Saturday, April 30, 2011

சிவவழிபாடு.


சிவவழிபாடு.

கிழக்கு மேற்கு நோக்கிய சன்னதிகளில் வடக்கே தலை வைத்து வணங்க வேண்டும் தெற்கு வடக்கு நோக்கிய சன்னதிகளில் கிழக்கே தலைவைத்து வணங்க வேண்டும்.
கால் நீட்டும் பின்புறத்தில் எந்த சன்னதியும் இருக்க கூடாது. கொடிமரத்தின் முன்னால் விழுந்து வணங்கினால் அங்கு எந்த தெய்வ சன்னதியும் இருக்காது அதனால்தான் இங்கு மட்டுமே விழுந்து வண்ங்க வேண்டும் என்று முன்னோர்கள் விதித்துள்ளனர்.

அபிஷேக காலத்தில் கோயில் உட் பிரகாரத்தில் வலம் வரக்க்கூடாது ஆலய ஆகம விதிப்படி சிவன்கோயிலில் மூலவருக்கும் எதிரில் உள்ள நந்திக்கும் இடையே உள்ள இடத்தில் விழுந்து வணங்க கூடாது.

நந்தி மூக்கினால் வரும் சுவாசக்காற்று மூலவருக்குப்போய் அவருக்கு நிலை தருவதாக ஐதீகம். இதனால் குறுக்கே செல்வதும் வணங்குவதும் கூடாது என்பார்கள்.

சிவன் கோயிலிக்கு செல்பவர்கள் கோயிலிலிருந்து வெளியே வரும்போது கோயில் வாயிலில் சிறிது நேரம் உட்கார்ந்துவிட்டுதான் வர வேண்டும். அதே போல் வீட்டிற்கு வந்தவுடன் கால் அலம்பக்கூடாது. சிறிது நேரம் கழித்துதான் கை கால்களை சுத்தம் செய்து கொள்ள வேண்டும்.

நைவேத்தியம் செய்யும்போது தரிசனம் செய்தல் கூடாது. அவ்வாறு செய்தால் வேதாளமாக பிறக்க நேரிடும் என்று ஆகமங்கள் கூறுகின்றன.
 
செம்பருத்தை, தாழம்பு குந்தம் கேஸரம் குடஜம் ஜடாபுஷ்பம் ஆகியவைகளால் சிவனுக்கு பூஜை செய்யக்கூடாது.  

ஆலயங்களில்

பூஜை இல்லையெனில்  ரோகம் உண்டாகும்.
புஷ்பம் இல்லையெனில் குலநாசமுண்டாகும்
சந்தனமில்லாவிடில்  குஷ்டரோகமுண்டாகும்
தண்ணீர் இல்லாவிடில் துக்கமுண்டாகும்
தூபமில்லாவிடில் சுகக்குறைவு உண்டாகும்
தீபமில்லாவிடில் பொருள் சேதமேற்படும்
நெய் இல்லாவிடில் மரணபயம் ஏற்படும்
நைவேத்தியமில்லாவிடில்  துர்பிக்ஷமுண்டாகும்
அன்னபலி போடாவிடில் கிராமம் க்ஷீணமடையும்.
மணி இல்லாவிடில் செவிட்டுத் தன்மை உண்டாகும்
மந்திரம் இல்லாவிடில் தரித்திரம் உண்டாகும்
வஸ்திரம் இல்லாவிடில்  மகாரோகமுண்டாகும்
ஹோமம் இல்லாவிடில் குலக்ஷேமக்குறை உண்டாகும்
உத்ஸவங்கள் இல்லாவிடில் அரசர் ராஜ்யங்களுக்கு பயமுண்டாகும்.

நத்தம் ஸ்ரீ வாலீஸ்வரர்.



