Saturday, March 5, 2011

ஹை! ஹைக்கூ!

குறிஞ்சி மலர்

ரசக்கலி மசக்கலி
 காக்ராச்சோளி
என பூத்து குலுங்குமிடத்தில்
அரிதாய் ஒரு தாவணி.

வெள்ளைகாரிகள்
கூட்டத்தில் மனதை
கொள்ளை அடித்தவள்
குங்கும பொட்டு தேவதை

இடிந்து விழுந்த
இல்லம்
கைதட்டி ரசித்தன
குழந்தைகள்
கடற்கரை மணல் வீடு

 கருப்புச் சேலையில்
 சிவப்பு பொட்டுக்கள்
 நட்சத்திரங்கள்

 வியர்த்து வழிந்தன
 புற்கள்
 காலைப் பனி

இரவுப்போதில்
தூரத்தே கேட்கும்
இசை
தாலாட்டு

 டிஸ்கி: இதெல்லாம் ஹைக்கூவான்னு நீங்க கேட்பது காதுல விழுது ஆனா வேற வழியே இல்ல தளத்துக்கு வந்துட்டீங்க படிச்சுட்டு போங்க ப்ளீஸ்!

வேலைக்கிடைச்சாச்சு!


வேலைக் கிடைச்சாச்சு!
    
ரமேஷ் அந்த தனியார் அலுவலகத்திலிருந்து சோர்வுடன் வெளியே வந்தான்.கடைசியாக இந்த இந்த இண்டர்வியுவை மிக்க நம்பிக்கையுடன் ‘அட்டெண்ட்’ செய்தும் பிரயோசனம் இல்லை. வேலை வேறு எவனுக்கோ சிபாரிசு மூலம் கிடைத்து விட்டது. ‘சாரி மிஸ்டர் ரமேஷ் உங்களை இழப்பதில் வருத்தமடைகிறோம் ஆனால்.... என்று நேர்முகத் தேர்வு நடத்துபவன் சொன்னது காதில் தேளாய் கொட்டியது.


     இந்த இண்டர்வியு வெறும் கண்துடைப்புக்குதானாம். இந்தவேலைக்கான அப்பாயிண்ட்மெண்ட் ஆர்டர் எப்பொழுதோ சிபாரிசினால் வேறு ஒருவனுக்குச் சென்று விட்டதாம். வெறுப்புடன் வெளியே வந்தான். ‘ச்சே நாடு எவ்வளவு மோசமாகி விட்டது.தகுதி இருந்தும் தக்க சிபாரிசு இல்லாததால்வேலை இல்லாமல் போய் விட்டது.

       வயதோ நாளுக்கு நாள் ஏறிக்கொண்டே போகிறது. எத்தனை நாளைக்குத்தான் பெற்றோர்களுக்கு பாரமாய் இருப்பது.அவனுள் இயலாமையும் ஆத்திரமும் கரைபுரண்டு அழுகையாய் வந்தது.

சட்டென கண்ணைத்துடைத்துக்கொண்டு சாலையில் நடந்தான். வழியில் பிள்ளையார் கோயில் தென்பட கூட்டம் அதிகமாக இருந்தது. விநாயகா உனக்கு கூட என் மீது கருணை இல்லையே என்றவாறு சட்டைப்பையில் துழாவி இருந்த ஒரு ரூபாயை எடுத்துக்கொண்டு உள்ளே நுழைந்தான்.
    
ஒரு ரூபாயைஅர்ச்சகரின் தட்டில் போட்டுவிட்டு விபூதி வாங்கி இட்டுக்கொண்டு வெளியேவர ஒரே ரகளையாக இருந்தது. என்னவென்று விசாரித்தான். நடுத்தரவயதுடைய அந்த மனிதர் சொன்னார். ‘இங்கதான் தம்பி புதுச் செருப்பை விட்டுட்டு கோவிலுக்குள்ளே போனேன். திரும்பிவந்தா செருப்பைக் காணோம்.’  

   ‘இன்னிக்கு மட்டுமில்ல தம்பி தினமும் இதேமாதிரி நிறைய செருப்பு திருடு போவுது கோவில் நிர்வாகம் கண்டுக்கிறதே இல்ல’. அவர் சொல்லிக்கொண்டே போக ரமெஷுக்குள் ஒர் எண்ணம் தோன்றியது.விநாயகா எனக்குவேலை கிடைத்துவிட்டது.நன்றி விநாயகா! நன்றி! அங்கிருந்து புறப்பட்டான்.
     
        மறுநாள்காலை. இங்கே காலணிகளை விட்டுச் செல்லவும் கட்டணம் ரூ 1.00 என்ற போர்டுடன் பிள்ளையார் கோவில் வாசலில் பிசியாக இருந்தான் ரமேஷ்.

