Thursday, May 31, 2012

குழப்பமின்றி மின் கட்டணம் கணக்கிடுவது எப்படி?

புதிய மின் கட்டண முறையில், வீட்டு இணைப்பு நுகர்வோர் குழப்பமின்றி கட்டணம் செலுத்துவதற்கான விவரங்களை, தமிழ்நாடு மின் வாரிய ஜனதா தொழிலாளர் சங்கம் வெளியிட்டுள்ளது.

குழப்பம்:புதிய மின் கட்டண முறைகளை, தமிழக அரசு, ஏப்ரல் முதல் அமல்படுத்தியுள்ளது. இதில் வீடுகளுக்கான கட்டணம், பலவித அடுக்கு முறைகளை கொண்டுள்ளதால், எத்தனை யூனிட்டுகளுக்கு, எவ்வளவு கட்டணம் என, நுகர்வோர் குழப்பமடைகின்றனர்.இந்நிலையில், தமிழ்நாடு மின் வாரிய ஜனதா தொழிலாளர் சங்கத்தின் சார்பில், சென்னை மண்டல அமைப்பாளர் சுதர்சனம் மற்றும் காஞ்சி மாவட்டச் செயலர் வரதராஜன் ஆகியோர், புதிய மின் கட்டண விவரங்களை, கையடக்க அட்டைகளாக அச்சடித்து, மின் நுகர்வோருக்கு இலவசமாக வழங்குகின்றனர்.

கட்டண முறை:
வீடுகளுக்கான மின் கட்டண கணக்கீட்டு முறை குறித்து, அதில் கூறியிருப்பதாவது:நூறு யூனிட்கள் வரை பயன்படுத்துவோர், 20 ரூபாய் நிலைக் கட்டணத்துடன், யூனிட்டுக்கு 1 ரூபாய் வீதம், மின் கட்டணம் செலுத்த வேண்டும். 101 யூனிட்டுகளுக்கு மேல், 200 யூனிட்டுகள் வரை பயன்படுத்துவோர், 20 ரூபாய் நிலைக் கட்டணத்துடன், யூனிட்டுக்கு 1 ரூபாய் 50 பைசா வீதம், மின் கட்டணம் செலுத்த வேண்டும்.

இருநூறு யூனிட்டுகளுக்கு மேல், 500 யூனிட்டுகள் வரை பயன்படுத்துவோர், 30 ரூபாய் நிலைக் கட்டணத்துடன், முதல் 200 யூனிட்டுகளுக்கு, யூனிட்டுக்கு 2 ரூபாய் வீதமும், 201வது யூனிட் முதல், ஒரு யூனிட்டுக்கு 3 ரூபாய் வீதமும் கட்டணம் செலுத்த வேண்டும்.இதேபோல், 500 யூனிட்டுகளுக்கு மேல் பயன்படுத்துவோர், 40 ரூபாய் நிலைக் கட்டணத்துடன், முதல் 200 யூனிட்டுகளுக்கு, யூனிட்டுக்கு 3 ரூபாய் வீதமும், 201வது யூனிட் முதல், 500வது யூனிட் வரை, யூனிட்டுக்கு 4 ரூபாய் வீதமும், 501வது யூனிட் முதல் ஒரு யூனிட்டுக்கு, 5 ரூபாய் 75 பைசா என கணக்கிட்டு, மின் கட்டணம் செலுத்த வேண்டும்.

வீடுகளுக்கு புதிய கட்டண விபரம்
யூனிட்               கட்டணம்                                           யூனிட்               கட்டணம்
  0                      -    20                                                            550                         2128
100                          120                                                         600                          2415
150                         245                                                          650                         2703
200                         320                                                          700                          2990
250                          580                                                         750                          3278
300                          730                                                         800                           3565
350                          880                                                        850                          3853
400                         1030                                                        900                          4140
450                         1180                                                       950                           4428
500                          1330                                                       1000                        4715

தகவல் உதவி} தினமலர்.

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்யலாமே!
 

ரியாலிட்டி ஷோக்களும்! ரீல் விடும் டீவீக்களும்!

ரியாலிட்டி ஷோக்களும்! ரீல் விடும் டீவீக்களும்!

ஒரு காலத்தில் தமிழ் தொலைக்காட்சிகள் ரியாலிட்டி ஷோக்கள் என்றால் என்னவென்றே தெரியாத நிலையில் இருந்தது.அரைத்தமாவையே அரைத்துக் கொண்டு மெகாத் தொடர்கள் என்ற பெயரில் குடும்பத் தலைவிகளை அழவைத்துக் கொண்டு இருந்த நிலையில் விஜய் டீவி ஸ்டார் குருப் வசம் கை மாறியது. அந்த சமயத்தில்தான் முதல் ரியாலிட்டி ஷோவாக ஜோடி நம்பர் 1 உருவானது.இந்த ஷோவிற்கு மக்களிடையே நல்ல வரவேற்பு கிடைக்கவே சூப்பர் சிங்கர் ஜூனியர் சூப்பர் சிங்கர், என்று ரியாலிட்டி ஷோக்களை துவங்கியது விஜய் டீவி!
       விஜய் டீவியை பார்த்து சன்னும் மற்ற சேனல்களும் ரியாலிட்டி ஷோக்களை துவக்க ஆரம்பித்தன. சன்னில் அசத்த போவது யாரு? விஜயின் கலக்க போவது யாரு? வின் அப்பட்டமான காப்பியாக அமைந்தது. சன்னுக்கு போட்டியாக கலைஞர் டீவி உதயமானதும் மானாட மயிலாட ஆரம்பித்தது. இதுவும் ஜோடி நம்பர் 1ன் பாதிப்பில் விளைந்த ஒன்றுதான்!
    இந்த ஷோக்களை சுவாரஸ்யமாக்க டீவிக்கள் செய்யும் விசமங்கள்தான் ஷோக்களை பரபரப்பாக மாற்றுகிறது. உண்மையில் இந்த ஷோக்களால் மக்களுக்கு ஒரு லாபமும் இல்லை! ஆனாலும் வியாபார நோக்கில் அதிக டீ.ஆர். பி ரேட் அள்ள எதையாவது செய்து ஷோக்களை பிரபல படுத்த முயற்சிக்கின்றன ஒவ்வொரு சேனல்களும். இதில் முதலில் நடந்த கூத்து எல்லோரும் அறிந்ததே! விஜய் டீவியில் சிம்புவிற்கும் பிரித்வி ராஜிற்கும் ஒரு சண்டையை உருவாக்கி தீப்பற்றி கொள்ள வைத்தார்கள். அதனால் அந்த சீசன் களை கட்டியது. சூப்பர் சிங்கரிலும் நன்றாக பாடுபவர்களை ஏதாவது காரணம் காட்டி ஒதுக்கிய சைலஜாவை எதிர்த்து ஒருவர் குரல் கொடுக்க வைத்தார்கள் எனவே அந்த ஷோ களை கட்டியது.

    அந்த பாணியில் மானாட மயிலாடவும் வெற்றி நடை போடுகிறது. இதில் கலாமாஸ்டர் வாடா போடா என்று அழைத்து ப்ளெஸ் பண்ணுவதும் பாராட்டுவதும் சகிக்கமுடியவில்லை! நடனத்தை பற்றி என்ன தெரியும் என்று குஷ்புவையும் நமீதாவையும் ஜட்ஜாக்கி வைத்திருக்கிறார்கள் என்றும்  புரியவில்லை! அவர்கள் ஆடுபவர்களை ஓகோ எனப் புகழ்வதும் கட்டி அணைப்பதும் பிளையிங் கிஸ் கொடுப்பதும் ஒரே கண்றாவி!விஜய் டீவியில் தற்போது நீயா நானாவில் பவர்ஸ்டாரை கூப்பிட்டுவைத்து கலாய்க்க அந்த டீவியின் டீபிஆர் எகிறியது.
    இதையெல்லாம் மிஞ்சி விடுகிறது நிர்மலா பெரியசாமி நடத்தும் ஜீ டீவி ரியாலிட்டி ஷோ! சொல்வதெல்லாம் உண்மை என்ற பெயரில் நடக்கும் இந்த நிகழ்ச்சி மிகுந்த பரபரப்பை ஏற்படுத்தி வருகிறது குடும்பத்தில் நடக்கும் சண்டைகளை தீர்க்கும் மத்தியஸ்தராக இவர் இருக்கிறார். குறைகளை கேட்பதிலும் நியாயங்களை சொல்வதிலும் சரி அந்த கம்பீரம் ஓக்கே தான்! ஆனால் நாலு சுவற்றுக்குள் முடிய வேண்டிய விசயங்களை இப்படி பப்ளிக் செய்து ஆகவேண்டிய காரணம் என்ன என்பது தான் புரியவில்லை!
     இந்த ஷோவில் வரும் எல்லா ஆண்களும் கொடுமைக் காரன்களாக குடிகாரர்களாக இருப்பதுதான் மகா கொடுமை! கணவனுடன் சேர மறுக்கும் மனைவி! தகப்பனுடன் பேச மறுக்கும் மகள்! ஓடி வந்த காதல் ஜோடிகள்! என சுவாரஸ்யமாகத்தான் இருக்கிறது! ஆனால் இதிலும் உண்மை இல்லை என்று கடந்த வாரம் ஒளிபரப்பான நிகழ்ச்சியை பார்த்த போது தான் தெரிந்தது. ஒரு காதல் ஜோடிகளை வைத்துக் கொண்டு அவர்கள் பெற்றோர்களுடன் பேசிக் கொண்டிருக்கும் போதே போலீஸ் உள்ளே நுழைய அதையும் படம் பிடித்து பரபரப்பாக்கியது தொலைக் காட்சி!
    போலீஸ் எப்படி ரியாலிட்டி ஷோ நடக்கும் சமயம் உள்ளே நுழையும்? ஷோ நடப்பது முன் கூட்டியே தெரிந்திருக்குமா? தெரிந்து இருந்தாலும் ஷோவின் இடையில் உள்ளே நுழையவேண்டிய அவசியம் என்ன யோசித்துப் பாருங்கள்!
    இது அத்தனையும் டி ஆர். பி எனப்படும் அதிக பார்வையாளர்களை கவர்வதற்காக செய்யப்படும் தந்திரங்கள்! இப்படி பரபரப்பாக்கி அந்த நிகழ்ச்சிகளை பார்க்காத சிலரையும் பார்க்கத் தூண்டும் தூண்டில்கள்! நாம் தான் ஏமாளிகள்! ஏமாந்து கொண்டு அவன் நன்றாக ஆடுவான் பாவம் தோற்றுவிட்டான்! இவ நல்லா பாடுவாளே ஏன் இன்னிக்கு இப்படி பண்ணிட்டாள்? என்று நம் மண்ண்டையை காச்சிக் கொள்கிறோம்.

   இத்தனை ஷோக்களில் ராஜ் டீவி நடத்தும் ஒரு ஷோ கொஞ்சம் பார்க்க கூடியதாக இருக்கிறது தமிழுக்கு கொஞ்சம் சேவை செய்வதாகவும் இருக்கிறது. புதியதோர் கவிஞன் செய்வோம் எனும் அந்தநிகழ்ச்சி புதிய பாடலாசிரியர்களை தேடும் நிகழ்ச்சி. முதல் சில சுற்றுக்களை விசாலி கண்ணதாசன் நடத்தினார். அவர் சிரித்து சிரித்தே போட்டியாளர்களை தேர்வு செய்து விட்டார். பின்னர் கபிலன், அறிவுமதி ஆகியோர் உடன் வந்து சிலரை நீக்கினார்கள் இப்போது விசாலிக்கு பதில் ரோகிணி வந்துள்ளார். அவர்களுடன் அறிவுமதியும் கபிலனும் இணைந்து வெற்றியாளர்களை தேடுகிறார்கள். நிறைய கவிஞர்கள்! பலர் கிராமங்களில் இருந்து வந்தவர்கள். அவர்களின் கவித்திறமை வியக்க வைக்கிறது. பலர் பாமரர்களாக உள்ளனர். ஆனாலும் பாடல்களை எழுதி பாராட்டு பெறுகின்றனர். இடை இடையே அறிவுமதியும் கபிலனும் தங்கள் அனுபவங்களை பகிர்வது இன்னும் சிறப்பாக உள்ளது. பார்க்க தூண்டும் ஒரு நிகழ்ச்சி! இதுவாவது மக்களை ஏமாற்றாமல் இருக்கட்டும்!