நத்தம் ஸ்ரீ வாலீஸ்வரர்

அம்பிகை ஆனந்த வல்லியை (ராகு) சர்ப்ப வடிவில் தீண்டியதால் ஏற்பட்ட விஷத்தை ஏற்றுக்கொண்டதால் சிவலிங்கம் கருமையாக உள்ளது. மேலும் சிவனின் ஐந்து முகங்களில் ஒன்றான அகோரமும் கருமை நிறம் கொண்ட லிங்கம் எனவும் கொள்ளலாம்.
     வானர அரசன் வாலியின் ப்ரம்மஹஸ்தி தோஷம் இச்சிவனை வழிபட்டதால் நீங்கியது. ஒரு சமயம் வாலி இலங்கை வேந்தன் இராவணனோடு போரிட்டு வென்றான் பின்பு அவனை தம் வாலில் கட்டி காடு மேடு மலைகளில் இழுத்து சமுத்திரத்தில் மூழ்கடித்து பலவாறு துன்புறுத்தினான். இராவணன் அரக்கன் ஆனாலும் விஸ்ரவசு என்னும் ரிஷியின் புத்திரன். மேலும் பிரம்மனின் பேரன். எனவே அவனைதுன்புறுத்திய வாலிக்கு பிரம்மஹஸ்தி தோஷம் பிடிக்கிறது. வாலி ப்ரம்மாவை நாடி தோஷம் நீங்க உபாயம் கேட்கிறான். பிரம்மன் வாலியை புண்யாரண்ய நெல்லி வனத்தில் உறையும் அகோர (கருமைநிற) சிவனை வழிபட்டால் பிரம்மஹஸ்தி தோஷம் நீங்கும் என்று அனுப்பி வைக்கிறார்.
           வாலி நெல்லி வனம் வந்து வற்றாத கங்கைநீர் சுனையில் நீராடி செவ்வல்லி தாமரை தடாகத்தில் தீர்த்தமெடுத்துஈஸ்வரனை அபிஷேகித்து தாமரை அல்லி மலர்களால் அர்ச்சித்து வழிபட்டான். ஈசன் வாலியின் வழிபாட்டில் மிகவும் மகிழ்ந்து ஆனந்தவல்லி அம்பிகையுடன் காட்சி தந்து வாலியின் தோஷம் நீக்கியதோடு அல்லாமல் இனி இத்திருத்தலம் வாலி வனம் எனவும் தீர்த்தம் வாலித்தீர்த்தம் எனவும் நான் வாலீஸ்வரர் எனவும் வழங்கப் படுவேன் என்று வரங்களை தந்தருளினார்.
       இங்குள்ள தீர்த்ததில் நீராடி என்னை வழிபடுவோர் வாழ்வில் உள்ள தோஷங்கள் துயரங்கள் நீங்கும் எனவும் வரமருளினார்.

லிங்க்த்தின் ஆவுடயார் அலங்காரங்களுடன் கூடிய சதுரவடிவில் அமைந்து இருப்பது அபூர்வமாகும் . லிங்கங்களில் தேவலிங்கம்,மானுடலிங்கம்,ரிஷிலிங்கம்,ராட்சச லிங்கம், பாணலிங்கம்,சுயம்புலிங்கம்,க்ஷணிக லிங்கம் என பலவகை உண்டு அவைகளில் இல்லிங்கம் தேவலிங்கமாகும். ஸ்ரீ வாலீஸ்வரருக்கு பால் அபிஷேகம் செய்தவுடன் வழியும் பால் கோடுகள் கருநீல நிறமாகத் தெரியும். சர்ப்ப தோஷம் உடையவர்கள் அப்பாலை வேண்டுதல் செய்து பருகினால் கால சர்ப்ப தொஷம் நீங்கி திருமணம் கைகூடும்.
     அம்பிகையின் ராகு தோஷம் நிவர்த்தியான ஸ்தலமானதால் இவ்விடம் ராகு தோஷம் அங்காரக தோஷம் ஆகியவை பரிகாரத்தின் மூலம் நிவர்த்தியாகி கஷ்டங்கள் விலகும்.
     இவ்வாலயத்தில் பிரதோஷ வழிபாடு செய்தால் சுருட்டபள்ளியில் பிரதோஷவழிபாடு செய்ததின் மும்மடங்கு பலன் கிடைக்கும் என்று ஆலய புராணம் கூறுகிறது.

ஆலயத்திற்கு செல்லும் வழி:  சென்னை கோயம்பேடு பஸ் நிலையத்திலிருந்து 4வது 5வது பிளாட் பாரம் 28,29,30 வது நிறுத்துமிடங்கள் பேருந்து எண்கள் 58சி,90,131,132,133,112ஏ,பி,133ஏ 533,558சி.
பிராட்வேயிலிருந்து 557 வள்ளலார் நகரிலிருந்து 547,558 558ஏ,பி
 இறங்குமிடம் பஞ்செட்டி.
  பஞ்செட்டியில் இருந்து மேற்கே பிரியும் சாலையில் 3கி.மி தொலைவில் நத்தம் ஸ்ரீ வாலீஸ்வரர் கோயில் உள்ளது.  வாகன வசதி இல்லை. வாகன வசதி வேண்டின் மேற்கண்ட பேருந்துகளில் ஏறி ஜணப்பன் சத்திரம் கூட்டு ரோட்டில் இறங்கி விட வேண்டும் அங்கிருந்து ஆட்டோ வசதி உண்டு கட்டணம் ரூ 100.

