி ஒன்று கூடுவதால் நம்மிடையே ஒற்றுமையும் சகோதரத்துவமும் நட்பும் ஏற்படுகிறது. வட மூலையிலும் தென் மூலையிலும் மூலைக்கொன்றாய் இருக்கும் நாம் இந்த சந்திப்பில் சந்தித்து நமது கருத்துக்களை பகிர்ந்து கொண்டு அளவளாவி மகிழ முடிகிறது.
  இதெல்லாவற்றையும் விட நமக்கு ஒரு அங்கீகாரம் கிடைக்கிறது. புதிய நட்புகள் கிடைக்கிறது. மகிழ்ச்சி கிடைக்கிறது. இது போதாதா?
    லாபம் நட்டம் பார்க்காமல் ஒன்றுகூடுவோம்! வென்று காட்டுவோம் நண்பர்களே!

பதிவர் சந்திப்பு குறித்த மேலதிக தகவல்களுக்கு இங்கே செல்லவும்!



டிஸ்கி: இவ்வளவு சொல்லி விட்டு நீங்கள் வராமல் இருந்தால் எப்படி? என்பவர்களுக்கு கட்டாயம் வர முயற்சிக்கிறேன்! என்பதே என்பதில்! சிக்கலில் இருந்து விடுபட்டு வர சற்று தாமதமாகலாம் என்று நினைக்கிறேன்!



Thursday, August 29, 2013

புகைப்பட ஹைக்கூ 47

புகைப்பட ஹைக்கூ 47


உறைவிடம் இல்லாதவர்களிடம்
உறைந்து கிடக்கிறது
அன்பு!

வற்றிய பூமியில்
ஊற்றெடுத்தது
வற்றாத பாசம்!

நடைபாதையில்
நடப்பட்டது
அன்பு!

ஒளிந்து கொண்ட
பாசம் வெளிப்பட்டது
நடைபாதை சிறுவர்கள்!

உடை இல்லாவிட்டாலும்
தடைபடவில்லை பாசம்
வீதியில் சிறுவர்கள்!

பாச நிழலில்
இளைப்பாறியது
குழந்தை!

வறுமையிலும்
வளர்ந்து நிற்கிறது
பாசம்!

ஊட்டி வளர்க்கப்படுகிறது
குழந்தைமட்டுமல்ல
பாசமும்!

நிறம் கருத்தாலும்
நீர்த்துப்போகவில்லை!
பாசம்!

ஏழையானாலும்
ஏழையாகவில்லை!
பாசம்!

விலையில்லா பொருள்
விளைந்தது
சிறுவனிடம்!

தேடினாலும் கிடைக்காது
தேக்கி வைத்த பாசம்
இயந்திர உலகில்

பொங்கிய மகிழ்ச்சியில்
வீங்கி உடைந்தது
பாசம்!

அள்ளி அணைத்ததும்
அடைபட்டது
அன்பு!

கொடுக்க கொடுக்க
குறையாது
அன்பு!

நீரூற்றாமலே
வேரூன்றியது
அன்பு!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்! நன்றி!

Wednesday, August 28, 2013

கண்ணன் பிறந்த நாள் கிருஷ்ண ஜெயந்தி!

கிருஷ்ணஜெயந்தியன்று காலை லட்சுமியின் அம்சமான பசுவுக்கு உணவளிக்க வேண்டும். பூஜை அறையில் கண்ணன் படம் அல்லது விக்கிரகம் வைத்து அலங்காரம் செய்து, இருபுறமும் குத்துவிளக்கேற்றி, நடுவே பூஜைப் பொருட்களான தேங்காய், வெற்றிலைப் பாக்கு, பூ, பழம் வைக்க வேண்டும்கண்ணன் குழந்தை பருவத்தில் வெண்ணெய் திருடி உண்டு மகிழ்ந்தார் இதனால், கிருஷ்ணஜெயந்தியன்று அவருக்கு மிகவும் பிரியமான பால், தயிர், வெண்ணெய், அவல், நாவற்பழம், கொய்யாபழம், விளாம்பழம், வாழைப்பழம் போன்ற பழங்கள் மற்றும் வெண்ணெய் சர்க்கரை கலந்த நவநீதம் என்னும் கலவையை நிவேதனமாகப் படைக்க வேண்டும் வெல்லச்சீடை, உப்பு சீடை, முறுக்கு, லட்டு, மைசூர்பாகு, தேன்குழல், மனோகரம், திரட்டுப்பால், பர்பி போன்றவற்றையும் படைக்கலாம். 