தங்கள் வருகைக்கு நன்றி! பதிவு குறித்த கருத்துக்களை பகிரலாமே!


புகைப்பிடிக்காதே! அம்பரீஷூக்கு ரஜினி அட்வைஸ்!



  புகை பிடிக்காதே! அம்பரீஷூக்கு ரஜினி அட்வைஸ்!

கன்னட நடிகர் அம்பரீஷீன் 60வது பிறந்த நாள் விழா பெங்களூரில் நடந்தது. விழாவில் தமிழ் தெலுங்கு இந்தி, கன்னடம் என ஏராளமான நடிக நடிகையர்கள் கலந்து கொண்டு அம்பரீஷின் 40 ஆண்டுகால சினிமா சாதனைகளை பட்டியலிட்டு பேசினர். விழாவில் சூப்பர் ஸ்டார் ரஜினிகாந்த் கலந்து கொண்டு அம்பரீஷிடம் புகைப் பிடிப்பதை விட்டுவிடுமாறு கேட்டுக் கொண்டார்! விழாவில் ரஜினி பேசியது அம்பரீஷ் திறமையான நடிகர். அவரிடம் கிருஷ்ணர், பீமன், சகுனி, துரியோதனன் அம்சங்களைப் பார்க்கிறேன். சமையலில் பீமனுக்கு நிகர் அவர். பிரியாணி சாப்பிடுவதற்காக அவரது வீட்டுக்கு போவேன். கர்ணனைப் போன்ற கொடையாளி.

துரியோதனனைப் போல அனைத்து நல்லது கெட்டதுகளையும் அறிந்தவர் அவர். துரியோதனனைப் போலவே, கெட்ட விஷயம் தெரிந்த பிறகும் விடாமல் இருக்கிறார்.

புகை பிடிப்பதனால் வரும் பாதிப்புகள் அம்பரீசுக்கு தெரியும். ஆனாலும் அதை அவர் விடவில்லை. புகைப் பழக்கத்தால்தான் என் உடல்நிலை இந்த அளவு பாதிக்கப்பட்டது. அதனால் நான் அடியோடு அதை விட்டுவிட்டேன். அம்பரீஷ், நீயும் இந்தப் பழக்கத்தை இன்றோடு விட்டுவிடு," என்றார்.

 லண்டன் சென்ற அஜித் குடும்பம்!

அஜித் குமாரின் குடும்பத்தினர் அஜித்தை விட்டுவிட்டு கோடை விடுமுறையை கழிக்க லண்டன் சென்றுள்ளனர். படப்பிடிப்புக்களில் பிஸியாக இருப்பதால் அஜித் லண்டன் செல்லவில்லை! விஷ்ணு வர்த்தன் இயக்கும் புதிய படத்தில் அஜித் நடிப்பதால் அவர் மும்பை சென்றுவிட்டார்.இதையடுத்து அஜீத்தின் மனைவி ஷாலினி, செல்ல மகள் அனோஷ்கா, மாமனார், மைத்துனி ஷாமிலி ஆகியோர் மட்டும் லண்டன் பறந்துவிட்டனர். அவர்கள் எல்லாம் ஜாலியாக லண்டனை சுற்றிப் பார்க்க தல மட்டும் இங்கு தனியாக உள்ளார்.

படப்பிடிப்புகள் இருப்பதால் குடும்பத்தார் வீட்டில் இல்லாதது ஒரு வேளை வித்தியாசமாக தெரியாமல் இருக்கலாம். ஆனால் அவர் நிச்சயம் தனது மகளை மிஸ் பண்ணுவார்.

  தனுஷ் நடிக்கும் சொட்ட வாளக்குட்டி!

வாகைசூடவா இயக்குனர் சற்குணம் இயக்கும் புதிய படத்தில் தனுஷ் நடிக்கிறார். 3 பட சர்ச்சைகளுக்குப்பின் தோல்வியில் இருந்து மீள இந்த படம் உதவும் என்ற நம்பிக்கையில் உள்ளார் தனுஷ்.தற்போது பரத்பாலா இயக்கத்தில் நடித்து வரும் தனுஷ், அப்படத்தை முடித்த கையோடு சற்குணம் படத்தில் நடிக்கிறார். படத்திற்கு சொட்டவாளக்குட்டி என்று பெயரிடப்பட்டுள்ளது.

நகைச்சுவை இழையோடும் விறுவிறு படமாக சொட்ட வாளக்குட்டியை உருவாக்கிறார் சற்குணம். தமிழரின் வட்டார வழக்கு, பாரம்பரியத்தை அடையாளப்படுத்தும் விதமாக காட்சிகளை அமைக்க உள்ளதாக சற்குணம் கூறியுள்ளார்.

 கமல் பாராட்டிய கள்ளத்துப்பாக்கி பாடகர்!

கமல் ஹாசனும் சரி, ரஜினிகாந்தும் சரி எந்த திறமைசாலிகளையும் பாராட்ட தயங்குவதில்லை. கமலின் உதவியாளர் ரவிதேவன் கள்ளத்துப்பாக்கி என்ற படத்தை எடுத்துள்ளார் என்பது உங்களுக்கு தெரியும். அந்த படத்தில் மிட்நைட் கல்லூரி நான், என் கில்லாடி ஸ்டூடண்ட் யாரு என்ற குத்துப்பாடல் உள்ளது. அதை கேட்பவர்கள் ஆஹா யார் இந்த பாடகி இவ்வளவு அருமையாக பாடியிருக்கிறார் என்று நினைக்கத் தோன்றும். ஆனால் அதைப் பாடியது பாடகியல்ல புதுமுக பாடகர் கரந்தை பி. ராஜசேகரன்.

தஞ்சையில் சந்தோஷ் இசைக்குழு வைத்துள்ள ராஜசேகரன் டிவி நிகழ்ச்சி ஒன்றில் பங்கேற்று ராத்திரி நேரத்து பூஜையில் பாடலை பெண் குரலில் பாடி அசத்தியுள்ளார். அந்த நிகழ்ச்சியைப் பார்த்த ரவிதேவன் அவரை தொடர்பு கொண்டு தனது படத்தில் பாடும் வாய்ப்பு கொடுத்துள்ளார். பெண் குரலில் படத்தில் பாடுவதா என்று தயங்கிய அவரை அவரது குடும்பத்தினர் ஊக்கப்படுத்தி பாட வைத்துள்ளனர்.

அவரும் சரி என்று பாடினார். அந்த பாட்டை கேட்ட கமல் ஹாசனுக்கு குரல் பிடித்துப் போகவே ராஜசேகரனை அழைத்து மனதாரப் பாராட்டினாராம். ராஜசகேரனுக்கோ கமல் பாராட்டியவுடன் கையும் ஓடவில்லை, கால் ஓடவில்லை. இன்ப அதிர்ச்சியில் அப்படித் தான் இருக்கும். 


தங்கள் வருகைக்கு நன்றி! பதிவு குறித்த கமெண்ட்களை எதிர்பார்க்கிறோம்! 

Wednesday, May 30, 2012

குடியரசு தலைவராக ஆசைப்படும் திமுக தலைவர்?!!

ஜனாதிபதி பதவிக்கு, முன்னாள் சபாநாயகர் சங்மாதான் இப்போதைக்கு போட்டியில் இறங்கியுள்ளார். காங்கிரஸ் தரப்பிலிருந்து, யார் போட்டியிடப்போகிறார் என்பதை, இதுவரை சோனியா வெளியிடாமல் மவுனம் காத்துவருகிறார். துணை ஜனாதிபதி அமித் அன்சாரி, பிரணாப் முகர்ஜி, மத்திய அமைச்சர் ஷிண்டே, தற்போதைய சபாநாயகர் மீரா குமார் என, பலருக்கு இந்த பதவியில் அமர ஆசை. தி.மு.க., தலைவர் கருணாநிதிக்கும், ஜனாதிபதி பதவி மேல் விருப்பம் போலிருக்கிறது! சமீபத்தில், இரண்டு தி.மு.க., அமைச்சர்கள் சில எம்.பி.,க்கள் இது தொடர்பாக, முக்கிய அரசியல் பிரமுகர்களை சந்தித்து, "தலைவரை ஜனாதிபதி வேட்பாளராக்குங்கள்' என்று கேட்டனர். பிரபல எதிர்க்கட்சித் தலைவரை அந்த தி.மு.க., குழு சந்தித்து விஷயத்தைச் சொன்னதுமே, அவர் ஆடிப்போனாராம். உங்கள் தலைவருக்கு வயதாகிவிட்டதே, இந்த பதவியில் அவரால் என்ன செய்ய முடியும் என்று கேட்டார் அந்த தலைவர். "ஜனாதிபதி பதவியில் தலைவரை அமர்த்த நாங்கள் ஆசைப்படுகிறோம்' என்று தி.மு.க., வினர் சொல்ல, ஆளுங்கட்சி கூட்டணியில் உள்ள மகாராஷ்டிர தலைவரை பார்க்கும் படி சொன்னார் அந்த எதிர்க்கட்சி தலைவர். உடனே, தி.மு.க.,வினர் அவரைச் சந்தித்தனர். விஷயத்தைக் கேட்ட அவரும் அதிர்ச்சியடைந்தார். சரியான பதில் சொல்லாமல், பார்க்கலாம் என்று இவர்களை வழியனுப்பி வைத்தார் அந்த மகாராஷ்டிர தலைவர். இப்படி திடீரென இந்த பதவி மேல் தி.மு.க., ஏன் ஆசைப்படவேண்டும்? ஜனாதிபதி கோதாவில், இந்த அம்மா இறங்கும் போது தலைவர் சும்மா இருக்கலாமா, அதனால் தான் தலைவருக்கு லாபி செய்கிறோம் என்கின்றனர் தி.மு.க.,வினர்.

டிஸ்கி} தள்ளாத வயதில் ஓய்வெடுக்காமல் எதற்கு இந்த கொலைவெறி! தமிழர் வருவது பொறுக்கவில்லையா? என்று கேட்காமல் கொஞ்சம் யோசிக்கவேண்டும். திராவிட கட்சிகள் தமிழ் நாட்டை கெடுத்தது போதும் . அங்க சுத்தி இங்க சுத்தி கடைசியிலே காங்கிரஸிக்கே ஆப்பா? கலைஞர் அவர்களே உங்களின் சேவை இப்போது தேவையில்லை என்று நினைக்கிறேன்! அதிகமா ஆசைப் படாதீங்க!

தகவல் உதவி} தினமலர்

5 ஆவது முறையாக உலக சாம்பியன் ஆனார் வி. ஆனந்த்!

மாஸ்கோ: உலக செஸ் சாம்பியன்ஷிப் பட்டத்தை ஐந்தாவது முறையாக கைப்பற்றி அசத்தினார் இந்தியாவின் விஸ்வநாதன் ஆனந்த். இன்று நடந்த பரபரப்பான "டை- பிரேக்கரில்' இஸ்ரேலின் ஜெல்பாண்டை வீழ்த்தி, மீண்டும் மகுடம் சூடினார்.

ரஷ்யாவின் மாஸ்கோவில் உலக செஸ் சாம்பியன்ஷிப் தொடர் நடந்தது. இந்தியாவின் விஸ்வநாதன் ஆனந்த், 42, இஸ்ரேலின் போரிஸ் ஜெல்பாண்டு, 43, மோதினர். மொத்தம் 12 சுற்றுகள் கொண்ட இப்போட்டியின், 7வது மற்றும் 8வது சுற்றில் மட்டும், இருவரும் தலா ஒரு வெற்றி பெற்றனர். மற்ற 10 சுற்றுகள் "டிரா' ஆனது. 12 சுற்று முடிவில் இரு வீரர்களும் தலா 6 புள்ளி பெற்றனர். இதையடுத்து வெற்றியாளர் யார் என்பதை முடிவு செய்ய, போட்டி "டை பிரேக்கருக்கு' சென்றது. "ரேபிட்' முறையில் நான்கு போட்டிகள் நடந்தது. இருவருக்கும் தலா 25 நிமிடங்கள் தரப்பட்டன.

முதல் "டிரா': முதல் போட்டியில் கறுப்பு காய்களுடன் ஆனந்த் விளையாடினார். இப்போட்டி 32வது நகர்த்தலின் போது "டிரா' ஆனது.