Friday, April 29, 2011

சிரிக்க வைத்த சிரிப்புகள்!


சிரிக்க வைத்த சிரிப்புகள்!



# தலைவரே பசுமை புரட்சிக்கு எதிரா அரசு செயல்படுது!
    சும்மா இருப்பா கஞ்சா தோட்டம் போட்டா கவர்மெண்ட் சும்மா இருக்குமா?
       சி.பி செந்தில் குமார் சென்னிமலை.

# அப்பா நான் ஒருத்தரை காதலிக்கிறேன்!
   பையன் என்ன பண்றான்?
  வயித்துல எட்டி எட்டி உதைக்கிறான்பா!
                     ஜே.வடிவேல்

# FM ரேடியோவில வேலைக்கு சேர்ந்தது தப்புன்னு நினைக்கிறேன்.
 ஏண்டா?
 சம்பள பாக்கிய கேட்டா கேளுங்க கேளுங்க கேட்டுகிட்டே இருங்கன்னு சொல்றாங்க!
            எம்.பி கருணாகரன்.

# டேய் நான் ஒருபொண்ண காதலிச்சேன் அவளுக்காக               உயிரையே கொடுத்தேண்டா!
 அப்புறம்!
  அப்புறமென்ன... கலைச்சிட்டா!
                ஜே.வடிவேல்

# வாய் ரொம்ப நாறுது டாக்டர்!
   எவ்வளவு நாளா?
உங்க வாய் பத்தி உங்களுக்குத்தானே தெரியும் டாக்டர்?
             சாயம் வெ. ராஜாராமன்.

# சக்கரை வியாதி வந்ததுலேர்ந்து வீட்டுல என்னை தெய்வமா மதிக்கிறாங்க!
அடடே எப்படி!
ஸ்வீட் செஞ்சா எனக்கு சும்மா காமிச்சுட்டு மத்தவங்களே சாப்பிடறாங்க!
      வி.சாரதி டேச்சு

# கவலைப்படாதீங்க சார் ஏதாவது துறைமுகத்துல நிக்கறப்போ கண்டுபிடிச்சு கூட்டிட்டு வந்துடலாம்.
  யோவ் மானம் கப்பலேறி போச்சுன்னு வருத்தப்பட்டா நக்கல் உடறியா?
             அஜித்லால்

உடல் நலம்


ஆமாம் நீங்க நலமா?

                   மருத்துவ குறிப்புகள்

@ பற்களில் இரத்தக்கசிவா? இதற்கு சீரகம்,கடுக்காய், உப்பு மூன்றையும் சிறிதளவு எடுத்துக்கொண்டு அதை இடித்து தூளாக்கி தினமும் இரண்டுவேளை பல் துலக்கி வந்தால் இரத்த கசிவு நிற்கும்.

@ உங்களுக்கு வயிற்றுப்புண்ணா? அப்படியெனில் காப்பி டீ குடிப்பதை நிறுத்துங்கள். நுரை வரும் பாணங்கள் உணவுக்குழாயில் சுழற்சியை நெஞ்செரிச்சலை ஏற்படுத்துகிறது எனவே காப்பி டீ கோலா போன்றவற்றை தவிர்ப்பது நல்லது.

@ தலைக்கு அதிக உயரமான தலையணைகள் வைத்துப்படுப்பதால் நீண்டகால சளித்தொல்லைக்கு ஆளாக நேரிடும்.மேலும் தலைச்சுற்றல் பிடரிவலி போன்றவையும் ஏற்படலாம். சமதரையில் தலைவைத்துப்படுப்பதே நல்லது.

@ தொண்டைப்புண்ணா? மஞ்சள் பொடி போட்டு கொதிக்கவைத்த நீரை வாயில் ஊற்றிக்கொண்டு தொண்டையில் படும்படி சற்று நேரம் வைத்திருந்து பிறகு கொப்பளித்து விடவும் சில வேளைகள் செய்து வர தொண்டைப்புண் பொயே பொயிந்தி!

@ நுரையீரல் சம்பந்தமான நோய்களுக்கு வெற்றிலைசாற்றுடன்   இஞ்சிச்சாறு கலந்து கொடுக்கலாம்.