அன்று காலையில் இருந்து ஸ்ரீமந் பாகவதம், கிருஷ்ணாஷ்டகம், கிருஷ்ணன் கதைகள் படிக்க வேண்டும். துவாதச மந்திரமான ஓம் நமோ பகவதே வாசுதேவாய என்னும் மந்திரத்தை 108 முறை ஜெபித்து, மலர்களை அவரது படத்திற்கு தூவ வேண்டும். தூப தீபம் (பத்தி, கற்பூர ஆரத்தி) காட்ட வேண்டும். பாகவதத்தில் கண்ணனின் பிறப்பை விவரிக்கும் தசம ஸ்கந்தம் எனப்படும் பத்தாவது அத்தியாயத்தை ஒருவர் படிக்க, குடும்பத்தில் மற்றவர்கள் கேட்க வேண்டும். இதனால் பகவான் கிருஷ்ணரின் ஆசீர்வாதம் நமது இல்லத்திற்கும், உள்ளத்திற்கும் கிடைக்கும். கிராமங்களில் மாலை வேளையில்தான் கிருஷ்ண ஜெயந்தி பூஜை செய்வார்கள். வீட்டில் பூஜையும் நைவேத்தியமும் செய்து முடித்தபிறகு அருகே உள்ள கண்ணன் ஆலயத்துக்குச் சென்று இறைவனை வணங்கி, அங்கு நடத்தும் உறியடி, வழுக்கு மரம் ஏறுதல் ஆகியவற்றைக் கண்டு மகிழ்வது சிறப்பு. 

பலன்: கிருஷ்ண ஜெயந்தியன்று பிள்ளை பேறு இல்லாதவர்கள் ஸ்ரீமத் பாகவதத்தில் உள்ள தசம ஸ்காந்தம் படித்து பாராயணம் செய்தால், அழகான ஆண் குழந்தை பிறக்கும் என்னும் நம்பிக்கை இன்றும் உள்ளது. கிருஷ்ண ஜென்ம பூமியான மதுரா வாழ் மக்கள், அன்று இரவு முழுவதும் கண் விழித்திருந்து பூஜை செய்வார்கள். யமுனை நதியின் ஒரு கரையில் மதுராவும், மறு கரையில் கோகுலமும் அமைத்துள்ளது. அதனால், அன்று யமுனைக்கு ஆரத்தி காட்டி பூஜை செய்வார்கள்.

கிருஷ்ண ஜெயந்தியன்று தன்னை அழைக்கும் பக்தர்களின் வீட்டிற்கு கண்ணன் வருவார் என்பது பக்தர்களின் நம்பிக்கைஎனவே கிருஷ்ண ஜெயந்தியன்று, வீட்டைச் சுத்தப்படுத்தி, அலங்கரித்து, குழந்தை கண்ணனை வர வேற்கும் விதத்தில்வீட்டு வாசலில் இருந்து பூஜை அறை வரையில், சின்னக்கண்ணன் நடந்து வருவது போல், அவனது பாதச்சுவடுகளை கீழே கொடுக்கப்பட்டுள்ள ஸ்ரீ கிருஷ்ணபாதம் கூறிக்கொண்டே மாக்கோலமிட்டு வரவேற்கலாம்இதனால், கண்ணனே நேரில் நம் வீட்டுக்கு எழுந்தருள்வதாக ஐதீகம். ஆயர்பாடியில் கண்ணனை வரவேற்க சித்திரகோலம் (ரங்கோலி), மலர் அலங்காரம், பூக்கோலம் இடுவர். அதை நமது இல்லங்களிலும் செய்து கிருஷ்ணரை வரவேற்க வேண்டும். இதனால் கண்ணனே தன் திருப்பாதங்களைப் பதித்து நடந்து வந்து, பூஜை அறையில் நாம் வைத்துள்ள நைவேத்திய பட்சணங்களை ஏற்றுக்கொள்கிறார் என்பதாகும். 
 