ஆனந்த் முன்னிலை: பின் இரண்டாவது போட்டியில் வெள்ளை காய்களுடன் போட்டியை துவக்கிய ஆனந்த், அசத்தலான ஆட்டத்தை வெளிப்படுத்தினார். இதையடுத்து 77 வது நகர்த்தலின் போது, ஜெல்பாண்டு தனது தோல்வியை ஒப்புக்கொள்ள, ஆனந்த் 1.5-0.5 என்ற கணக்கில் முன்னிலை பெற்றார்.

மீண்டும் சமன்: மூன்றாவது போட்டியில், ஜெல்பாண்டு அதிரடி ஆட்டத்தை வெளிப்படுத்தினார். இருப்பினும், குறிப்பிட்ட நேரத்துக்குள் போட்டி முடியாத நிலையில், 41வது நகர்த்தில் போட்டி மீண்டும் "டிரா' ஆனது. ஆனந்த் தொடர்ந்து முன்னிலையில் (2.0-1.0) இருந்தார்.

அசத்தல் வெற்றி: கடைசியாக துவங்கிய நான்காவது போட்டியை ஆனந்த் "டிரா' செய்தாலே போதும் என்ற நிலையில், வெள்ளை காய்களுடன் ஆனந்த் போட்டியை துவக்கினார். இப்போட்டியும் 56 வது நகர்த்தலுக்குப் பின், "டிரா' ஆக, 2.5 புள்ளிகள் பெற்ற ஆனந்த், மீண்டும் உலக சாம்பியன் பட்டத்தை வென்றார். இவர் ரூ. 8.5 கோடி பரிசாக தட்டிச் சென்றார். இரண்டாவது இடம் பெற்ற ஜெல்பாண்ட் ரூ. 5.7 கோடி பரிசு பெற்றார். செஸ் அரங்கில் மீண்டும் தனது ஆதிக்கத்தை நிலைநாட்டிய ஆனந்த் ஐந்தாவது முறையாக (2000, 07, 08, 10, 12) பட்டம் வென்றது, ரசிகர்கள் மத்தியில் மிகுந்த மகிழ்ச்சியை ஏற்படுத்தியுள்ளது.

டிஸ்கி} சென்னையின் சிங்க குட்டியான ஆனந்த் மீண்டும் மகுடம் சூடியதில் மட்டற்ற மகிழ்ச்சி! இவரால் தமிழகம் தலை நிமிர்கிறது. ஐபிஎல் தோல்விக்கு ஆறுதலாகவும் இவரது வெற்றி அமைந்தது குறிப்பிடத் தக்கது! வாழ்த்துக்கள் ஆனந்த்!

தகவல் உதவி} தினமலர்

மனித ரத்தத்தில் எரியும் விசித்திர விளக்கு:

லண்டன்: மனித ரத்தத்தில் எரியும் விளக்கை அமெரிக்க டிசைனர் ஒருவர் வடிவமைத்துள்ளார்.

அமெரிக்காவைச் சேர்ந்த டிசைனர் மைக் தாம்ப்சன். அவர் சற்று வித்தியாசமாக மனித ரத்தத்தில் எரியும் விளக்கை வடிவமைத்துள்ளார். அந்த விளக்கினுள் ரசாயனங்களை வைத்துள்ளார். அந்த கண்ணாடி விளக்கை எரிய வைக்க அதன் வாய்ப் பகுதியை உடைத்து அந்த துண்டைக் கொண்டு கையைக் கீறி ரத்தத்தை அந்த ரசாயனங்களில் விட வேண்டும்.

ரத்தம் ரசாயனங்களுடன் கலந்த பிறகு விளக்கு நீல நிறத்தில் பிரகாசிக்கிறது. இந்த விளக்கை ஒரு முறை மட்டுமே பயன்படுத்த முடியும். மக்கள் மின்சாரத்தின் அருமை தெரியாமல் கண்டபடி வீணடிப்பதை உணர்த்தவே இந்த விளக்கை வடிவமைத்துள்ளதாக அவர் தெரிவித்தார்.

மனித உடலில் இருந்து ரத்தம் அதிகளவில் வெளியேறினால் அது எப்படி உயிருக்கு ஆபத்தோ, அதே போன்று தான் மின் சக்தியை அதிகம் பயன்படுத்துவது சுற்றுச்சூழலுக்கு ஆபத்து என்று அவர் மேலும் தெரிவித்தார்.

இது குறித்து அவர் தனது இணையதளத்தில் மேலும் கூறுகையில்,

ஒரு முறை மட்டுமே பயன்படுத்தும் வகையில் இந்த விளக்கு இருப்பது, விளக்கு எப்பொழுது தேவையோ அப்பொழுது மட்டுமே பயன்படுத்த வேண்டும் என்று மக்களை சிந்திக்க வைக்கும். அவர்கள் எப்படி அக்கறையின்றி மின்சக்தியை வீணடிக்கிறார்கள் என்பதும் புரியும். சுவிட்சை போட்டால் லைட், பேன் உள்ளிட்ட மின்சாதனங்கள் வேலை செய்வதால் மின்சக்தி எங்கிருந்து வருகிறது என்பதைப் பற்றி மக்கள் சிந்திப்பதே இல்லை என்று கூறியுள்ளார்.

டிஸ்கி}  இதை கேட்கவே பயங்கரமா இருக்கு! ஆனா அமெரிக்கர்கள் வித்தியாசமாத்தான் யோசிக்கிறாங்க! 

தகவல் உதவி  தட்ஸ் தமிழ் 

தங்கள் வருகைக்கு நன்றி ! பதிவு குறித்த கமெண்ட்கள் செய்து ஊக்கப்படுத்துங்கள்!

ஷாருக்குடன் மம்தா குத்தாட்டம்! ஐபிஎல் அரசியல்!

ஷாருக்குடன் மம்தா குத்தாட்டம்! ரசிகர்கள் ரகளை! திண்டாட்டத்தில் முடிந்த கொண்டாட்டம்!

ஐபிஎல் கோப்பையை வென்ற கொல்கத்தா அணிக்கு பாராட்டு விழா நடத்திய மேற்கு வங்க அரசு இப்போது பெரும் சர்ச்சையில் சிக்கித் தவிக்கிறது. விழாவில் அரசியல் புகுந்து விளையாடியது. ரசிகர்கள் மீது தடியடி நடத்தியதில் பெரும் களேபரம் நடந்தது. தன்னுடைய செல்வாக்கை உயர்த்திக் கொள்வதற்காகவே மம்தா இவ்வாறு நடந்து கொண்டதாக கூறியுள்ள எதிர்கட்சிகள் அவர் ஷாருக்கானுடன் மேடையில் நடனம் ஆடியதையும் உடன் கவர்னரும் ஆடியதையும் கடுமையாக விமரிசத்து உள்ளன.
    ஐபிஎல் போட்டிகள் முடிந்தும் பரபரப்புக்கு பஞ்சமில்லை! ஆடை அவிழ்ப்பு ராணிகள் பூனம் பாண்டேவும் ரோஸ்லின் கானும் ஆடைஅவிழ்த்து தங்கள் பங்கிற்கு பரபரப்பு ஏற்படுத்த இதுவரை இல்லாத ஒரு புதிய மரபை கொண்டு வந்தார் மேற்குவங்க முதல்வர் மம்தா. ஐபிஎல் என்பது ஒரு தனியார் அமைப்பு. இதன் அணிகளும் தனியாருக்கு சொந்தமானது. நாட்டிற்கோ மாநிலத்திற்கோ சொந்தமானது அல்ல. இந்த அமைப்பு நடத்திய போட்டியில் வெற்றி பெற்ற அணிக்கு பாராட்டு விழா என்பது கொஞ்சம் அதிகமானதுதான்.
    மேற்கு வங்க மாநிலம் ஏற்கனவே நிதி நெருக்கடியில் தவித்துவரும் வேளையில் இது போன்ற விழாக்களை தவிர்த்திருக்க வேண்டும். ஆனால் தனது அரசியல் செல்வாக்கை தூக்கி நிறுத்துவதற்காக கோடிக்கணக்கில் செலவழித்து விழா நடத்தி ஆட்டம் போட்டுள்ளார் மம்தா.
  இந்த நிகழ்ச்சியில் பங்கேற்க அனுமதி இலவசம் என்பதால் மாநிலம் முழுவதிலும் இருந்து 50 ஆயிரத்திற்கும் மேற்பட்ட ரசிகர்கள் ஈடன் கார்டன் மைதானத்தினுள் நுழைந்தனர். மைதானம் நிரம்பி வழியே வெளியே நிறைய ரசிகர்கள் காத்திருந்தனர். விழாவில் நடனமேடை அமைக்கப்பட்டு பாடல்கள் இசைக்கப்பட ஷாருக்கான் குத்தாட்டம் போட்டார். இது அரசு விழாவா என்ற நிலை ஏற்பட்டது. உற்சாகத்திலோ இல்லை போதையிலோ மம்தாவின் தலையில் முத்தமிட்ட ஷாருக் அவரை நடனமாட அழைத்தார். முதலில் அவர்கள் மறுத்தாலும் ஷாருக் அவர்களை பிடிவாதமாக பிடித்து இழுத்து நடனமாட வைத்தார்.
    ஒரு மாநிலத்தின் முதல்வரும் கவர்னரும் இப்படி பொது மேடையில் நடனம் ஆடலாமா? ஒரு தனியார் அணிக்கு அரசின் பாராட்டு விழா தேவையா? இதையெல்லாம் கருத்தில் கொள்ளாத மம்தா நடனமாடி முடித்து வீரர்களுக்கு தங்க சங்கிலியும் பொன்னாடையும் போர்த்தி கவுரவித்தார்.
      இதனிடையே வெளியே காத்திருந்த ரசிகர்களிடையே தள்ளுமுள்ளு ஏற்பட போலிஸ் தடியடி நடத்தியது. இதில் ஏராளமானோர் காயமடைந்தனர். பெற்றோரை பிரிந்த குழந்தைகள் கண்ணீர் வடித்தன. பார்க்கவே பரிதாபமாக இருந்தது. இப்படி ஒரு நிகழ்ச்சி மம்தாவிற்கு தேவையா?
   சமீப காலமாக மம்தாவின் போக்குகள் விசித்திரமாக உள்ளது. அதில் கார்டூனிஸ்ட் ஒருவரை சிறையில் தள்ளியது மிகவும் கண்டணத்துக்கு உள்ளாக்கப்பட்டது. இப்போது சரிந்த தனது இமேஜை நிலைநாட்ட இந்த விழா எடுத்துள்ளார் மம்தா.
   கொல்கத்தா நைட் ரைடர்ஸ் அணியில் விளையாடியவர்களில் இருவர்மட்டுமே வங்காளிகள்.மற்றவர்கள் வெளிமாநில வெளிநாட்டு வீரர்கள் கேப்டன் கம்பீரும் டில்லியை சேர்ந்தவர். ஷாருக்கானும் டில்லியை சேர்ந்தவர், இப்படி இருக்க தனியார் அணிக்கு விழா நடத்தி ஒரு தவறான முன்னுதாரணத்தை ஏற்படுத்தி இருக்கிறார் மம்தா.
   இது போன்ற செயல்கள் இவரது அரசியல் இமேஜை தாழ்த்துமே தவிர உயர்த்தாது. இதை புரிந்துகொள்ளாத மம்தா தேவையின்றி சர்ச்சையில் சிக்கிக் கொண்டதாகவே எனக்குத் தோன்றுகிறது. இனிவரும் காலங்களில் இந்த மாதிரிவிழாக்களை மற்ற மாநிலங்களும் எடுக்க தூண்டும் வகையில் மம்தா நடந்து கொண்டது மன்னிக்க முடியாத செயல். நாட்டில் எத்தனையோ பேர் சாதனைகள் படைத்து வெளியே தெரியாமல் இருக்க பணத்திற்காக தன்னை ஏலத்தில் விடும் ஒரு அமைப்பிற்கு விழா எடுத்து படுகுழியில் விழுந்துள்ளார் மம்தா.
    இவரது செயல்கள் கோமாளித்தனமாக அமைந்து வருகையில் விரைவில் மக்கள் மனதில் இருந்து விடைபெற்றுக் கொள்வார் மம்தா!

தங்கள் வருகைக்கு நன்றி! பதிவு குறித்தகருத்துக்களை கமெண்ட் செய்து ஊக்கப்படுத்தலாமே!