@ ஜலதோஷம் உள்ளவர்கள் எலுமிச்சைச் சாறு அருந்தலாமா? தாராளமாக! சாப்பிடலாம் ஆனால் ஐஸ் இல்லாமல். எலுமிச்சைச் சாறில் விட்டமின் சி உள்ளது. இது ஜலதோஷத்தை குறைக்க வல்லது. அதே நேரத்தில் உடல் பருமனை குறைப்பதிலும் இரத்த அழுத்தம் குறையவும் எலுமிச்சைச் சாறு உதவுகிறது.
 
@சிறுநீரில் உள்ள கற்களை துளசிச் சாறு கரைக்கும். ஒரு தேக்கரண்டி தேனும் சேர்த்துஅரை டம்ளர் துளசிச்சாறை தினமும் ஒருமுறை ஆறுமாத காலம் அருந்திவர கற்கள் கரைந்து சிறுநீர் வழியே வெளியேறி விடும்.

@ ஒரு வயது குழந்தையிலிருந்து எல்லோருக்கும் இரும்புச்சத்து தேவை. இதை எளிதில் பெற வாழைப்பழம் சாப்பிடுங்கள்.

Thursday, April 28, 2011

அறிந்து கொள்வோம்!



கண்ணதாசனுக்கு பிடித்த மதம்


சிங்கப்பூரில் நடந்த விழா ஒன்றிற்கு கவிஞர் கண்ண தாசனை அழைத்திருந்தார்கள் நிகழ்ச்சி ஆரம்பித்து வெகு நேரம் ஆகியும் கவிஞர் அவைக்கு வந்த பாடில்லை. கூட்டம் பொறுமை இழ்ந்து சலசலத்தது.அந்நிலையில் கவிஞர் வந்து சேர்ந்தார். உடனே பேச ஆரம்பித்தார். “சிலருக்கு இந்துமதம் பிடிக்கும்.சிலருக்கு கிறிஸ்துவமதம் பிடிக்கும் எனக்கோ தாமதம் பிடிக்கும் என்று சொல்லி நிறுத்தினார். மக்கள் அவருடைய வார்த்தை நயத்தை ரசித்து மகிழ்ந்து ஆரவாரம் செய்தனர்.
    வந்தது எப்படி?



ஐரோப்பாவில் உள்ளது செங்கடல் இந்த பெயர் வந்தது எப்படி? செங்கடல் நீர் சிவப்பாக இருக்காது. “எடாம்” என்ற மலையின் நிழல் இந்த கடல் நீரில் தெரிகிறது.ஹீப்ரு மொழியில் “எடாம்” என்றால் சிவப்பு என்று அர்த்தம் ஆகவே இக்கடல் செங்கடல் என அழைக்கப்படுகிறது.



ஆச்சர்யம் ஆனால் உண்மை
மனிதன் சிந்திக்கும் வேகம் னிமிடத்திற்கு 500 சொற்கள். பேசும் வேகம் நிமிடத்திற்கு 100 சொற்கள்
நமக்கு நன்கு தெரியும் பாட்டி வடை சுடும் கதைக்கு மூல ஆசிரியர் ரஷ்யாவைச் சேர்ந்த ஐவன் கிரைலாவ்
மர குதிரை!
முதன் முதலில் சைக்கிள் 1818ல் மரத்தினால் செய்யப்பட்டது. அதில் பெடல் கிடையாது.கால்களால் உந்தித் தள்ளி ஓட்ட வேண்டும் அதை மரக்குதிரை என்று அழைத்தனர்.
 மனிதமுகத்திலுள்ள எலும்புகள் எத்தனை தெரியுமா? 14.

மறைவாக ஒரு காரியம்!