டிஸ்கி 1 கதை நல்லா இல்லேன்னாலும் படத்துக்காவது ஒரு வாட்டி படிப்பீங்க இல்லயா? அதுக்குத்தான்  ஜோதிகாவும் சரண்யாவும்.
டிஸ்கி 2 புடிச்சிருந்தாலும் இல்லேன்னாலும் உங்க கமெண்டையும் ஆலோசனைகளையும் கண்டிப்பா சொல்லுங்க

Friday, March 4, 2011

நைட்டி உலா அவசியமா?




இரவில் படுக்கைஅறையில் அணிந்துகொள்ள தயாரானதுதான் ‘நைட்டி’எனப்படும் நைட்டிரஸ் என்பது எனது தாழ்மையான கருத்து. புடவையோடு எக்கசக்க உள்ளாடைகள் அணிந்து பகல் முழுதும் அல்லல் படும் பெண்கள் இரவில் ரிலாக்ஸாக ‘நைட்டி’ அணிவதில் தவறில்லை. ஆனால்..
      இன்றோ பிறக்கும் குழந்தைகளிருந்து தள்ளாத மூதாட்டிவரை இந்த ‘நைட்டி’ அணிந்து உலாவருகையில் ‘உவ்வே’ என் குமட்டல்தான் வருகிறது.முதலில் ‘நைட்டி’ போன்ற உடைகளை நகரங்களில் மட்டும் அதுவும் ராப்பொழுதில் மட்டும் காணமுடியும்.ஆனால் இன்றோ அது தேசிய உடை போல தெருவெங்கும் உலா வரத்தொடங்கிவிட்டதுதான் காலத்தின் கொடுமை.
       உடல் பருத்த பெண்மணிகள் தமக்கு சற்றும் பொருத்தமில்லா இந்த ஆடையை அணிந்துகொண்டு தெருவில் நடமாடுவதும் காய்கறிவண்டிகாரனிடம் பேரம் பேசிக்கொண்டும் பிள்ளைகளை பள்ளி வேனில் ஏற்றிக்கொண்டும் உலாவரும் காட்சிகள் கொடுமையிலும் கொடுமை.
     இன்னும் சிலர் உள்பாவாடை வெளியே தெரிய ஆங்காங்கே கிழிந்து கந்தலான இதை சிறிதும் கூச்சமில்லாமல் அணிந்து நடமாடுவதை என்னவென்று சொல்வது. கடை ,வீதி, கோயில், வீடு, என்று எங்கெங்கு காணிணும் ‘நைட்டி’யடா என்று காண கண் போதவில்லை போங்கள்.


       இது போதாதென்று கோலங்கள் தேவயானி ஒரு குடும்பத்தலைவியா என்னைபெருமை கொள்ள வைப்பது ........ ‘நைட்டி’ தான் என்று விதவிதமான போஸில்  தொலைக்காட்சியில் வந்து ‘நைட்டி’க்கு இலக்கணம் வகுக்கிறார். இரவில் அணியும் ஓர் ஆடைக்கு விதவிதமான் மாடல்கள் வேறு.பாக்கெட் வைத்துக்கூட வந்து விட்டது.
     தங்களுக்கு சிறிதும் பொருத்தமில்லா இந்த ஆடையை சில பெண்கள் உள் பாவாடை வெளியில் தெரிய மேலே ஒரு துண்டை ஒப்புக்கு போட்டுக்கொண்டு இடுப்பில் ஒரு குழந்தயை ஏந்தி செல்லும் காட்சி என்னை அருவெறுக்கவைக்கிறது.ஏன் அம்மா இவ்வளவு கஷ்டம்.
     பெண்களே கொஞ்சம் யோசியுங்கள் ‘நைட்டி’ அணியுங்கள் ஆனால் வீட்டில் மட்டும்.


Wednesday, March 2, 2011

இன்று மஹா சிவராத்திரி

மகா சிவராத்திரி

கட்டற்ற கலைக்களஞ்சியமான விக்கிப்பீடியாவில் இருந்து.
(சிவராத்திரி இலிருந்து மீள் வழிப்படுத்தப்பட்டது)
  மாசி மாதத்தில் வரும் தேய்பிறைச் சதுர்த்தசி இரவே மகிமை மிக்க "மகா சிவராத்திரி ஆகும்".