காற்றில் பறந்த ரூபாய் நோட்டுக்கள்! வேலூர் அருகே பரபரப்பு!

வேலூர்:  வேலூர் அருகே ரோட்டில் காற்றில் பறந்து வந்த ரூபாய் நோட்டுகளை பொது மக்கள் போட்டி போட்டுக் கொண்டு எடுத்த சம்பவம் பெரும் பரபரப்பை ஏற்படுத்தியுள்ளது.

வேலூர் அருகே உள்ளது வேலப்பாடி மெயின் ரோடு. இங்கு திடீரென ரூபாய் நோட்டுகள் காற்றில் பறந்து வந்த வண்ணம் இருந்தது. முதலில் 100 ரூபாய் நோட்டுகளும், பின்பு 10 ரூபாய் நோட்டுகளும், அடுத்து 20 ரூபாய் நோட்டுகளும், தொடர்ந்து 50 ரூபாய் நோட்டுகளும் வரிசையாக பறந்து வந்தன. இதைக் கண்டு இன்ப அதிர்ச்சி அடைந்த பொது மக்கள் பறந்து வந்த ரூபாய் நோட்டுகளை பறந்து பறந்தே பிடித்தனர்.

சிறியவர் முதல் பெரியவர்கள் என பலரும் முன்டியடித்து காற்றில் வந்த நோட்டுகளை பிடித்தனர். இது குறித்து தகவல் அறிந்த வேலூர் தெற்கு போலீசார் சம்பவ இடத்திற்கு விரைந்து வந்தனர். தாங்கள் ஓடி, ஓடி பிடித்த நோட்டுகளை பறிமுதல் செய்ய போலீசார் வந்த தகவல் அறிந்து பலரும் மாயமாய் மறைந்துவிட்டனர்.

இருப்பினும் பொது மக்களிடம் இருந்த சுமார் 8,900 ரூபாய் நோட்டுக்களை போலீசார் பறிமுதல் செய்தனர்.

இந்த ரூபாய் நோட்டுக்கள் எங்கிருந்து வந்தது, யார் பறக்க விட்டனர் என்ற தகவல் தெரியவில்லை. இந்த சம்பவம் குறித்து போலீசார் விசாரணை நடத்தி வருகின்றனர்.
தகவல் உதவி} தட்ஸ் தமிழ்

Tuesday, May 29, 2012

யோகா உலக கோப்பை: தங்கம் வென்ற கும்மிடி பூண்டி பள்ளி மாணவன்

தாய்லாந்து நாட்டில் நடைபெற்ற உலக யோகா போட்டியில், இந்தியா சார்பில் பங்கேற்று தங்கம் வென்ற மாணவனுக்கு உற்சாக வரவேற்பு அளிக்கப்பட்டது.
திருவள்ளூர் மாவட்டம், கும்மிடிப்பூண்டி அருகே, ஆத்துப்பாக்கம் கிராமத்தைச் சேர்ந்த தாமோதரன், ஷகிலா தம்பதியர் மகன் பிரவீன், 12. கும்மிடிப்பூண்டியில் உள்ள தனியார் பள்ளியில் எட்டாம் வகுப்பிற்கு தேர்ச்சி பெற்றுள்ள மாணவன்.அதே பகுதியில் உள்ள கைரளி யோகா மையத்தில், நான்கு ஆண்டுகளாக யோகாசன பயிற்சி பெற்று வருகிறார். கடந்த வாரம் மலேசியா, சிங்கப்பூர் மற்றும் தாய்லாந்து நாடுகளில் பசிபிக் - ஆசியா யோக விளையாட்டு சம்மேளனம் சார்பில் நடந்த 20-20 யோக உலக கோப்பை போட்டியில் இந்தியா சார்பில் பங்கேற்க பிரவீன் தேர்வானார்.ஏழை குடும்பத்தைச் சேர்ந்த மாணவன் என்பதால் கும்மிடிப்பூண்டி எம்.எல்.ஏ., சேகர், டி.ஜே.எஸ்., கல்வி குழுமம் உள்ளிட்டவர்களின் உதவியால் யோகா உலக கோப்பையில் பிரவீன் பங்கேற்றார்.மலேசியா, சிங்கப்பூர் நாடுகளில் நடந்த தகுதி சுற்றுகளில் வெற்றி பெற்ற பிரவீன் தாய்லாந்து நாட்டில் நடந்த இறுதி சுற்றுக்கு தேர்வானார். ஆஸ்திரேலியா, சீனா, நார்வே, பின்லாந்து, ரஷ்யா, பெல்ஜியம், ஜப்பான், எகிப்து, மலேசியா உள்ளிட்ட, 17 நாடுகளைச் சேர்ந்த போட்டியாளர்கள் இறுதி சுற்றில் கலந்து கொண்டனர்.
வயது வாரியாக நான்கு பிரிவு போட்டிகள் நடத்தப்பட்டன. 10 வயது முதல் 15 வயது பிரிவில் பிரவீன் பங்கேற்றார். இரண்டு நிமிடங்களில் 20 யோகாசனம் என்ற 20-20 உலக யோக இறுதி போட்டியில் பிரவீன் தங்கம் வென்றார்.இந்தியா சார்பில் பங்கேற்று தங்கம் வென்ற ஆத்துப்பாக்கம் கிராம மாணவனுக்கு, கிராம மக்கள் ஒன்று திரண்டு உற்சாக வரவேற்பு அளித்தனர். கடந்த ஆண்டு தாய்லாந்து நாட்டில் ஆசிய அளவில் நடந்த யோகாசன போட்டியில், பிரவீன் தங்கம் வென்றது குறிப்பிடத்தக்கது.

டிஸ்கி} தங்கம் வென்ற மாணவனுக்கு வாழ்த்துக்கள்! திறமையான இம்மாணவனை  பொது நல அமைப்புக்கள் தத்தெடுத்து இந்தியாவின் திறமையை உலக அரங்கில் பறை சாற்ற உதவலாமே! இந்த செய்தியை படிக்கும் வாசகர்களும் தங்கள் நண்பர்களுக்கு தெரியப்படுத்தி இந்த மாணவனுக்கு உதவலாமே! 

 தகவல் உதவி} தினமலர்

தங்கள் வருகைக்கு நன்றி பதிவு குறித்து கமெண்ட் செய்து ஊக்கப்படுத்துங்கள் அன்பர்களே!

சூதாட்ட சர்ச்சையில் ஐபிஎல்! இறுதி போட்டி எழுப்பும் கேள்விகள்!

சூதாட்ட சர்ச்சையில் ஐபிஎல்!
பரபரப்பாக நடந்து முடிந்த ஐபிஎல் திருவிழாவில் கொல்கத்தா நைட் ரைடர்ஸ் அணி சிறப்பாக விளையாடி கோப்பை தட்டி சென்றது. ஆனாலும் இறுதி போட்டியில் சென்னை தோற்றவிதமும் சென்னை அணி ப்ளே ஆப் சுற்றுக்கு முன்னேறிய விதமும் பலரது புருங்களை உயர்த்தியுள்ளது. நிறைய கேள்விகள் அதற்கு சரியான பதில்கள் இல்லை என்ற நிலையில் ஐபிஎல் ஒரு சூதாட்டம் என்ற நினைப்பை ரசிகர்கள் மத்தியில் ஏற்படுத்தி உள்ளது நடந்து முடிந்துள்ள ஐபிஎல் தொடர்.
    வீட்டில் சோத்துக்கு வழி இல்லை என்றாலும் டீவியில் கிரிக்கெட் பார்த்துக்கொண்டு இருப்பானே தவிர உருப்படியாக வேலைக்கு போகமாட்டார்கள் கிரிக்கெட் ரசிகர்கள். இப்படி பட்ட கிரிக்கெட் ரசிகர்களை அவமானப்படுத்தும் அளவுக்கு இப்போது கிரிக்கெட்டில் பணம் புழங்கத்தொடங்க விட்டது. அதிலும் உலகத்திலேயே மிக பணக்கார கிரிக்கெட் அமைப்பாக பிசிசிஐ வளர்ந்து தன் ஆதிக்கத்தினை கோலொச்சி வருகிறது. அதனுடைய கண்டுபிடிப்புதான் இந்த டி20 ஐபிஎல். ரசிகர்களிடையே டி20க்கு இருக்கும் வரவேற்பை மனதில் கொண்டு இந்த ஐபிஎல் போட்டிகளை உருவாக்கி லலித் மோடியை தலைவராக்கியது. இறுதியில் அவரே போட்டிகளில் ஊழல் செய்ததாக கூறி கழட்டிவிடப்பட்டார்.
     இந்த தொடரில் இந்த சூதாட்ட புகார் வீரர்கள் மீது குவிந்துள்ளது. குறிப்பாக ஒரு சில வெளிநாட்டு வீரர்களும் உள்நாட்டு வீரர்களும் இணைந்து சூதாட்டத்தில் ஈடுபடுவதாக செய்திகள் உலாவுகின்றன. ஆனால் இதற்கெல்லாம் எந்த ஒரு நடவடிக்கையும் எடுக்ககாணோம் பிசிசிஐ. அதே சமயம் போட்டியில் நோபால் வீசியதற்காக வும் முன்கூட்டியே தகவல்களை கூறீயதாகவும் புனே, பஞ்சாப் அணி வீரர்கள் சிலரை டிஸ்மிஸ் செய்தது.
    அப்போதே ஐபிஎல் மீதான நம்பிக்கை குறைந்து போனது. முதல் ஐபிஎல் தொடரிலேயே நிறைய சந்தேகங்கள் எழுந்தன. இறுதி போட்டியில் இப்போது தோற்ற மாதிரி அப்போதும் தோற்றது சென்னை அணி. அன்றும் அதனுடைய பவுலிங் மோசமாக அமைந்தது. அதற்கடுத்த தொடரில் யாரும் எதிர்பார்க்காத டெக்கான் அணி கோப்பை வென்றது. மூன்றாவது நாலாவது தொடரில் சென்னை அணி வென்றது. இதிலும் மூன்றாவது தொடரில் சென்னை கஷ்டப்பட்டுதான் உள்ளே நுழைந்தது.
      இறுதியாக இந்த ஐந்தாவது தொடரில் அணிகளின் செயல் பாட்டில் சில அதிர்ச்சியாக உள்ளன. இவ்வாறு செய்தது ஏன்? ஏன்? என்ற கேள்விகள் எழுகின்றன. அந்த கேள்விகளை இப்போது பார்ப்போம்.

முதலில் சென்னை அணி உள்ளே நுழைந்தது எப்படி?
   16 போட்டிகள் முடிவில்17 புள்ளிகளுடன் இருந்த சென்னை அணி பிளே ஆப் வாய்ப்பை முழுமையாக இழந்து விட்டதாக கூறலாம். ஆனால் ராஜஸ்தான், பஞ்சாப், பெங்களூரு அணிகள் வரிசையாக தோற்றதால் இந்த அணிக்கு வாய்ப்பு கிடைத்தது. அதிலும் பெங்களூரு டெக்கானுக்கு எதிராக தோற்றதில் ஏகப்பட்ட சந்தேகங்கள். கிறிஸ் கெய்ல் தொடரில் அதிக ரன்களை குவித்தவர் அன்று குறைந்த இலக்கை சேஸ் செய்கையில் விரைவாக ஆட்டமிழந்து விட்டார். அணியில் கோஹ்லி போன்றோர் இருந்தும் வென்றால் ப்ளே ஆப் வாய்ப்பு நிச்சயம் என்ற நிலையில் 136 ரன்களை சேஸ் செய்யாமல் தோற்றது ஏன்? என்பது முதல் கேள்வி?

அடுத்ததாக எழும் ஏன் கேள்வி? சென்னை அணி மும்பைக்கு எதிராக வென்றதுமே ஐபிஎல் அதிகாரப்பூர்வ இணைய தளத்தில் பைனலுக்கு தகுதி பெற்றுவிட்டதாக செய்தி வெளியாகியது இது எப்படி ? டெல்லியுடன் விளையாடாத நிலையில் இந்த அறிவிப்பு ஏன்?