மறைவாக ஒரு காரியம்

நான் “அந்த” காரியம் செய்யப்போகிறேன் என்றதும் எனது இதயம் 60கிமீ வேகத்தில் “படபட”வென்று அடித்துக்கொண்டிருந்தது. எனக்கு பயம்தான் நான் இதுவரை அதெல்லாம் செய்ததும் இல்லை.ஆனால் நண்பன் சிவாதான் கட்டாயப்படுத்தினான்.
    “டேய் குமார் வாழ்க்கையில் ஒரு ‘த்ரில்’ வேணும்டா எங்களைப்பாரு நாங்க என்ன கெட்டாப் போயிடும். இதுக்கூட கத்துக்கலன்னா அப்புறம் நீ என்னடா ஆம்பள போ போயி புடவை கட்டிக்கோ போ என்று உசுப்பேத்திவிட என் ரோஷம் பொத்துக்கொண்டு வந்தது.
      என்னையா பொட்டைன்னு சொல்ற நான் ஆம்பளடா நீ என்னா சொன்னாலும் சரிடா நான் ரெடிடா! என்றேன்.
    அப்படி போடு மச்சி சாயாங்காலம் குளக்கரைக்கு வந்துடு அங்கதான் வசதியா இருக்கும் என்றவன் போய்விட்டான்.
    நான் அக்கம் பக்கம் யாராவது பார்த்துவிடப்போகிறார்கள் என்று பயந்தபடியே இப்போது குளக்கரையில் அமர்ந்திருக்க எனது இதயம் படபடத்தது.எனக்கு வேணும் மனசுக்குள் முனகினேன்.
“டேய் குமார் வந்துட்டியா ?” முதல்ல சட்டைய கழட்டு” சிவா குரல் விடுத்தான்.
“டேய் வேண்டாம்டா! பயம்மாயிருக்குடா” “ஏய் ஆரம்பிச்சுட்டியா புராணத்தை கழட்டுடா மரியாதையா!”.
சட்டையை கழட்ட “ம் லுங்கி அத யாரு கழட்டுவா?”
“வேண்டாம்டா”
“அடச்சீ கழட்டுடான்னா”
கழட்டிஎறிந்தேன் . ம்.. குளத்தில் குதி! கைய கால மாத்தி போடு ! ம் ஆவட்டும் என்று நீச்சல் தெரியாத எனக்கு நீச்சல் கற்றுக்கொடுக்க ஆரம்பித்தான் சிவா.
ஐயையோ அடிக்கவராதீங்க சார்.

Wednesday, April 27, 2011

PM Sonia pay homage to Sri sathya sai baba | சாய்பாபாவுக்கு பிரதமர், சோனியா அஞ்சலி: இன்று காலை 9.30க்கு பாபா உடல் அடக்கம் Dinamalar

PM Sonia pay homage to Sri sathya sai baba | சாய்பாபாவுக்கு பிரதமர், சோனியா அஞ்சலி: இன்று காலை 9.30க்கு பாபா உடல் அடக்கம் Dinamalar

கவிதைத் தேன்!


வாழைமரம் கற்றதா?
கனி கொடுக்க மறந்ததா?
சோலைவனம் கற்றதா?
நிழல் கொடுக்க மறந்ததா?
பசுவும் கன்றும் கற்றதா?
பால் கொடுக்க மறந்ததா?
நந்தவனம் கற்றதா?
நறுமலர் தர மறந்ததா?
விளைநிலம் தான் கற்றதா?
விளைச்சல் தர மறந்ததா?
தென்னை மரம் கற்றதா?
தேன்சுவைநீர் தர மறந்ததா?
கழுதைக் கூட்டம் கற்றதா?
பொதிசுமக்க மறுத்ததா?
ஊற்று நீர் கற்றதா?
நீர் சுரக்க மறந்ததா?
பெற்ற மக்கள் கற்றதேன்?
பெற்றோரை வீதியில் விட்டதேன்?
மனிதகூட்டம் கற்றதேன்?
மனிதம் மறந்து போனதேன்?

Tuesday, April 26, 2011

சத்ய சாய் பாபா ஆல்பம்






பாபாவுக்கு கவிதாஞ்சலி!


பாபாவுக்கு கவிதாஞ்சலி!
 


சத்ய சாயி!
நீதான் உன்
பக்தர்களுக்கெல்லாம் ஆயி!

நீ செய்வாய் சித்து
பக்தர்களுக்கெல்லாம்
உன்மேல் பித்து!

நீ சேர்த்திருக்கலாம்
பல கோடி சொத்து
ஆனால் உன் அமுத
மொழிகளே எங்கள்
முத்து!

புட்டபர்த்தி எனும்
சிறு மெழுகுவர்த்தி
உன்னால் ஆனது
பெரும் காட்டுத்தீ!
 
பிரசாந்தியில் நீ
ஆற்றும் உரை!
இனி எப்பொழுது
சேர்வோம் கரை!

பக்தியொடு
தேவை மக்கள்
சேவை! அன்போடு
உணர்த்தினாய் இதை!

தந்திரம் என
பழித்தோரும்
உன்னிடம் பெற்றனர்
மோதிரம்!
சென்னையின்
தாகம் தணித்த
இறை மன்னவனே!

ஆயிரம் கல்விமையம் உன்
பாயிரம் பாட உன்
மருத்துவ சேவைமையங்கள்
மகத்துவம் பேச
நீ சென்றாய் உன்
உடலை விட்டு!

தகிக்கும்
வெயிலில் தவிக்கும்
தளிர்களைப்போல
தவிக்கும் பக்தர்களைவிட்டு!