கண்ணனின் லீலைகளை தேவர்களும் செய்ய முடியாது. கிருஷ்ணன் தேவர்களுக்கும் தேவன்ஒரு கோபி தயிர், பால், வெண்ணெய் விற்கப் புறப் பட்டாள். கண்ணன் மீதுள்ள அன்பில் தன் உணர்ச்சி யையும் இழந்துவிட்டாள்அதனால்வாங்கலையோ தயிரு என்று சொல்ல மறந்துவிட்டாள். அவள் புத்தியில் மாதவன்  குடிகொண்டிருந்ததால்வேண்டுமா? கோவிந்தன் வேண்டுமா? என்று முழங்கிவிட்டாள். சூதுவாது தெரியாத கோபி பதினான்கு உலகிற்கும் நாதனாகிய கண்ணனைப் பானையில் எடுத்து வந்து, கண்ணன் அன்பில் தன்னையும் மறந்து, அவ்வளவு ஆழ்ந்திருந்தாள்! என்ன சொல்லுகிறோம் என்ற உணர்ச்சியே அவளுக்கு இல்லை. கண்ணன் காதில் இது விழுந்தது. உடனே அவன்இவள் பொல்லாதவள். என்னையே விற்கப் புறப்பட்டுவிட்டாளே! என்று நகைத்தான். அந்தக் கோபி சென்ற வழியில் கண்ணன் தோன்றி னான். அவளிடம்நான் கோகுல அரசன். எனக்கு வெண்ணெய் தா என்றான். அன்பு மிகுதியால் சில சமயங்களில் குறும்பு செய்யத் தோன்றும். கோபியின் இருதயத்தில் அன்பு ததும்பியிருந்தது. அவள் கண்ணனைக் கோபமூட்டுகிறாள்நீ எப்படி கோகுலத்தின் ராஜா? கோகுலத்தின் அரசன் பலராமனல்லவா? நான் அவனுக்குத்தான் வெண்ணெய் கொடுப்பேன். உனக்குக் கிடையாது. நந்தகோபன் இந்தக் கரிக்கண்ணனை எங்கிருந்துதான் தூக்கி வந்தாரோ! நந்தபாபா எவ்வளவு சிவப்பு? நீ வெறும் கரி! என்று வேண்டுமென்றே சீண்டினாள். கண்ணன் கோபியின் புடைவையைப் பிடித்துக் கொண்டிருக்கிறான். அவள்என்னை விடுடா, நான் போகணுமடா. என் பால், தயிர் எல்லாம் சிந்திக் கொட்டிப் போகும். என் மாமியார் என்னைக் கோபிப்பாள் என்றாள். கண்ணன் விடவில்லை. கோபி ஒரு மோதுமோதி புடைவையை விடுவித்துக் கொண்டு புறப்பட்டு விட்டாள். சற்று தூரம் போய்த் திரும்பிப் பார்த்தாள். கண்ணன் கோபம் கொண்டு நிற்கிறான். அவளுக்குத் தாங்கவில்லை. ஓடிவந்துஉனக்கு வெண்ணெய் கொடுக்கிறேண்டா, கற்கண்டு கொடுக்கிறேன். என் தவறை மன்னித்துவிடப்பா என்கிறாள். கண்ணன்ஒன்றுமே வேண்டாம், போ என்றதும், திரும்பி அவள் புறப்பட்டுச் செல்கிறாள். சற்று தூரம் சென்றதும் கண்ணன் ஒரு கல்லைத் தயிர்ப் பானை மீது எறிந்தான். பானை உடைந்துவிட்டது. 