  அடுத்த கேள்வி டெல்லி அணிக்கு. பங்கேற்ற போட்டிகளில் 25 விக்கெட் வீழ்த்தி அதிக விக்கெட் வீழ்த்திய மோர்னே மோர்கலை சென்னைக்கு எதிராக அணியில் சேர்க்காமல் புதிய பவுலர் ஒருவரை சேர்த்தது ஏன்? சேவக் துவக்க ஆட்டக்காரராக இறங்காமல் மூன்றாவது வீரராக களமிறங்கியது ஏன்? நாக் அவுட் போட்டியில் டாஸ் வென்றதும் பவுலிங் செய்ய முடிவெடுத்தது ஏன்?

இது சென்னை அணிக்கு முக்கியமான பைனல் போட்டிக்கு அதிர்ஷ்டத்தால் தகுதி பெற்ற நிலையில் பிஸ்லாவை சாதாரணமாக நினைத்து மோசமாக பந்துகளை வீசியது ஏன்? 10 கோடி கொடுத்து வாங்கிய ஜடேஜாவை பேட்டிங் மற்றும் பந்து வீச அழைக்காதது ஏன்?
  முக்கியமாக பத்தொன்பதாவது ஓவரில் ஹில்பெனான்ஸ் ஏற்கனவே ஒரு பவுன்சர் போட்ட நிலையில் தேவையில்லாமல் இரண்டாவதாக பவுன்சர் போட்டு நோபால் வாங்கியது ஏன்?
    களம் பேட்டிங்கிற்கு சாதகமாக இருந்த நிலையில் இன்னும் அதிரடியாக விளையாடி அதிக ரன்கள் குவிக்க முனையாதது ஏன்?
இப்படி பல ஏன்கள்?
   நடந்து முடிந்த சுற்று போட்டிகளில் எல்லாம் சென்னை அணி தோற்ற போதெல்லாம் இப்படி பல ஏன்கள் எழுந்துள்ளது. ரசிகர்களின் மனம் கவர்ந்த அணியான சென்னையின் அதிர்ச்சி தோல்வி ரசிகர்கள் மத்தியில் கடும் அதிருப்தியை ஏற்படுத்தி உள்ளது.
   இதன் பின்னணியில் சூதாட்டம் இருக்கலாம் என்று எண்ணப்படுகிறது! இறுதிப்போட்டியில் சென்னையின் ரசிகர்கள்! பெட்டிங் பெட்டிங் என்று கோஷம் எழுப்பியதையும் காண முடிந்தது. இது உண்மை எனில் உழைப்பிற்கு உலை வைக்கும் இந்த ஐபிஎல் மட்டுமல்ல மற்ற கிரிக்கெட்டையும் தடை செய்ய வேண்டும்.
   சாதாரண ரசிகன் தனது ஒருநாள் சம்பாதியத்தை இழந்து இந்த போட்டிகளை பார்க்க யாரோ சம்பாதிக்க இவர்கள் சூதாட்டம் ஆடுவது நியாயம் ஆகாது. இவர்கள் மீது குற்றம் நிரூபிக்கப்பட்டால் கடும் தண்டனை வழங்க வேண்டும்.

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்யலாமே!

Monday, May 28, 2012

பிஸ்லாவின் ஆட்டத்தில் புஸ்ஸாகிய சென்னை!

பிஸ்லாவின் ஆட்டத்தில் புஸ்ஸாகிய சென்னை!

ஐபிஎல்லின் பைனலில் தோற்று சென்னை ரசிகர்களை சோகத்தில் ஆழ்த்திவிட்டது சென்னை. தோனியின் அதிர்ஷ்டம் இந்த முறை பைனலில் கை கொடுக்கவில்லை! கோப்பை வெல்வதில் கே கே. ஆர் அணியினருக்கு இருந்த உறுதியும் போராட்டமும் கொஞ்சம் கூட சென்னை அணியில் இல்லாது போனது கோப்பையை இழக்க காரணமாக இருந்தது.
   ஐந்தாவதுஐபிஎல் தொடரில் துவக்கத்தில் இருந்தே சரிவுகளை சந்தித்த சென்னை அதிர்ஷ்ட வாய்ப்பில் ப்ளே ஆப் சுற்றில் நுழைந்து மும்பை டெல்லி அணிகளை அபாரமாக வீழ்த்தி பைனலுக்குள் நுழைந்தது. இந்த பைனலில் எப்படி ஆட வேண்டும் என்பதை மறந்து கோப்பை நமக்குத்தான் என்பது போல ரிலாக்ஸாக ஆடி தோற்றது சென்னை. இதற்கு கேப்டன் தோனியின் கேப்டன்ஷிப்பும் ஒரு முக்கிய காரணம்.
     இந்த மாதிரி போட்டிகளில் டாஸ் ஒரு முக்கியத்துவம் பெறும். அந்த டாஸை வென்ற தோனி கோப்பையை கை நழுவ விட்டதற்கு காரணம் பவுலர்களை சரியாக பயன்படுத்தாமையே! பேட்டிங்கும் அவ்வளவு சிறப்பு என்று சொல்ல முடியாது. முரளிவிஜயும் ஹசியும் சிறப்பான துவக்கம் தந்தாலும் டெல்லி அணிக்கு எதிராக ஆடியது போல அவ்வளவு அதிரடியாக ஆடவில்லை. டெல்லிக்கு எதிராக 51 பந்துகளில் சதமடித்த விஜய் இதில் 32பந்துகளில் 42 ரன்களை எடுத்தார். ஹசி அரை சதம் அடித்தார். ஆனால் இன்னும் விரைவாக ரன்களை குவித்திருக்க வேண்டும் எதிரணியில் கடைசி வரை ஆல்ரவுண்டர்கள் இருந்தபோது இந்த ரன்கள் போதுமானது இல்லை! சென்னை அணியின் பந்துவீச்சும் பலவீனமான ஒன்று. எனவே இன்னும் அதிக ரன்கள் குவித்திருக்கலாம். பிட்ச் ரன் குவிப்பிற்கு சாதகமாகத்தான் கடைசிவரை இருந்தது.
    முதல் ஆறு ஓவர்களில் குவித்த அளவிற்கு அடுத்த நான்கு ஓவர்களில் ரன் விகிதம் ஏறவில்லை 4ம் 5ம் ஆக எடுத்து விக்கெட்டை காப்பாற்றிக் கொண்டார்கள். இது தேவையில்லாத ஒன்று ரெய்னாவின் பேட்டிங் சொல்லிக் கொள்ளும் படி அமைந்தது. துவக்கம் முதல் அதிரடியாக ஆடினார். இவருக்கு இணையாக ஹசி ஆடவில்லை.ஹசி ஆட்டம் இழந்ததும் தோனி களமிறங்கியதும் தவறான ஒன்றாக அமைந்துவிட்டது. பிராவோ அல்லது மார்கலை களம் இறக்கி இருக்கலாம். இவர்கள் விளாசுவதில் மன்னர்கள். தோனியும் ரன்களை குவித்தாலும் சில பந்துகள் வீணாகி போனதால் ரன் விகிதம் குறைந்தது. குறிப்பாக சாகிப் ஹசனின் கடைசி ஓவரில் ரன்கள் மிகவும் மந்தமாகின. இதனால் 200 என்ற இலக்கை எட்ட முடியாமல் போனது.
      அடுத்து பந்து வீச்சு பற்றி பார்ப்போம். கொல்கத்தா அணியின் பிஸ்லா சென்னையின் பந்து வீச்சை பதம் பார்த்து அடிக்க சென்னை நொறுங்கிப் போனது. பவுலர்கள் யாரும் தன்னம்பிக்கையுடன் பந்துவீசவில்லை! வைட் நோபால் என்று சொதப்பினர். ஹில்பெனான்ஸ் ஓவரில் காம்பீர் வீழ்ந்ததுமே கோப்பை நமக்குத் தான் என்பது போல இருந்தது பந்து வீச்சு.
    ஆனால் சென்னையின் கனவை ஒற்றை மனிதராக தகர்த்தார் இளம் மன்வீந்தர் சிங் பிஸ்லா. இவருக்கு சிறப்பான எதிர்காலம் இருக்கிறது. மெக்கலத்திற்கு பதில் இவரை களம் இறக்கி வென்று காட்டி இருக்கிறது காம்பீர் அணி. காம்பீர் இல்லாத குறையை அவர் போக்கினார். ஆல்பி மார்கலின் ஓவரில் அவர் தொடர்ந்து நான்கு பவுண்டரிகள் அடித்ததுமே புஸ்ஸாகிப் போனது சென்னை. அந்த அடியில் இருந்து சுதாரித்துக் கொள்ளாமல் தொடர்ந்து சொதப்பியது.
    மார்கலுக்கு பதில் பந்து வீச வந்த அஸ்வினும் பிராவோயும் விட்டு வைக்க வில்லை பிஸ்லா. அவருக்கு கண்முன் நின்றது பந்து அல்ல கோப்பைதான்! கோப்பை கனவு நினைவாக பந்துகள் சிக்சருக்கும் பவுண்டரிக்கும் பறந்தன. களைத்துபோனது சென்னையின் பீல்டிங். ஜகாதியை தாமதமாகவே அழைத்த தோனி ஜடேஜாவை பயன் படுத்தவே இல்லை. பின்னர் அவருக்கு எதற்கு அணியில் இடம். அவர் பேட்டிங்கும் செய்யவில்லை. பேட்டிங்கிலும் சாதனையாளர் அல்ல. அவரை அணியில் சேர்த்ததற்கு காரணம் பந்து வீசத்தான் எனில் பந்தை தராதது ஏன் என்பது புரியாத புதிராக உள்ளது.
     ரெய்னாவையும் பந்து வீச சொல்லவில்லை தோனி. இக்கட்டான சமயங்களில் விக்கெட் கைப்பற்றுவதில் ரெய்னா சமர்த்தர் என்பது தோனிக்கு தெரியாதா என்ன? 14 ஓவர்கள் வரை விளாசவிட்டு பின்னர் கண்கெட்ட பிறகு சூரிய நமஸ்காரமாக வியூகம் மாற்றினார் தோனி அதற்குள் அந்த கப்பல் முக்கால் கரை தாண்டி விட்டது. அந்த ஆறு ஓவர்களையும் இவர்களே மாற்றி மாற்றி வீசினர். விக்கெட்கள் சில விழுந்தாலும் ரன் ரேட் குறையாமல் பார்த்துக் கொண்டார் காலிஸ். அவர் அவுட்டானதும் தான் சற்று தடுமாற்றம் ஏற்பட்டது.
  பத்தொன்பதாவது ஓவரை வீசிய ஹில்பெனான்ஸ் ஒரு விக்கெட் வீழ்த்தினாலும் நோபால் வீசியதோடு அல்லாமல் கடைசி பந்தில் ஒரு நான்கு ரன்களை விட்டுக் கொடுக்க மேட்ச் முழுமையாக கொல்கத்தா பக்கம் மாறியது. இப்போதாவது தோனி சுதாரித்து இருக்க வேண்டும். ஒரு ஓவரில் ஒன்பது ரன்கள் என்ற நிலையில் தன்னம்பிக்கை இல்லா பிராவோ பந்து வீச முதல் இரண்டு பந்துகளில் இரண்டு ரன்கள் மட்டுமே அடிக்கப்பட்டன. ஆனால் அடுத்த இரண்டு பந்துகள் பவுண்டரிகளாக மாற்றிய மனோஜ் திவாரி கொல்கத்தாவின் கோப்பை கனவை நனவாக்கிவிட்டார்.
    பாவம் தோனி! பகல் கனா கண்ட திருப்தியோடு நடையை கட்டத் தொடங்கினார். அர்ப்பணிப்புடன் ஆடிய பிஸ்லாவின் ஆட்டமும் காலிஸின் ஒத்துழைப்பும் காம்பீரின் கேப்டன் ஷிப்பும் கொல்கத்தாவின் வெற்றிக்கு முக்கிய காரணமாக அமைந்தது. வெல்டன் கொல்கத்தா.
   இந்த சமயத்தில் ஒன்றை சொல்ல வேண்டும் ஒவ்வொரு பந்துக்கும் தன் அணியினரை உற்சாக படுத்திவந்த ஷாருக்கானையும் பாராட்ட வேண்டும். இவரது நான்கு ஆண்டு கனவை நனவாக்கினார் கவுதம் கம்பீர்! கம்பீரின் கம்பீர நடை தொடரட்டும்! அவர் இந்திய அணியை வழிநடத்தும் நாள் தூரத்தில் இல்லை என்றே தோன்றுகிறது.
     சிறப்பாக விளையாடிய ஒரு அணிக்குத்தான் கோப்பை சென்றிருக்கிறது என்பதில் ஐயமில்லை! கோப்பை வென்ற அணியினருக்கு வாழ்த்துக்களும் பாராட்டுக்களும்!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்தலாமே!