உன்னுயிர் உன்னைவிட்டுச்
சென்றாலும்
உன்னருள் என்றும்
எமை காக்கும்!
உன் புகழ் என்றும் உலகினில்
நிலைத்து நிற்கும்!


Monday, April 25, 2011

Sathya Sai Baba solve the drinking water problem in chennai | சென்னையின் தாகம் தீர்த்த சத்யசாய் பாபா Dinamalar

Sathya Sai Baba solve the drinking water problem in chennai | சென்னையின் தாகம் தீர்த்த சத்யசாய் பாபா Dinamalar

அறிந்து கொள்வோம்!




அறிந்து கொள்வோம்!

உலகிலேயே மூன்று இடங்களில்தான் வைரம் கிடைக்கிறது.அதில் இந்தியாவும் ஒன்று. ஆயிரம் கிலோ மண்ணைத் தோண்டி அலசினால் 1மில்லிகிராம் வைரம் மட்டுமே கிடைக்கும்.

பெருவா எனும் ஒரு செடியின் வேரிலிருந்து வடியும் திரவம் உலர்ந்து பெருங்காயமாக நமக்கு கிடைக்கிறது.பெருவா எனும் செடி வளைகுடா நாடுகளில் மட்டுமே உள்ளது.

மைக்கா ஒரு தாதுப்பொருள் இது பூமியிலிருந்து தகடுகளாக வெட்டி எடுக்கப் படுகிறது.ஒன்றின்மேல் ஒன்றாக அமைந்திருக்கும் பல நிறங்களில் கிடைக்கிறது. மைக்காவினால் மின்சார கருவிகளும் தீயணைப்புக் கருவிகளும் செய்யப்படுகின்றன.

எட்டு ஆண்டுகளுக்கு ஒருமுறை பூக்கும் பூவின் பெயர் கர்வி.மழைக்காலங்களில் மட்டும் பூக்கும் இப்பூ மஹாராஷ்டிரா குஜராத் ம.பி யின் காடுகளில் காணப்படுகிறது.

எலிகள் எப்போதும் எதையாவது கொறித்துக்கொண்டே இருக்கும்.ஏனெனில் அதன் பற்கள் வளர விடாமல் தடுக்க இவ்வாறு செய்கின்றன. எலிகள் தங்கள் பற்களை வளர விட்டால் இரண்டரை செ.மீ நீளம் வளர்ந்து வாய் கிழிந்து இறந்து போகும்.

பூமியில் உள்ள கடல்களில் மிகப்பெரியது பசிபிக் கடல்.இதன்பரப்பளவு 16கோடி சதுர கீ.மீ பூமியின் மொத்த பரப்பில் இது மூன்றில் ஒரு பங்காகும் பசிபிக் என்றால் ‘அமைதியான’ என்று பொருள்.

சட்டையில் பட்டன்கள் வைத்து தைக்கும் முறையை சீனர்களே முதலில் உலகிற்கு அறிமுகப்படுத்தினர்.அன்பு,அறிவு,துணிவு,வாய்மை,நேர்மை ஆகிய ஐந்து கொள்கைகளை வலியுறுத்தும் வகையில் 5பட்டன்கள் கொண்ட சட்டைகள் தைக்கப்பட்டன.

தையல் இயந்திரம் 140 ஆண்டுகளுக்கு முன்பு கண்டுபிடிக்கப்பட்டது.முதலில் கண்டுபிடித்தவர் திமோனியர். இது கையால் இயக்கப்பட்டது.காலால் மிதித்து இயக்கும் மிஷினை ஐசக் மெரிட் சிங்கர் 1851ல் தயாரித்தார்.

குழந்தைகள் ஒரு நாளைக்கு குறைந்தபட்சம் 300முறை சிரிக்கிறார்கள்.முதியவர்கள் ஒருநாளில் குறைந்தபட்சம் 47முறை சிரிக்கிறார்கள்.

உலகில் இரவே இல்லாத இடம் ஹேமர் பாஸ்ட் எனப்படும் பனிப்பிரதேசம் இங்கு 24மணி நேரமும் சூரியனின் கதிர்கள் விழுகின்றன.

புதுக்குறள்!



புதுக்குறள்!

வருக வளைதளத்திற்கு வந்தபின் தவறாமல்
தருக தங்கள் ஓட்டு

எஃப்ளாக்கை ஃபாலோ செய்யினும் ஹிட்டுண்டாம்
ஹிட்டில்லை அன்ஃபாலோ செய்பவர்க்கு
 
தேடுசொல் தேடி தேர்ந்து எடுத்து
தேடித் தரும் கூகுள்

ஃபேஸ்புக் லாகிருக்க ஆர்குட் செல்லல்
வேஸ்ட் டைம் மச்சி


அடி!