 

 

  சிவராத்திரி விரதம் வகைகள்

சிவராத்திரி விரதம் ஐந்து வகைப்படும்.
  1. மகாசிவராத்திரி
  2. யோகசிவராத்திரி
  3. நித்திய சிவராத்திரி
  4. பட்ஷிய சிவராத்திரி
  5. மாத சிவராத்திரி
ஒவ்வொரு மாதமும் தேய்பிறை சதுர்த்தசி இரவு மாத சிவராத்திரி ஆகும். சிவனடியார் பலர் இந்த சிவராத்திரியையும் மாதந்தோறும் தவறாமல் கடைப்பிடித்து வருகின்றனர்.
விரதம் கடைப்பிடிப்போர் (விரதம் பிடிப்போர்) முதல் ஒருநாள் ஒரு பொழுது உணவருந்தி சிவராத்திரியன்று உபவாசமாய் காலையில் குளித்து சிவ சிந்தனையுடன் கண்விழித்திருந்து நான்கு யாம வழிபாடு செய்யவேண்டும். அடுத்தநாள் காலையில் தீர்த்தமாடி, சுவாமி தரிசனம் செய்து அடியார்களுடன் உணவருந்தி (பாரணை செய்து) விரத்தை நிறைவு செய்தல் வேண்டும்.
சிவாயலங்களில் நடைபெறும் நான்கு யாம அபிசேக ஆராதனைகளுக்கு அவரவர் வசதிக்கேற்பப் பொருள்களைக் கொடுத்து உதவலாம்.

 நான்கு யாம வழிபாட்டிற்குரிய திரவியங்கள்

  • முதல் யாமம் - பஞ்ச கவ்விய அபிஷேகம், பொங்கல், நிவேதனம், வில்வத்தினால் அர்ச்சனை.
  • இரண்டாம் யாமம் - பஞ்சாமிர்த அபிஷேகம், பாயாச நிவேதனம், தாமரை மலரால் அர்ச்சனை.
  • மூன்றாம் யாமம் - தேன் அபிஷேகம், நெய்யும் மாவும் கலந்து நிவேதனம், நந்தியாவட்டை மலர்களால் அர்சனை.
  • நான்காம் யாமம் - கருப்பஞ்சாறு அபிஷேகம், வெண்பொங்கல் நிவேதனம், நந்தியாவட்டை மலர்களால் அர்ச்சனை.
இவ்விரத்தின்போது திருமுறை ஓதல் மிகச்சிறப்பானதாகும். குறிப்பாகத் தேவாரத்தில் திருவண்ணாமலைப் பதிகங்களும் சிவபுராணமும் ஓதுதல் சாலச் சிறந்தது.

இவ்விரத்தைப் பற்றிய ஐதீகங்கள் பல உள்ளன. ஒரு காலத்தில் உலகப் பிரளயத்தின் போது உயிர்கள் எல்லாம் சிவனிடத்தே ஒடுங்கின. உலகங்களே தோன்றவில்லை. இந்த நிலையில் எல்லையில்லாக் கருணையுடைய அம்பிகை அண்டங்கள் தோன்றி இயங்கும் பொருட்டு இறைவனை இடைவிடாது தியானம் செய்தாள். அப்போது இறைவன் தன்னுள் ஒடுங்கி இருந்த உலகங்களை மீண்டும் உண்டாகச் செய்து உயிர்களையும் படைத்தருளினார். அப்பொழுது உமையவள் சுவாமி நான் தங்கள் மனதில் தியானித்துப் போற்றிய காலம் "சிவராத்திரி" என்று பெயர் பெறவேண்டும் என்றும் அதனைச் சிவராத்திரி விரதம் என்று யாவரும் கடைப்பிடிக்க வேண்டும் என்றும் அதை கடைப்பிடிப்பவர்கள் எல்லா நலன்களும் பெற்று முக்தியடையவேண்டும் என்று பிராத்தித்தார் இறைவனும் அவ்வாறே என்று அருள் புரிந்தார். அம்பிகையைத் தொடர்ந்து நந்தியம் பெருமான், சனகாதி முனிவர் சிவராத்திரி விரதம் அனுஷ்டித்து தங்கள் விருப்பம் நிறைவேறப்பெற்றார்.    நன்றி விக்கிப்பீடியா