Sunday, May 27, 2012

"ஓ" போடவைத்த கோவா! பெட்ரோல் ரூ 60 தான்!

பெட்ரோல் விலை உயர்ந்து விட்டது! குறையுங்கள்! குறையுங்கள் என்று எதிர்கட்சிகள் அனைத்தும் போராட்டம்! ஆர்பாட்டம் என அறிவிப்புக்களை வெளியிட்டு கொண்டிருக்க சத்தம் போடாமல் ஒரு சாதனை படைத்திருக்கிறது கோவா அரசாங்கம்! உண்மையிலேயே மக்கள் மேல் அக்கறை உள்ள ஒரு அரசு செய்யவேண்டியது இது தான் என்று  எடுத்துக்காட்டாக அமைந்துள்ளது கோவா அரசு.
   நாடெங்கும் பெட்ரோல் விலை ரூ 80 ஐ நெருங்கிய நிலையில் இங்கு மட்டும் ரூ 60க்கு கிடைக்கிறது.  சென்னையோடு ஒப்பிடும் போது லிட்டருக்கு ரூ 17 குறைவு டில்லியோடு ஒப்பிடுகையில் லிட்டருக்கு ரூ 12 குறைவு. இது எப்படி சாத்தியம் என்கிறீர்களா? சாத்தியப்பட்டு சாதித்திருக்கிறது கோவா அரசாங்கம்!
     பெட்ரோல் மீதான வாட் வரியை முற்றிலுமாக நீக்கி விட்டது கோவா அரசு! இதனால்தான் பெட்ரோல் விலை அங்கு குறைந்துள்ளது. ஒரு லிட்டர் பெட்ரோல் மீது ரூ 26 வரை வரியாக விதிக்கப்படுகிறது. இதனால் தான் கூடுதல் விலை செலுத்தவேண்டிய நிலை ஏற்படுகிறது. வரி செலுத்தாவிடில் அரசுக்கு இழப்புதான். அந்த இழப்பை ஆடம்பர பொருட்கள் மீது அதிக வரி விதித்து ஈடுகட்டி கொள்கிறது கோவா அரசு.
ஈடு செய்வது எப்படி? பெட்ரோல் வரியை முழுமையாக குறைத்துள்ளதால் ஏற்படும் வருவாய் இழப்பை சரி அசசெய்வதற்காக, ஆடம்பரங்களுக்கான வரியை, கோவா மாநில அரசு அதிகரித்துள்ளது. குறிப்பாக, மதுபானங்களுக்கான வரி, பல மடங்கு அதிகரிக்கப்பட்டுள்ளது. அதேபோல், சுங்க வரியும் அதிகரிக்கப்பட்டுள்ளது. இதன்படி, கோவாவுக்குள் கார்கள் நுழைந்தாலே, அவற்றுக்கு நுழைவு வரி விதிக்கப்படும். பொது அதிகாரப் பத்திரத்துக்கான (பவர் ஆப் அட்டர்னி) பதிவுக் கட்டணம், தற்போதுள்ள 25 ரூபாயில் இருந்து, 500 ரூபாயாக அதிகரிக்கப்பட்டுள்ளது. அழகு நிலையங்களுக்கு, 10 சதவீத ஆடம்பர வரி விதிக்கப்பட்டுள்ளது. சாலை வரியையும் அதிகரிக்க முடிவு செய்யப்பட்டுள்ளது. சட்டசபை மழைக்காலக் கூட்டத் தொடருக்கு பின், இந்த வரி உயர்வு அமலுக்கு வரவுள்ளது.

   மத்திய அரசும் மாநிலங்களுக்கு கடும் நெருக்கடி தராமல் கலால் வரியை குறைத்தாலே பெட்ரோல் விலை சற்று குறையும். கோவா அரசை மற்ற மாநிலங்களும் பின் பற்றினால் பெட்ரோல் விலை குறைய வாய்ப்புள்ளது. எதையும் தடாலடியாக செய்யும் தமிழக முதல்வர் இதை கவனத்தில் கொள்வாரா? இல்லை எப்போதும் போல் எந்த கட்டிடத்தை இடிக்கலாம் என்று யோசிப்பாரா என்று பொறுத்திருந்து பார்ப்போம்!

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்தலாமே!

நியூட்டன் போட்ட கணக்குக்கு தீர்வு கண்டு சாதனை படைத்த இந்திய மாணவன்

லண்டன்: கடந்த 350 ஆண்டுகளுக்கும் மேலாக தீர்வு காணப்படாமல் இருந்து வந்த ஒரு கணிதப் புதிருக்கு விடை கண்டு அனைவரையும் வியக்க வைத்துள்ளார் 16 வயதேயான இந்திய மாணவன். இந்தக் கணிதப் புதிரைப் போடட்வர் மறைந்த சர் ஐசக் நியூட்டன் ஆவர்.

கடந்த 350 ஆண்டுகளாக உலக கணிதவியலாளர்களை குழப்பி வந்த புதிராகும் இது. கணித மேதைகள் பலரும் கூடஇந்தப் புதிருக்கு விடை காண முடியாமல் திணறி வந்தனர். ஆனால் 'ஜஸ்ட் லைக் தட்' இதற்கு விடை கண்டுள்ளார் செளரியா ராய் என்ற இந்திய வம்சாவளி மாணவன்.

ஜெர்மனியின் டிரட்சென் பகுதியில் வசித்து வருகிறார் ராய். இவர் விடை கண்டுள்ள கணிதப் புதிர், டைனமிக்ஸ் தியரியில் வருகிறது. டிரட்சென் பல்கலைக்கழகத்திற்கு ராய் பள்ளிச் சுற்றுலாவாக சென்றபோதுதான் இந்தக் கணிதப் புதிர் குறித்து ராய்க்குத் தெரிய வந்தது. அப்போது அங்குள்ள பேராசிரியர்கள் இதுகுறித்து கூறியபோது, இதற்கு விடை காணவே முடியாது என்று கூறினர்.

ஆனால் அதை சவாலாக எடுத்துக் கொண்டார் ராய். பின்னர் அதற்கு விடை காணும் முயற்சியில்இறங்கினார், வெற்றியும் பெற்றார்.

இது மட்டுமல்லாமல் மிகக் கடினமான கணிதப் புதிர்களைக் கூட எளிதாக அவிழ்க்கும் வித்தை இவரிடம் உள்ளது. 6ம் வயதிலிருந்தே இதே வேலையாகத்தான் திரிகிறாராம் இவர்.

அதேசமயம், தன்னை மேதை என்று யாரும் அழைக்க வேண்டாம் என்றும், அந்த அளவுக்கு தான் இன்னும் வளரவில்லை என்றும் அடக்கத்துடன் கூறுகிறார்.

4வயதாகஇருந்தபோது கொல்கத்தாவிலிருந்து ஜெர்மனிக்கு வந்து செட்டிலானவர் ராய். தற்போது தனது தாய் மொழியான பெங்காலியை விட ஜெர்மனியை மிக லாவகமாக பேசுகிறார் ராய்.

டிஸ்கி} இந்தியர்களின் திறமையை கண்டு ஏற்கனவே வெளிநாடுகள் எரிச்சலில் உள்ளன. இந்த மாணவரை கண்டு எரிச்சல் படாமல் பாராட்டினால் சரி! சாதனை மாணவருக்கு வாழ்த்துக்கள்! இவரால் இந்தியா பெருமையடையட்டும்! 

தகவல் உதவி} தட்ஸ் தமிழ்

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்யலாமே!

இலங்கைக்கு விசிட் அடித்த தேமுதிக எம்.எல்ஏ. அருண்பாண்டியன் - அதிர்ச்சியில் உளவுத்துறை!

யாழ்ப்பாணம்: தமிழகத்தில் தி.மு.க., அ.தி.மு.க. ஆகிய இரு கட்சிகளும் இலங்கை விவகாரத்தை வைத்து அரசியல் செய்து வரும் நிலையில், தேமுதிக தனது சட்டமன்ற உறுப்பினரும், நடிகருமான அருண்பாண்டியனை இலங்கைக்கு சத்தம் போடாமல் அனுப்பி வைத்துள்ளதாக கூறப்படுகின்றது.

இலங்கைக்கு பயணம் செய்யும் தமிழக அரசியல் தலைவர்கள் மற்றும் இந்திய பாராளுமன்ற உறுப்பினர்கள், மத்திய அமைச்சர்கள் போன்றவர்கள், மத்திய அரசு அனுமதி பெற்று தூதுக்குழுக்களில் இணைந்து செல்வதையே வழக்கமாக கொண்டுள்ளனர்.

இந்த நிலையில், தேமுதிகவைச் சேர்ந்த பேராவூரணி சட்ட மன்ற உறுப்பினரும், நடிகருமான அருண் பாண்டியன், கடந்த சில தினங்களுக்கு முன்பு மிக ரகசியமாக இலங்கை சென்று அங்கு யாழ்ப்பாணத்தில் தங்கியிருந்தாக கூறப்படுகின்றது.

இது குறித்து கொழும்பில் உள்ள பத்திரிக்கையாளர்களிடம் பேசிய போது,

தேமுதிக வைச் சேர்ந்த பேராவூரணி சட்ட மன்ற உறுப்பினரும், நடிகருமான அருண் பாண்டியன், யாழ்ப்பாணம் வந்துள்ளது உண்மை.

ஆனால், அருண் பாண்டியன் தனிப்பட்ட முறையில் ஒரு மாத விசிட் விசாவில், வந்துள்ளதாக தெரிய வருகிறது. குறிப்பாக, திரைப்படத் தயாரிப்பு நிறுவனம் ஐங்கரன் இன்டர்நேஷனல் தலைவர் கருணாமூர்த்தியுடன் யாழ்ப்பாணம் வந்துள்ளார். கருணாமூர்த்தி ஈழத் தமிழர் ஆவார் என்பது நினைவிருக்கலாம். பல சூப்பர் ஹிட் தமிழ்ப் படங்களைத் தயாரித்துள்ளவர் கருணாமூர்த்தி.

யாழ்ப்பாணம் வந்த, அருண் பாண்டியன், இணுவில் என்ற கிராமத்தில் தங்கியிருந்தார். அப்போது, பொது மக்கள் பலரையும் அவர் சந்தித்துப் பேசினார்.

யாழ்ப்பாணத்தின் பல பகுதிகளிலும் மிக முக்கியமான புகைப்படங்களை அவர் எடுத்துள்ளார். தமிழ் அரசியல் கட்சியின் பிரதிநிதிகள் இருவர், அவரைச் சந்தித்துப் பேசியதாகவும் கூறப்படுகின்றது என்கின்றனர்.

தேமுதிக தலைவர் விஜயகாந்த் இலங்கை விவகாரத்தில் மிக ஆர்வமாக உள்ளதாகவும், அதனால் தான் தனது நம்பிக்கைகுரிய நட்சத்திரம் அருண்பாண்டியன் மூலம் சில தகவல்களை பெற்று வர பணித்துள்ளதாகவும் கூறப்படுகின்றது.

அருண் பாண்டியன் தமிழகம் வந்த பின்பு, இலங்கையில் ஈழ தமிழர்களின் நிலையை புதுக்கோட்டை இடைத் தேர்தல் பிரச்சாரத்தில் புட்டுவைக்கப் போவதாகவும் ஒரு தகவல் உலா வருகின்றது.

இதை லேட்டாக மோப்பம் பிடித்த தமிழக உளவுத்துறை , கடும் அதிர்ச்சி அடைந்து அது குறித்த தகவல்களை விரைவாக சேகரித்து வருகின்றது.


டிஸ்கி} இலங்கை விவகாரம் இப்படி அரசியலாக்கப்பட்டு வருவது வருத்தம் அளிக்கிறது! ஆளாளுக்கு பேசிக் கொண்டு இராமல் தமிழர்களுக்கு உண்மையிலேயே உதவ முன் வரவேண்டும். அரசியல் சுய லாபங்களுக்காக இலங்கை பிரச்சனையை மையப்படுத்தி குளிர் காய்வதை தவிர்க்க வேண்டும்.