இந்த மாதிரி லீலை வேறு எந்தத் தெய்வமாவது செய்ய முடியுமா? ஸ்ரீகிருஷ்ணன்எல்லோ ருடைய கணவன் என்றும் சொல்லுகிறான். கண்ணன் உடனே வீடு திரும்பி, ரொம்ப அமைதியுடன் யசோதையின் மடியில் ஒளிந்து கொண்டான். சற்று நேரத்தில் அந்த கோபியும் வந்து சேர்ந்தாள். அவள் பாலகிருஷ்ணனைப் பற்றிக் குற்றம் சொன்னாள்.   குழந்தைக்கு ரொம்பவும் செல்லம் தருகிறீர்கள். அதனால்தான் அவன் இத்தனை வம்பு செய்கிறான். இன்று அவன் என் தயிர்ப் பானையை உடைத்து, என் துணிகளைப் பாழாக்கிவிட்டான். தயிர் கொட்டி வீணாகப் போயிற்று என்றாள். பாலன்அவளைப் போகச் சொல்லு. எனக்குப் பயமாக இருக்கிறது. அவள் போகட்டும், பிறகு நான் உன்னிடம் உண்மையைச் சொல்கிறேன் என்றான்பிறகுஅந்த கோபி ஒரு பெரும் லோபி. இரண்டு மூன்று நாளாகப் புளித்து, கெட்டுப் போன பழைய தயிரை விற்க எடுத்து வந்திருந்தாள். அவள் இவ்வளவு மோச மான தயிரை விற்கக் கொண்டு போவது நல்லதா, சொல்லு. யாராவது ஏழை எளியவர் அதை வாங்கிச் சாப்பிட்டு நோய் வந்தால்...? அதற்கா கவே நான் அவள் தயிர்ப் பானையை உடைத் தேன். நான் ஆரோக்கிய பிரசார மண்டலத்தின் தலைவன் அல்லவா....? என்கிறான். யசோதை அந்த கோபியை அழைத்துஇம்மாதிரி கெட்டுப் போன தயிரை விற்கலாமா? என்று கடிந்து அதட்டினாள்கோபி உடனே சிரித்தாள்கிருஷ்ணன் பேச்சில் கை தேர்ந்தவன்தான்! என்றாள். தயிர்ப் பானையை உடைத்தாலும் கிருஷ்ணன் மீது அவள் குறைப்படவில்லை. வழியே போய்க் கொண்டிருக்கும் பெண்ணைப் பிடித்து இழுத்து, தயிர்ப் பானையையும் உடைக்கக்கூடிய வேறு தெய்வம் ஏதேனும் உண்டாமற்றவர்கள்இம்மாதிரி செய்தால் நமக்கு அடி கிடைக்கும் என்று அஞ்சுவார்கள்யாரும் பூஜை செய்து உபசாரம் செய்ய மாட்டார்கள் என்றும் சொல்வார்கள். ஸ்ரீகிருஷ்ணனுடைய இனிமையான லீலைகள் தெய்விகமானவை. மிக அற்புதமானவை.மற்ற தெய்வங்கள் தங்கள் கையில் அஸ்திர, சஸ்திர, ஆயுதங்கள் ஏந்திக் காட்சி தருகிறார்கள். ஒருவர் கையில் சுதர்சனம் இருக்கிறது. இன்னொருவர் கையில் அம்பும் வில்லும் இருக்கின்றன. மற்றொருவர் கையில் திரிசூலம்கண்ணன் கையில் ஆயுதமே கிடையாது. அவன் ஒரு கையில் புல்லாங்குழலும், ஒரு கையில் வெண்ணையும், கற்கண்டும்தான் வைத் திருக்கிறான். அந்த தெய்வம் நம் அனைவரையும் காக்கட்டும்.

நன்றி: தினமலர்
Related Posts Plugin for WordPress, Blogger...