அடி!

பஸ் ஸ்டாண்டில் ஆங்காங்கே முளைத்த காளான்களாய் மக்கள் நின்று கொண்டிருக்க எதிரே இருந்த டீ ஸ்டாலில் சூடாக வியாபாரம் நடந்துகொண்டிருந்தது. பிச்சைக்காரன் ஒருவனும் தருமம் கேட்டுக்கொண்டிருக்க நான் பஸ் வராத எரிச்சலில் நின்றுகொண்டிருந்தேன்.
       அப்பொழுது ‘சார்’ என்ற குரல் கேட்டு திரும்பினேன். இரண்டு மாணவர்கள். ‘சார் நாங்க குஜராத் வெள்ள நிவாரண நிதி வசூல் செய்யறோம் உங்களாலே முடிஞ்சதை ஹெல்ப் பண்ணுங்க சார்.நம்ம சகோதர மக்களுக்கு உதவியாக இருக்கும்’ என்றனர்.
       பஸ் வராத எரிச்சலில் நின்றிருந்த நான், ‘ஏம்பா ஒழுங்கா ஸ்கூல்ல படிக்கிற வேலைய மட்டும் பாருங்க படிக்க மட்டும் மாட்டிங்க இந்த மாதிரி நிவாரணம் நிதின்னு உண்டிய தூக்கிகிட்டு கிளம்பிடுறிங்க’. உங்க அப்பாஅம்மா புள்ள படிக்க போயிருப்பானுங்கன்னு நினைக்க நீங்க ரோட்டுல பிச்சை எடுத்திட்டு திரியறீங்க’. நீங்க வசூல் பண்ணிதான் குஜராத் மக்களுக்கு பணம் கிடைக்க போவுதா? போங்க போங்க என்று எரிந்து விழுந்தேன்.
         அவர்கள் முகம் பொலிவை இழக்க மவுனமாக அகன்றனர். அப்பொழுது அந்த பிச்சைக்காரன் அவர்களை கூப்பிட்டான்.தம்பிகளா கொஞ்சம் நில்லுங்க! அவர்கள் காதில் வாங்காது போகவே மீண்டும் அழைத்தான்.
     ‘தம்பிகளா உங்களைத்தான் நில்லுங்க!’ அவர்கள் தயங்கி நிற்க அவன் அவர்களிடம் சென்றான்.ஒரு சுருக்கு பைநிறைய இருந்த சில்லறைகளை அவர்களிடம் நீட்டினான் இதுல 100ரூபா இருக்கு தம்பி! பிச்சை எடுத்து சேர்த்த காசுதான் புயல் நிவாரணத்துக்கு எடுத்துக்கோங்க! அங்க பட்டினியால தவிக்கிற யாரோ ஒருத்தருக்கு உதவும்ல நா ஒருநாள் பட்டினியா இருந்தா கொறஞ்சுட மாட்டேன்.
         ‘படிக்கிற வயசுல நீங்க இப்படி தெருத் தெருவா அலைஞ்சி வசூல் பண்றப்ப தெருதெருவா அலையற நான் பணம் கொடுக்கிறதுல ஒண்ணும் தப்பே இல்ல தயங்காம வாங்கிகோங்க!’
        ‘பிச்சை எடுக்கிறது எனக்கு பழகிப்போச்சு! வசவும் பழகிப்போச்சு! படிக்கிற உங்களுக்கு இதெல்லாம் புதுசு! நீங்களே வசவை வாங்கிகிட்டு சேவை செய்யறீங்க  அந்த சேவையில என் பங்கும் இருக்கட்டுமேய்யா’ என்று சொன்னபோது என்னை யாரோ சாட்டையால் அடித்த மாதிரி இருந்தது.
    

Sunday, April 24, 2011

ஹை! ஹைக்கூ!


ஹை ஹைக்கு!

வான வீதியில்
வர்ணஜாலம்!
கந்தகமில்லா
பட்டாசு!
இடி!

பேனா
மனதின் மக்களை
ஏட்டுச் சுவடியில்
பிரசவிக்கும் தாய்

தினம் தினம்
இளைக்கிறாயே
காரணம்தான் என்ன?
நாட்காட்டி

அட
வான வீதியில்
வட்ட விளக்கு
பவுர்ணமி

“சில்” லென்று
தழுவும் முகம்
காட்டா மோகினி
காற்று.