தகவல் உதவி: தட்ஸ் தமிழ்

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப்படுத்துங்கள்!

ஹாட்ரிக் கோப்பை அள்ளுமா சி.எஸ்.கே! ஓர் அலசல்!

 ஹாட்ரிக் கோப்பை அள்ளுமா சி.எஸ்.கே! ஓர் அலசல்!

சென்னை சூப்பர்கிங்ஸ் ஐபிஎல் போட்டிகளில் துவக்கத்தில் இருந்தே ஒரு அசைக்க முடியாத அணியாக வலம் வருகிறது. இதுவரை நடந்த 5 ஐபிஎல் தொடர்களில் நான்காவது முறையாக பைனலுக்கு வந்துள்ளது. அதில் இரண்டுமுறை கோப்பை வென்றுள்ளது. ஒருமுறை முதல் ஐபிஎல் தொடரில் ராஜஸ்தான் ராயல்சிடம் சிறு வித்தியாசத்தில் கோப்பையை இழந்தது. இதனால் தான் ஐபிஎல் அரங்கில் சென்னை அணிக்கு எப்போதுமே ஒரு மரியாதை இருக்கிறது என்று சொன்னேன்.
      இந்த முறை அனைவரின் கணிப்புக்களையும் பொய்யாக்கி அதிர்ஷ்ட வாய்ப்பினால் ப்ளே ஆப் சுற்றினுள் உள்ளே நுழைந்த அணி தன்னை பலம் வாய்ந்த அணியாக காட்டிவருகிறது. இதற்கு முன் மும்பை டெல்லி அணிகளை எதிர்கொண்ட விதத்திற்கும் ப்ளே ஆப்பில்  எதிர்கொண்ட விதத்திற்கும் நிறைய வித்தியாசங்கள் இருந்தன.
    நாக் அவுட் வாழ்வா சாவா? என்ற நிலையில் சென்னை எப்போதுமே ஜொலிக்கும். அந்த ஜொலிப்பு கடந்த இரண்டு ஆட்டங்களில் பிரமாதமாக இருந்தது. கேப்டன் தோனி மும்பைக்கு எதிராக சூறாவளி ஆட்டம் ஆடி அசத்தி இழந்த பார்மை மீட்டுவிட்டார். டெல்லி அணியையும் இவரது ஆட்டம் மிரட்டிவிட்டது. முரளி விஜய் தொடரின் துவக்கம் முதல் மோசமாக ஆடி அனைவரின் வெறுப்பையும் சம்பாதித்துக் கொண்டு இருந்தவர். டெல்லிக்கு எதிராக விஸ்வரூபம் எடுத்து மிக அதிவேக சதம் அடித்து அசத்தி தன் திறமையை நிரூபித்துக் காட்டினார்.
    ஆல்ரவுண்டர் பிராவோயும் நாம் குறைத்து மதிப்பிடக்கூடாது. இக்கட்டான நேரங்களில் பலமுறை கை கொடுத்த அவர் கடந்த இரண்டு போட்டிகளில் வேகமாக ரன் குவித்தவிதமும் பீல்டிங்கில் கலக்கிய விதமும் கண்முன்னே நிற்கிறது. பவுலிங்கிலும் சிறப்பாக செயல்படும் இவர் சென்னையின் முத்தான வீரர்.
    டுபிளசிக்குப் பதில் களமிறங்கும் சக ஆஸ்திரேலியர் ஹசியும் சிறப்பாகவே ஆடுகிறார். ஆல்பி மோர்கல் ஹில்பெனான்ஸ்,  போன்ற வெளிநாட்டு வீரர்களை குறை சொல்ல முடியாது சிறப்பாகவே செயல்படுகிறார்கள். ஆனால் பத்துகோடி கொடுத்து வாங்கிய ரவீந்திர ஜடேஜாவின் நிலைதான் பரிதாபம். இவருக்கு என்ன நேர்ந்தது என்றே தெரியவில்லை. ராஜஸ்தான் ராயல்சின் கண்டுபிடிப்பான இவர் முதல் இரண்டு தொடர்களில் கலக்கியதை போல இப்போது ஆடுவது இல்லை. பந்து வீச்சும் சரியில்லை. பேட்டிங்கும் சரியில்லை. ஆனால் கேப்டனின் நம்பிக்கையை பெற்றிருப்பதால் அணியில் நீட்டிக்கிறார்.
     இவரைத் தவிர தமிழகத்தின் அஸ்வின்! இவரது ஆட்டம் இந்த தொடரில் புஸ் ஆகிவிட்டது. ஏகப்பட்ட எதிர்பார்ப்புகள் இவர் மீது இருந்தது. ஆனால் இவரது பந்து வீச்சு எடுபடவில்லை! ரன்குவிப்பும் சுமார் ரகம்தான். இருந்தாலும் இவரும் கேப்டனின் செல்லப்பிள்ளையாக இருப்பதால் அணியில் தொடர்கிறார்.சுரேஷ் ரெய்னா அதிரடியாக ஆடி ஆட்டத்தின் போக்கை மாற்றக் கூடியவர். இவரது ஆட்டமும் இந்த தொடரில் அவ்வளவாக எடுபடவில்லை! சிறந்த ஆட்டக்காரர்கள் இருந்தாலும் ஜொலிக்காமையால்தான் ப்ளே ஆப் சுற்றிற்கு நேரடி தகுதி பெறாமல் காத்திருக்க வேண்டிய சூழ்நிலை சென்னைக்கு ஏற்பட்டது.
    ஆனால் இப்போது நிலை தலைகீழாக மாறியுள்ளது. மற்ற அணியில் நட்சத்திரங்கள் சென்னைக்கு எதிராக ஜொலிக்க மறக்கின்றனர். சென்னை அணியில் ஜொலிக்காத நட்சத்திரங்கள் ஜொலிக்க ஆரம்பித்து விட்டனர். இறுதிப்போட்டிக்கு தகுதி பெற்ற சென்னைக்கு இது மகிழ்ச்சியான விஷயம்தானே! நம்பிக்கையுடன் களம் இறங்குகிறது சென்னை அணி.
    எதிரணியை பொறுத்தவரை பலமும் பலவீனமும் நிறைந்த அணியாக காட்சி தருகிறது. கங்குலி தலைமை ஏற்று நடத்திய போதும் சரி! மெக்கல்லம் தலைமை ஏற்றபோதும் சரி தோற்றுக் கொண்டே இருந்த அணியை சென்றமுறை கம்பீர் ப்ளே ஆப் சுற்று வரை முன்னேற்றினார். இந்த முறை அதையும் தாண்டி பைனலுக்கு அழைத்து வந்துள்ளார். இது அவரது தனிப்பட்ட சாதனை என்றே கூறலாம்.
    அணியில் ஆல் ரவுண்டர்கள் காலிஸ். யூசுப் பதான் இருந்தாலும் கேப்டன் கம்பீரின் பேட்டிங் தான் பலம் இதுவரை 588 ரன்கள் குவித்துள்ளார் இவர். இவர் எழுச்சியில்தான் பல போட்டிகளை வென்றுள்ளது கொல்கத்தா.இவரைத் தவிர காலிஸ் மிடில் ஆர்டரில் களமிறங்கும் மனோஜ் திவாரி ஓரளவுக்கு கை கொடுக்கலாம். இந்த முறை தொடக்கத்தில் இருந்தே சொதப்பி வரும் யுசுப் பதான் கடந்த சில போட்டிகளாக எழுச்சி பெற்றுவருவது அணிக்கு ஒரு நற்செய்தி.
     பந்து வீச்சை பொறுத்தவரை திறமையான வேகப்பந்து வீச்சாளார்கள் அணியில் குறைவுதான். ஆல்ரவுண்டர் காலிஸ், சாகிப் ஹல் ஹசன், பாலாஜி போன்றோரையே வேகத்தில் நம்பியுள்ளது அணி. ஆனால் சுழல் மன்னன் சுனில் நரைன் தான் அணியின் துறுப்பு சீட்டாக உள்ளார். சென்ற ஐபிஎல்லில் அஸ்வினின் சுழல் எப்படி சுழன்று எதிரணியை தாக்கியதோ அப்படி தாக்குகிறது சுனிலின் சுழல். இதுவரை நடந்துள்ள போட்டிகளில் 24 விக்கெட் வீழ்த்தி தொடரில் விக்கெட் வீழ்த்தியவர்களில் இரண்டாவது இடத்தில் உள்ளார்.
    பங்கேற்ற 16 சுற்று போட்டிகளில் 10 ல் வென்று ப்ளே ஆப் சுற்றில் டெல்லியை வீழ்த்தி கோப்பை கைப்பற்ற தயாராக உள்ளது கொல்கத்தா நைட் ரைடர்ஸ். விட்டுக் கொடுக்க மறுத்து மூன்றாவது முறையாக கோப்பைக்கு போராடுகிறது சென்னை சூப்பர் கிங்ஸ். இரு அணிகளின் மோதல் இன்றைய விறு விறு ஷோவாக அரங்கேறப்போகிறது.
    இன்றைய இரவுப் பொழுது கிரிக்கெட் ரசிகர்களுக்கு ஒரு பெரும் விருந்தாக அமைய உள்ளது. கலக்கலான போட்டியை கண்டு களிக்க தயாராவோம்!

(படங்கள் பேஸ்புக்கில் சுட்டது!)

தங்கள் வருகைக்கு நன்றி! பதிவு குறித்த கருத்துக்களை கமெண்ட் செய்து ஊக்கப் படுத்தலாமே! திரட்டிகளில் வாக்களித்து பிரபல படுத்தலாமே! நன்றி!

Saturday, May 26, 2012

தப்பாட்டம் ஆடும் தமிழக ஐ.டி அமைச்சர்! பரப்பரப்பு தகவல்கள்!

சென்னை: தமிழக தகவல் தொழில்நுட்பத் துறை அமைச்சர் முக்கூர் சுப்பிரமணியம் பொய்யாக தாம் பி.ஏ. படித்திருப்பதாக அரசுக் குறிப்பில் இடம்பெறச் செய்திருப்பது தவறு என்று சில நாட்களுக்கு முன்பு திமுக தலைவர் கருணாநிதி கூறியிருந்தார். திருவண்ணாமலை மாவட்ட அதிமுகவினரும் இது தொடர்பாக போயஸ் தோட்டத்துக்கு புகார் மேல் புகார் அனுப்பி வருகின்றனர்.

உண்மையில் முக்கூர் சுப்பிரமணியம் படித்திருப்பதுதான் என்ன?

சட்டப்பேரவைத் தேர்தலின் போது செய்யார் தொகுதி வேட்பாளர் முக்கூர் சுப்பிரமணியன் பி.ஏ. என்று ஜெயலலிதா குறிப்பிட்டிருந்தார். பேரவைத் தேர்தல் வேட்பு மனுத்தாக்கலின் போது பி.ஏ. இரண்டாம் ஆண்டு என்று குறிப்பிட்டிருக்கிறார். ஆனால் கடந்த நாடாளுமன்றத் தேர்தலின் போது 6-ம் வகுப்பு பெயில் என்று குறிப்பிட்டிருந்தார்.

முக்கூர் சுப்பிரமணியம் வெற்றி பெற்ற பின்னர் அரசின் குறிப்புகளில் பி.ஏ. என்றே இடம்பெற்றிருந்தது. இது தொடர்பாக சர்ச்சை எழுந்தவுடன் பி.ஏ. என்பதை அடைப்புக் குறிக்குள் போட்டு அனைவரது வாயையும் அடைத்தனர்.

இது தொடர்பாக முக்கூர் சுப்பிரமணியத்திடம் கேட்கும் பத்திரிகையாளர்களிடம் தமிழ்நாடு திறந்தவெளிப் பல்கலைக் கழகத்தில் பி.ஏ. படிப்புக்கு சேர்ந்ததற்கான ரசீது, ஐ.டி.கார்டு, ஹால் டிக்கெட் ஏன் மார்க் ஷீட் எல்லாம் கூட இருக்கிறதே என்று காலரைத் தூக்கிவிடுகிறார். சரி என்று வாங்கிப் பார்த்தவர்கள்தான் வாய் பிளந்து போய் நின்றனர். பி.ஏ. பொலிடிக்கல் சயின்ஸ் பாடம் எடுத்திருக்கும் இவரது மார்க் ஷீட்டில் ஒரு பாடத்தில் கூட பாஸ் இல்லை. எல்லாமே பெயில்தான்..