Tuesday, March 1, 2011

150 ரூபாய் நாணயம்... on Twitpic

150 ரூபாய் நாணயம்... on Twitpic

+2 tips

#தேர்வுக்கு முதல் நாள் நள்ளிரவு வரை படிக்க வேண்டாம் அதிகாலையில் எழுந்து படியுங்கள்.
#நன்கு தெரிந்த பாடங்களை படித்த பின் எழுதி பாருங்கள். இது வரை படிக்காத பாடங்களை புதிதாக படித்து நேரத்தை வீணாக்கவேண்டாம்.
#தேர்வு காலங்களில் உங்கள் உடல் நிலையில் கவனம் வையுங்கள்.
#குறைந்தது அரைமணி நேரத்திற்குமுன்பு தேர்வு மையத்திற்கு சென்று விடுங்கள்.
#உங்களுக்கு நன்றாக தெரிந்த கேள்விகளுக்கு முதலில் விடை எழுதுங்கள்.
#தேர்வு மையத்தில் பதட்டம் அடைய வேண்டாம் .எங்கும் கவனத்தை சிதற விடாதீர்கள்
#தேர்வு கால்ங்களில் தெளிவாக திட்டமிட்டு படியுங்கள் உங்கள் ஆசிரியர் பெற்றோர் கூறிய அறிவுறைகளை மனதில் நினைத்து நன்றாக முயற்சி செய்து படியுங்கள்.எழுதுங்கள்.
#எல்லாம் எழுதி முடித்த பின் பிழை உள்ளதா என நிதானமாக பாருங்கள்.கேள்வி எண்ணை சரியாக எழுதி உள்ளீர்களா என சரி பாருங்கள்.
#தேர்வுக்கு புதிய பேனா பயன்படுத்துவதை தவிர்த்து ஏற்கனவே பயன்படுத்தியபேனாவை பயன் படுத்தினால் கையெழுத்து சிறப்பாக அமையும்.
#வெற்றி பெற வாழ்த்துக்கள்!

               நன்றி : தினமலர்.

+2
தமிழ் முதல் தாள் முக்கிய வினாக்கள்!

1.கம்பர் இயற்றிய வேறு நூல்கள் யாவை?
2. நாடோரும் எதனைபாடுதல் வேண்டும்?
3வரத நஞ்சைய பிள்ளை தமிழ்ன்னையை வாழ்த்துவம் என்று எங்னம் கூறுகிறார்.
4.புறநானூற்றால் அறியப்படும் செய்திகள் யாவை?
5எட்டுத் தொகை நூல்கள் யாவை?
6.நரிவெரு உத்தலையார் பயனில்லாத முதுமையுடயாரைவிளித்து கூறுவனவற்றை எழுதுக.
7.பராய்க் கடன் உரைத்தல் விளக்குக.
8.இடம்சுட்டி விளக்குக. “அஞ்சிலோதியை வரக் கரைந்தீமே”
9.மறவற்க எனவும் துறவற்க எனவும் வள்ளுவர் கூறுவன
10எதனை மறத்தல் எதனினும் நன்று?
11. எளியனவும் அரியனவும்ஆவது எது/
12.நன்றி செய்தாரது நட்பை விடலாகாது ஏன்/
13.பொறையுடைமை அதிகாரம் வெளிப்படுத்தும் கருத்துக்கள்.
14.சிலப்பதிகாரம் உணர்த்தும் மூன்று நீதிகள்
15. “உண்டுகொல்” என்னும் முறையில் கண்னகி சினந்து கூறியனயாவை?
16.கண்ணகியின் சூளுரையும் நகர்மாந்தர் மயங்கி கூறியனவும் யாவை?
17.”கண்டெனென்” என்று அனுமன் கூறியவை?
18.கனையாழி கண்ட சீதையின் செயல்கள்
19.சீதையைக் கண்டு வந்து அனுமன் கூறிய செய்திகள்
20தாவீதன் கோலியாத்துக்கு உரைத்த மறுமொழி யாது?
21.ஆத்தா கிழவி யார்?
22.பாண்டியன் பரிசாகிய பேழைக்குள் இருந்தன யாவை?
23 அந்த்தாதி பெயர்க்காரணம் கூறுக
24.முக்கூடலில் கூடும் ஆறுகள் யாவை?
25.இராச ராச சோழ்னின் வி,வாள், முரசு,கொடி,குடை, குறித்து கூறப்பட்டன யாவை?
26.தலைவி மேகத்திடம் மொழிந்த தூது மொழிகள் யாவை?
27தென்கரை நாட்டின் வளம் குறித்து முக்கூடல் பள்ளு கூறுவன
28மேகக் கூட்டங்கள் எவ்வாரெல்லாம் உருவகம் செய்யப்படுகின்றன?
29சுவடிச் சாலையில் இருக்க வேண்டிய நூல்கள் யாவை?
30சிக்கனத்தால் வரும் பயன்கள் யாவை?
31.மூலையில் கிடக்கும் வாலிபனிடம் தாராபாரதி கூறுவன
32தேவார மூவர் யார்?
33கிறித்துவ கம்பர் என்று அழைக்கப்பட்டவர் யார்?
34. குலசேகர ஆழ்வார் வேண்டுவதும் வேண்டாததும் யாவை?   
Related Posts Plugin for WordPress, Blogger...