ரொம்ப நேரமாய்
சிணுங்கியும்
எடுப்பாரில்லை
மேஜையில் தொலைபேசி

தலையை சீவினாலும்
தயங்காமல்தருகிறது
தண்ணீர்!
இளநீர்!

காணவில்லையே
காணவில்லையே
என்று தவித்தவர்கள்
கண்டதும் ஒடுவதுஏன்?
மழை!

இயற்கை
அளித்த நிழல் கு(கொ)டை
மரம்

அஹிம்சையை போதித்த
காந்திக்கு ஹிம்சை
தபால் தலையில் காந்தி

Saturday, April 23, 2011

Dinamalar Sports - Cricket,கிரிக்கெட்

Dinamalar Sports - Cricket,கிரிக்கெட்

பொன்மொழிகள்



ஆன்றோர் மொழிகள்

தூசியைக்கண்டதும் இமைகள் மூடுவது போல தீமையை கண்டதும் விலகி விட வேண்டும்.
        புலவர் கீரன்
தோலிவியை ஒப்புக்கொள்ளத் தயங்காதே! தோல்வியிலிருந்து கற்றுக்கொள்ள வேண்டியது நிறைய உள்ளது.
                 -லெனின்
பழகிய மனைவி,பழகியநாய், தயாராக இருக்கும் பணம் ஆகியவைதான் நம்பிக்கைக்குரிய நண்பர்கள்.
              பெஞ்சமின் ஃப்ரான்க்ளின்

தான் சிறந்த அறிவாளி என்று நினைப்பவன் முட்டாள் மட்டுமல்ல துன்பம் தருபவனும்கூட.
              -டைரர்
முயற்சியும் தன்னம்பிக்கையும் ந்றைந்தவனுக்கு நேரம் இரு கைகளையும் தூக்குகிறது.
                                            -மண்ட்
உண்மை எங்கே இழுத்து செல்லினும் பின் தொடருங்கள்.கோழையாகவும் வேடதாரியாகவும் ஆகாதீர்கள்.
                         -விவேகானந்தர்.
ஒருவனைக் கண்டிக்க நேர்ந்தால் தனிமையில் கண்டியுங்கள்! ஒருவனை பாராட்ட நேர்ந்தால் பலர் அறிய பாராட்டுங்கள்.
                     -பப்ளீயஸ் சைரஸ்
நீங்கள் கோபமாக இருக்கும் ஒவ்வொரு நிமிடமும் அறுபது வினாடி இன்பமான பொழுது இழ்ந்துவிடுகிறீர்கள்
                       -எமர்சன்
வெட்கம் மனிதனைவிட்டு விலகினால் அவன் விலங்காவான்.
                                  -முதுமொழி
வயிறுதான் நம்மை வேலைசெய்யத் தூண்டுகிறது.பசிதான் நம்மைமுன்னேற்றுகிறது.
                     -இங்கிலாந்துப் பொன்மொழி                                      
பணத்தை பாதுகாப்பதைவிட நாம் பேசுவதைபாதுகாத்தால் அதிக நன்மை அடையலாம்.
                  அமெரிக்கப்பொன்மொழி
உண்மைகளை விலைகொடுத்து வாங்குங்கள்;ஆனால் அதை ஒருபோதும் விற்றுவிடாதீர்கள்
              -சாலமன் மன்னன்
துவண்டுவிடாதீர்கள்! முதல்தடவை உங்களை ஒதுக்கலாம் இரண்டாம் தடவை நீங்கள் ஒளிவீசப்போவது உறுதி.எனவே தொடர்ந்து செல்லுங்கள்.
                                  -வால்டேர்.
உலகை வெல்ல கப்பல் நிறைய ஆயுதம் வேண்டாம் ஒரு கை நிறைய வலிமை இருந்தாலே போதும். 
                -ஜெர்மானியப் பொன்மொழி

Friday, April 22, 2011

beware of SMS forgery | உலா வரும் எஸ்.எம்.எஸ்., மோசடி: ஆசை காட்டி "வலை' விரிக்கும் கும்பல் Dinamalar

beware of SMS forgery | உலா வரும் எஸ்.எம்.எஸ்., மோசடி: ஆசை காட்டி "வலை' விரிக்கும் கும்பல் Dinamalar

2011 election cartoon | election 2011 cartoon | Political Cartoons | Tamil Nadu Political Cartoons

2011 election cartoon | election 2011 cartoon | Political Cartoons | Tamil Nadu Political Cartoons

கவிப்ரியாவின் கவிதைகள்










Related Posts Plugin for WordPress, Blogger...