ஆக முக்கூர் சுப்பிரமணியம் பி.ஏ.க்கு டிரை பண்ணியிருக்கிறார். அதை முடிக்கலை. ஆனால் பி.ஏ. படித்தாக "முதலமைச்சரை ஏமாற்றி, அரசின் குறிப்புகளில் போர்ஜரி" செய்திருக்கிறார் என்று அவரது ஆதாரங்களை வைத்தே ஆப்பு அடிக்கக் கிளம்பிவிட்டனர் அதிமுக உடன்பிறப்புகள்.

இது மட்டுமல்ல இவர் மீது ஏகப்பட்ட வழக்குகளும் இருக்கிறதாம். இதில் திருட்டு கேஸூம் அடக்கம். ஆனால் இதைப்பற்றியெல்லாம் வேட்பு மனுத்தாக்கலின் போது எதுவும் தெரிவிக்காமல் மறைத்துவிட்டாராம்..

அம்மா அமைச்சரவை மாற்றியமைச்சு நாளாச்சு... முக்கூரார்தான் திருஷ்டி கழிப்பார் போல..

டிஸ்கி} தமிழக முதல்வரின் கவனத்திற்கு இதெல்லாம் சென்று மாற்றி அமைத்தாலும் தவறு தவறுதானே! இது போன்றவர்க்ளை கட்சியில் சேர்த்து அமைச்சரும் ஆக்கி பார்த்து தீராத அவமானத்தை தேடிக் கொண்டுள்ளார் ஜே! இதெல்லாம் அவருக்கு சகஜம்! என்கிறீர்களா? அவருக்கு சகஜம் என்றாலும் இது போன்று அமைச்சர்களை நியமிப்பது அவரது நிர்வாக திறமையின்மையைத்தானே காட்டுகிறது. தீர விசாரிக்காமல் சீட் தந்து எம் எல் ஏ ஆக்கி அமைச்சரும் ஆக்கி விட்டு பின்னர் பத்திரிக்கைகள் ஜோக் வெளியிட்டால் மட்டும் சீறுவது ஏன்? அம்மா சிந்திக்க வேண்டும்!

தகவல் உதவி : தட்ஸ் தமிழ்

தங்கள் வருகைக்கு நன்றி ! பதிவு குறித்து கமெண்ட் செய்து ஊக்கப்படுத்துங்கள்!

விஸ்வரூபம் எடுத்த விஜய்! சரணாகதி அடைந்த வீரு!

விஸ்வரூபம் எடுத்த விஜய்! சரணாகதி அடைந்த வீரு!


நேற்று சென்னையில் நடந்த ஐபிஎல் போட்டியை பார்த்தவர்கள் யாரும் எளிதில் மறக்கமாட்டார்கள்! அப்படி ஒரு ஆட்டம் ஆடி விஸ்வரூபம் எடுத்து எதிரணியை ஒரே ஆளாய் வீழ்த்திவிட்டார் விஜய்.
    முரளிவிஜய் தமிழக அணியின் ஓபனிங் பேட்ஸ்மேன். கிளாசிக் பேட்ஸ்மேன் என்று அவரை வர்ணிப்பார்கள். சென்னை அணிக்கு தேர்வானபோது எல்லோருமே ஆச்சர்யப்பட்டார்கள் டி20 போட்டிக்கு இவர் ஒத்துவருவாரா என்பதுதான் அந்த ஆச்சர்யம். ரஞ்சி போட்டிகளில் பொறுமையாக ஆடி ரன் குவிப்பதற்கும் டி20க்கும் உள்ள வித்தியாசம் மலைக்கும் மடுவுக்கும் உள்ள வித்தியாசம். இவர் முதல் ஐபிஎல் தொடரில் அவ்வளவாக அணியில் சேர்க்க வில்லை. 2010 ஐபிஎல் தொடர்தான் இவரை வெளிச்சம் போட்டுக் காட்டியது.
    அந்த தொடரில் சென்னை அணியின் பல வெற்றிகளுக்கு காரணமாக இருந்தார். அதன் பின் இந்திய அணியிலும் இடம் பிடித்தார். ஒருசதம் கூட அடித்தார். ஆனால் இவரை நிலையாக அணியில் நீடிக்க விடவில்லை தேர்வாளர்கள். கடந்த ஐபிஎல் தொடரில் சென்னை அணியில் பெரிதாக பேசப்பட்டாலும் மோசமான பார்ம் காரணமாக பெரிதாக ஒன்றும் சாதிக்கவில்லை.
   இந்த தொடரின் ஆரம்பத்திலும் இவர் சொதப்பலாகவே ஆடிவந்தார். நிறைய பந்துகளை வீணடித்தார். குறைவான ரன்களையே எடுத்துவந்தார். இவரை நீக்கவேண்டும் என்று ரசிகர்கள் கோபப்பட்டனர். நான் கூட நேற்று இவருக்குப்பதில் அனிருத்தாவை சேர்த்திருக்கலாம் என்று எழுதியிருந்தேன். மிகப்பெரிய ப்ளேயராக இருந்தாலும் சொதப்பினால் மாற்றுவீரரை புகுத்தவேண்டும் என்பது என் கருத்து. ஆனால் தோனியின் கருத்து வேறு விதமானது. அவர் வீரர்கள் மீது அபரிமிதமான நம்பிக்கை வைத்து இருக்கிறார். அவர் வைத்த நம்பிக்கையை நிஜமாக்கி டெல்லியின் கனவை பொய்யாக்கி சென்னையை பைனலுக்கு அழைத்து சென்று இருக்கிறார் முரளி விஜய்.
    ஐபிஎல் தொடரில் இரண்டு சதம் அடித்த முதல் இந்தியவீரர் என்ற சாதனையோடு இந்ததொடரில் அதிவேகமாக அடிக்கப்பட்ட சதம் என்ற சாதனையையும் நிகழ்த்தினார் விஜய். நேற்று அவரது பொன்னாளாக அமைந்து விட்டது. தொடக்கம் முதலே பவுண்டரிகளாக விளாசிய அவர் சேவாக்கின் பந்தில் தூக்கி அடிக்கும் போது ரோஸ் டெய்லர் கேட்ச் செய்தார். அதிருஷ்ட தேவதை அவர் பக்கமிருக்க டீவி ரீப்ளேயில் டெய்லர் எல்லை கோட்டை மிதித்தது தெரியவந்தது. கேட்ச் சிக்ஸ் ஆனது. அந்த ஓவரில் மட்டும் 21 ரன்கள் குவிக்கப்பட நொந்து போனார் சேவக்.
    விஜய் பொதுவாகவே சுழல் பந்துகளை சிறப்பாக ஆடக்கூடியவர். இவருக்கு எதிராக சுழல் பந்துவீச்சாளர்களையே சேவாக் பயன் படுத்தியது அவருக்கு மிகவும் வசதியாக போனது. இந்த தொடரில் இரண்டாவது முறையாக 50 ரன்களை கடந்த அவர்51 பந்துகளில் சதம் அடித்து அசத்தினார். இவரது ரன் தாகம் இறுதி வரை குறையாமல் இருக்கவே சென்னை அணி 222ரன்களை அள்ள முடிந்தது. இவருக்கு நல்ல ஒத்துழைப்பு தந்த பிராவோ தோனி, ரெய்னா, ஹசியும் விரைவாக ரன்கள் குவித்தனர்.
     சிறப்பாக ஆடிய விஜய் 113 ரன்கள் எடுத்து கடைசி பந்தில் ரன் அவுட் ஆனார். மீண்டும் பீல்டிங் செய்யவந்த போதும் கலக்கினார். சிறப்பாக ஆடிய வார்னரை மிக அருமையான முறையில் கேட்ச் செய்து அவுட்டாக்கி அசத்தினார். மொத்தத்தில் இழந்த பார்மை மீட்ட அவர் சென்னை அணிக்கு கோப்பை வெல்லும் வாய்ப்பினை உறுதியாக்கிவிட்டார். பொதுவாகவே நாக் அவுட் சுற்றுக்களில் சென்னை சிறப்பாக ஆடும். அது கடந்த இரண்டு போட்டிகளில் உறுதியாகிவிட்டது. இதே உத்வேகத்துடன் ஆடினால் கோப்பை சென்னைக்குத்தான்.மொத்தத்தில் இவரது விஸ்வரூபத்தின் முன் வீரு சரணாகதி அடைய சென்னை எளிதாக  வென்றது!
   கம்பீர் அணிக்கு இப்போதே வயிற்றை கலக்க ஆரம்பித்திருக்கும் என்றுநினைக்கிறேன். சென்னையின் அதிர்ஷ்ட வாய்ப்பு யாராலும் நம்ப முடியாத ஒன்று மூன்று அணிகளின் அதிர்ச்சி தோல்வி காரணமாக உள்ளே நுழைந்த அணி இறுதி போட்டியில் கோப்பை வென்றால் இந்த சாதனை யாராலும் முறியடிக்க முடியாததாக இருக்கும். தோனியின் அதிருஷ்டம் தொடரட்டும். கோப்பை வெல்லட்டும் சென்னை அணி.


 சில துளிகள்!


நடப்பு .பி.எல்.5வது அதிக ரன்கள் வித்தியாசத்தில் வென்ற அணி என்ற பெருமை சென்னை சூப்பர்கிங்ஸூக்கு நேற்றைய போட்டியின் மூலம் கிடைத்திருக்கிறது.

-
.பி.எல்.5வது தொடரில் டெல்லி டேர்டெவில்ஸ் அணிக்கு எதிராக கெய்லை அடுத்து முரளி விஜய்தான் சதமடித்திருக்கிறார். டெல்லிக்கு எதிராக கெய்ல் 128 ரன்கள் எடுத்து அவுட்டாகாமல் இருந்தார். நேற்றைய போட்டியில் 113 ரன்கள் எடுத்திருந்தார் முரளி விஜய்.

-
நேற்றைய போட்டியில் ஆட்ட நாயகன் விருதைப் பெற்றதன் மூலம் .பி.எல்.போட்டிகளில் 5-வது முறையாக அவர் ஆட்ட நாயகன் விருதைப் பெற்றிருக்கிறார்.

-
ரோஸ் டெய்லரின் பந்தை கேட்ச் பிடித்ததன் மூலம் சுரேய் ரெய்னா .பி.எல். போட்டிகளில் 42 கேட்சுகளைப் பிடித்திருக்கிறார்.

-
சென்னை அணி எடுத்த 222 ரன்களே இந்த ஐபிஎல் போட்டியில் அடிக்கப்பட்ட அதிகபட்ச ஸ்கோர். இதற்கு முன் டெல்லி டேர்டெவில்ஸ் அணிக்கு எதிரான ஆட்டத்தில் பெங்களூர் எடுத்த 215 ரன்களே அதிகபட்ச ஸ்கோராக இருந்தது.

-
விஜய் நேற்று அடித்த சதமே அதிகவேக சதமாகும். 51 பந்துகளில் 4 சிக்ஸர், 13 பவுண்டரிகளுடன் அவர் சதம் கண்டார். முன்னதாக ரோஹித் சர்மா, டேவிட் வார்னர் (52 பந்துகளில்) அடித்த சதங்களே அதிவேக சதமாக இருந்தது.

-
நடப்பு .பி.எல். போட்டியில் 12 ஆட்டங்களில் விளையாடிய விஜய், அரைசதம்கூட அடிக்கவில்லை. ஆனால் தனது 13-வது ஆட்டத்தில் சதமடித்து சென்னைக்கு அபார வெற்றியைப் பெற்றுதந்துள்ளார். நடப்பு ஐபிஎல் போட்டியில் அடிக்கப்பட்ட 6-வது சதம் இது. மேலும் நடப்புத் தொடரில் தனி ஒரு வீரர் அடித்த 2-வது அதிகபட்ச ஸ்கோரும் இதுதான்.

-
ஐபிஎல் போட்டிகளில் விஜய் அடித்த 2-வது சதம் இது. இரு சதம் அடித்த ஒரே இந்திய வீரரும் அவர்தான்.

தங்கள் வருகைக்கு நன்றி! பதிவு குறித்து கமெண்ட் செய்து ஊக்கப்படுத்துங்கள்!



Related Posts Plugin for WordPress, Blogger...